ลูกา 9:5 - Prai Bible5 แต กัน งวัล นเดย ไอ มี ตอนฮับ แป ไอ มี ซีรอก ปัง แญง แป แป ก็ ต็อง พระ แอ็ม งวัล นัน ลด เริล งวัล ซอ วัล ญาม แป ทอก เจ็น งวัล อัห นัน แป ก็ ต็อง นโจ็ห แอ็ม พุน ตัก เจ็ง แป นัน แป แอง จังนัน ก็ ระ งวัล นัน เม็จ ซึก นัง ออ ระ อัห เคาใจ เค็ย อัห แอง ลุห ซีเละ แป ไอ มี จำเป็น ฮับพิดซอบ อัห วัล เตาะ” เยซู ไล ลูกนอง ออ คือนะ Faic an caibideil |
ลูกา 9:5
13 Iomraidhean Croise
เจ็นนัน เยซู ก็ ไล ปึง ลูกนอง ออ คือเน วัล “ญาม แป เริล ไล แญง เอาซาง อน ตัก อัห นัน กัน เอา นเดย เจือ ปัง แป ก็ มอก อัห เจือ ปัง เอิญ ฮัก เอา นเดย ไอ มี ญอม ฮับ แป ก็ มอก อัห ไอ มี ญอม ฮับ เอิญ นัน เอา นเดย ตี ไอ มี ญอม ฮับ เอิญ ก็ มอก อัห ไอ มี ญอม ฮับ เอาซาง ตี ระ เอิญ โตะ ตัก โลก เน” เยซู อัง
แลว เยซู รักซา นำ แลว เยซู ก็ มบราง นำ ไอ มี ระ นำ ไล อัหซอ เค็ย เยซู จวย นำ “อำ ไล ซีเอ เด็ดคาด เค็ย เอิญ แอง ระ มัห งาล โซะ เน ดาย อำ ไล อัห เตาะ แต มัห ต็อง เริล มแบละ นัง ออ อน ตัก มอ เอาซาง ระ มอ เอาซาง ตวด ดอม นัง มัห วาล แลว มอ เอาซาง ตวด ดอม นัง มัห แลว มัห ต็อง ทวาย ซะ อน ตัก เอาซาง มอก กด โมเซด ไล อน เลือง ครำ งาล คีเฮือน นัน โมเซด ไล ครำ งาล คีเฮือน ทวาย ซีวะ มัห ก็ ต็อง ทวาย ซะ นัน นเซอะ อัหซอ จู ล็อง เม็จจึด เค็ย มัห กิว งาล คีเฮือน เลาะ แลว” เยซู อัง
นำ ก็ ไล ลูกนอง ออ คือเน “ล็อง นเดย ตี ท็อม นัง ออ ลด ญอม เป็น เปือน ควัน แย็ด ล็อง เน ไอ มี เซ็ห อัง ควัน แย็ด ล็อง เน ญอน นำ ทือ เอิญ ก็ มอก อัห เป็น เปือน เอิญ ก็ มอก อัห ไอ มี เซ็ห อัง เอิญ อัห ก็ ซำ เป็น เปือน เอา ล็อง นัน ตี ไล เอิญ โตะ ตัก โลก เน เอิญ ไล แป นังเลาะ นะ ใน ปึง แป เน เอา นเดย ตี ญอม ท็อม นัง ออ ไอ มี ทือ นัง ออ เอา นัน ก็ เป็น ซะ แกะ ทีซุด บัดนะ วัล” เยซู อัง
แต ปึง ครำ ยิว อัห ก็ ตอตาน เปาโล ติกๆ อัห เซาะ อัห โป เปาโล เค็ย นำ ไอ มี เลาะ วัล เปาโล ก็ ลด ไล อัห คือเน “แป เปิล แป ก็ ฮับพิดซอบ ออ ฮัก ดาย เอิญ ไอ มี ฮับพิดซอบ แป วัล เตาะ เจ็นเน นโดน เอิญ ก็ เริล ไล ครำ กรอก ซอ ฮัก” นำ อัง นำ ก็ ลด นโจ็หๆ แอ็ม พุน เจ็น โกบ ออ ระ อัห เคาใจ เค็ย นำ ไอ มี ฮับพิดซอบ อัห วัล เตาะ
Sanasan