ลูกา 5:2 - Prai Bible

² ทาเน นำ ก็ เม็จ เฮือ เปียะ ลำ จอด อุ ตัก เปล นอก ทะเล นัน ‍ เป็น เฮือ ครำ โละ คา ‍ แต ไอ มี ควะ ครำ ตัก เฮือ นัน เตาะ ‍ ครำ โละ คา นัน อัห ทอก เจ็น เฮือ แลว ‍ อัห กำลัง พุห อวน อุ  ‍

ลูกา 5:2 Iomraidhean Croise

มัดทิว 4:18

มี มี งิ นัน ‍ เยซู ก็ นจาง เริล ตัก เปล นอก ทะเล กาลิลี ‍ ญาม นำ นจาง เริล นัน ‍ นำ ก็ เม็จ ซีโมน เคิบ อันดรู ‍ ปาม เป็น ควน เคิบ นไจ ‍ ซีโมน เน นำ ก็ มี ซือ ตัก เปโตร วัล ‍ เยซู เม็จ ปาม ซัห เนิ๊ก อุ ‍ ปาม โละ คา เท็จ ‍

มัดทิว 4:21

เจ็นนัน อัห ก็ นจาง เริล ตัก เปล นอก ติกๆ ‍ อัห นจาง เริล มี บึด มี ญาม ‍ เจ็นนัน เยซู ก็ เม็จ ควน เคิบ นไจ เปียะ ล็อง วัล ‍ ซือ ตัก ยอน เคิบ ยากอบ ‍ ปาม เป็น ควัน เซเบดี ‍ ปาม คุด จิง อวน อุ ตัก เฮือ เลิม เคิบ เอา ออ ‍ เยซู ก็ มพอล ปาม เริล เคิบ ออ ‍

มาระโก 1:16

เจ็นนัน เยซู ก็ นจาง เริล ตาม เปล นอก ทะเล กาลิลี ‍ นำ เม็จ ครำ เปียะ ล็อง ตัก นัน ‍ ปาม มี อาซีบ โละ คา ‍ นไจ ซือ ตัก ซีโมน ‍ ควน นำ ซือ ตัก อันดรู ‍ ปาม กำลัง ลาก อวน อุ ตัก นอก ทะเล นัน ‍

มาระโก 1:19

เยซู นจาง เริล ซม มี ติด วัล ‍ นำ ก็ เม็จ อัหคล็อง เปียะ ล็อง วัล ‍ ปาม เป็น ควน เคิบ นไจ ‍ ซือ ตัก ยากอบ มี ล็อง ‍ ซือ ยอน มี ล็อง ‍ ปาม เป็น ควัน เซเบดี ‍ ปาม กำลัง ปลอด อวน อุ ตัก เฮือ นัน ‍

ลูกา 5:1

แทะ นัน วัล เยซู ก็ เริล จังวัด กาลิลี ‍ มี มี งิ นัน ‍ นำ ญ็อง นเจ็น พซาซน อุ ตัก เปล นอก ทะเล กาลิลี นัน ‍ ปึง พซาซน ก็ แดก นอย โตะ ปัง แญง เอาซาง ตัก นำ ‍

ลูกา 5:3

เฮือ มี ลำ นัน เป็น เฮือ ซีโมน เปโตร ‍ ทาเน ดก ครำ แดก เยซู ‍ เยซู ก็ ไอ มี ซีรอก ระ อัห แดก ออ ‍ เยซู ก็ ลด ต็อก เฮือ ซีโมน นัน ‍ นำ ก็ ไล ซีโมน ญู เฮือ เริล ตัก นอก ตีดต็อง ‍ นำ ก็ ลด คุด ตัก เฮือ นัน ซอน อัห ‍ ปึง พซาซน ก็ ปัง นำ อุ ตัก ซะร็อห

ยอน 1:40

ลูกนอง ยอน เปียะ ล็อง นัน ‍ ตี ยอน ไล เค็ย เยซู เป็น ควัน แกะ เอาซาง นัน ‍ ตี เริล เคิบ เยซู นัน ‍ ก็ มี มี ล็อง นะ ซือ ตัก อันดรู ‍ อันดรู เน เป็น ควน ซีโมน เปโตร ‍