อุ ตี แลง 20:6 - Prai Bible

⁶ เจ็นนัน โมเซด เคิบ อาโรน ก็ ทอก เริล เจ็น ปึง อัห โตะ ตัก ปะตู พาเต็น เอาซาง ‍ ปาม ก็ กราบ ไว เอาซาง เคิง นัน ‍ เยโฮวา ก็ ระ ปาม เม็จ ออ ทาง ซะ อุ นัน ‍

อุ ตี แลง 20:6 Iomraidhean Croise

อิซราเอล ญาย 16:10

อาโรน ก็ โตะ ไล อัห ฮุน โมเซด ไล ออ นัน ‍ ญาม อาโรน ควะ จ็อก อุ เคิบ อัห ตัก ซะร็อห นัน ‍ ครำ อิซราเอล ก็ ดอม ตี แลง โตน นัน ‍ อัห ก็ ปัก เม็จ พุก ทาง ซะ ตัก บด นัน ‍ ก็ เป็น เยโฮวา มแบละ นัง ออ ตัก อัห ฮัก

อิซราเอล ญาย 17:4

โมเซด เม็จ อัห โป ออ ฮุนนัน ‍ นำ ก็ ครอ เคิบ เยโฮวา คือเน “เยโฮวา เฮย ‍ มัห ไล เอิญ แอง จังนัก เลาะ บ็อห ‍ อัห บัก และ เอิด เกียง นดืม เอิญ แลว” โมเซด อัง

อุ ตี แลง 14:10

ทาเน ปึง พซาซน มด นัน ก็ อง เอิด เกียง กวาง โยซูวา เคิบ คาเล็บ ระ เปิล แอ็ม ‍ มี บึด เจ็นนะ อัห ก็ เม็จ พุก ทาง ซะ ตัก พาเต็น เยโฮวา นัน ‍ เยโฮวา ก็ มแบละ นัง ออ ตัก ครำ อิซราเอล มด นัน

อุ ตี แลง 14:5

โมเซด เคิบ อาโรน เม็จ อัห จ็อก จังนะ แลว ‍ ปาม ก็ กราบ ไว เอาซาง จำ ซิก นเซ็บ เคิบ มัด พซาซน นัน ‍

อุ ตี แลง 20:7

เยโฮวา ก็ ไล โมเซด คือเน ‍

มัดทิว 26:39

เจ็นนัน นำ ก็ เริล ตีดต็อง วัล ‍ นำ ก็ ลด ญุล คุด ‍ คุบ มัด อุ ตัก ซิก ‍ ครอ วอน เอาซาง คือเน “ครอ เตาะ เอา เฮย ‍ ครอ อำ ระ เอิญ โซะ มอก เน ‍ ทอระมาน ดก มอก เน ดาย ‍ กัน เอิญ ปน กุญ ‍ ก็ ครอ ระ เอิญ ปน แอ็ม เจ็น ตุก ญาก เน ดาย ‍ แต อำ แอง ตาม ใจ เอิญ เตาะ ‍ ครอ ระ มัห แอง ตาม ใจ ออ ฮัก” นำ อัง