ทาเน อัห ก็ เลอะ เม็จ คาว เลือง เยซู ทัว มด แพ็ว ครำ ปะเทด ซีเรีย ตี อุ เยอะ ซะ อัห ก็ เลอะ เม็จ คาว มด อุ เจ็นนัน ไอ มี อิง อัห ก็ เลอะ ซับ ครำ โซะ ซะ เน ซะ นัน โตะ และ นำ ทึดๆ ครำ ปรอง กุด ครำ ตี เป็น จัก เป็น เฮิ๊ด ครำ อำมะพึก อำมาพาด อัห ก็ ซับ ระ นำ รักซา นำ ก็ จวย รักซา อัห ระ เลาะ เล็ห มด จู ล็อง
มาระโก 2:9 - Prai Bible9 ซำรับ ครำ พาลือ แอง จังนัก ซัง งาย กวา นอย บ็อห แอ ญ็อก แอ็ม ตี ลุห นำ งาย อัน แอ รักซา นำ ระ นำ ร็อห นจาง งาย อัน ซำรับ ครำ แอ เน อัน นเดย งาย บ็อห Faic an caibideil |
มาระโก 2:9
7 Iomraidhean Croise
เจ็นนัน ก็ มี ครำ มี ปึง นะ อัห งโกง ซับ ครำ อำมาพาด มี ล็อง ระ เยซู รักซา อัห งโกง ซับ นำ มด ตึง มเบิน ตี นำ อวย ออ นัน เยซู เม็จ อัห ซับ ล็อง นะ ระ ออ รักซา นำ ก็ เคาใจ เค็ย อัห กิว เจือ ออ ซีเละ เยซู ก็ ไล ครำ อำมาพาด นัน คือเน “เลาะใจ นทึห เตาะ ควัน เอิญ ญ็อก แอ็ม ตี ลุห มัห แลว เอิญ ไอ มี ทือ ลุห มัห เตาะ” เยซู อัง
เอิญ เน ตี เอาซาง ระ เกิด เป็น ครำ ตัก โลก เน เอิญ มี แร็ง มี อำนาด ญ็อก แอ็ม ตี ลุห ครำ กุญ ซำรับ เอิญ เน ไอ มี ซีวะ ญาก เตาะ เอิญ ญ็อก แอ็ม ตี ลุห อัห ก็ กุญ เอิญ ระ ล็อง เน ร็อห ญ็อง นจาง เริล ก็ กุญ ไอ มี ญาก เตาะ มานะ เน เอิญ แอง มี ยาง ระ แป เม็จจึด เค็ย เอิญ มี แร็ง มี อำนาด ญ็อก แอ็ม ตี ลุห ล็อง เน กุญ” เยซู อัง เจ็นนัน เยซู ก็ มบิด มัด ดอม ครำ อำมาพาด นัน ลด ไล นำ ร็อห ญ็อง เพล็ว มเบิน วัล เจิง
Sanasan