มาระโก 3:9 - Prai Bible

^9-10 นำ เกย จวย ครำ โซะ ระ งาล ดก ล็อง แลว ทาเน ครำ โซะ ตี โตะ เลิม เคิบ ครำ ดก นัน ‍ อัห เม็จ เยซู จวย ครำ โซะ ระ งาล ดก ล็อง แลว ‍ อัห ก็ แดก นอย เพือ โตะ คอบ นัง เยซู ‍ ระ นำ จวย ออ ‍ แร็ง ดก โตะ ครำ ซีเละ ‍ แต เยซู ไอ มี ซีรอก ระ อัห แดก ออ ‍ นำ ก็ ลด ไล ลูกนอง และ เฮือ เตียม อน ตัก ออ ‍ ระ อัห ไอ มี แดก ออ

มาระโก 3:9 Iomraidhean Croise

มัดทิว 15:39

เจ็นนัน เยซู ก็ ระ ปึง พซาซน วัล ออ ‍ ซุด อัห วัล มด แลว ‍ เยซู ก็ ต็อก เฮือ เริล พาโนน ‍ เล็ห ตัก งวัล มากาดาน พาโนน

มาระโก 4:1

มี มี ลบ นัน ‍ เยซู เริล นเจ็น อัห ตัก เปล นอก ทะเล กาลิลี วัล ‍ ปึง พซาซน ก็ รูบ โตะ แกวด นำ ปิ มด ‍ นำ ก็ ลด คุด ตัก เฮือ ตี อุ ตัก เปล นอก นัน ซอน อัห ‍ ปึง พซาซน ก็ ปัง นำ อุ ตัก ซะร็อห ‍

มาระโก 4:36

ลูกนอง ก็ ระ ปึง พซาซน วัล ออ ‍ เจ็นนัน อัห ก็ ลด ต็อก เฮือ เริล เลิม เคิบ เยซู ‍ เฮือ ซอ ก็ เริล เลิม แด ‍

มาระโก 5:2

เยซู ก็ ทอก เจ็น เฮือ ‍ ทาเน ก็ มี ครำ ปรอง กุด มี ล็อง ‍ ทอก โตะ เจ็น พาเฮ็ว ‍

มาระโก 5:30

ท็อบ นำ คอบ โกบ เยซู ‍ เยซู ก็ ลด เม็จ ริด เม็จ แร็ง ใน นัง ออ ทอก ‍ นำ ก็ งแก็ล ดอม อัห ‍ นำ ก็ ซ็วน ปึง อัห คือเน “ซีเอ คอบ โกบ เอิญ บ็อห” นำ อัง ‍

มาระโก 6:32

เยซู เคิบ ลูกนอง ก็ ต็อก เฮือ เริล และ ตี มโบละ

ลูกา 5:1

แทะ นัน วัล เยซู ก็ เริล จังวัด กาลิลี ‍ มี มี งิ นัน ‍ นำ ญ็อง นเจ็น พซาซน อุ ตัก เปล นอก ทะเล กาลิลี นัน ‍ ปึง พซาซน ก็ แดก นอย โตะ ปัง แญง เอาซาง ตัก นำ ‍

ลูกา 5:3

เฮือ มี ลำ นัน เป็น เฮือ ซีโมน เปโตร ‍ ทาเน ดก ครำ แดก เยซู ‍ เยซู ก็ ไอ มี ซีรอก ระ อัห แดก ออ ‍ เยซู ก็ ลด ต็อก เฮือ ซีโมน นัน ‍ นำ ก็ ไล ซีโมน ญู เฮือ เริล ตัก นอก ตีดต็อง ‍ นำ ก็ ลด คุด ตัก เฮือ นัน ซอน อัห ‍ ปึง พซาซน ก็ ปัง นำ อุ ตัก ซะร็อห

ยอน 6:15

เยซู เม็จ อัห อง คนาบ ออ เป็น พะเจายูฮัว คอง อัห นัน ‍ นำ ก็ ลบ วัล เริล อุ ตัก ซะร็อห ทึห มี ล็อง ฮัก