ลูกา 22:4 - Prai Bible

⁴ นำ ก็ เริล และ ปึง มอ เอาซาง แกะ เคิบ ปึง ทฮาน เพา ญาม วิฮาน เอาซาง ‍ อัห ก็ อู นอย เคิบ ยูดาด ‍ อัห อู นอย เลือง และ วิที ระ ยูดาด มอบ เยซู อน ตัก อัห นัน ‍

ลูกา 22:4 Iomraidhean Croise

มัดทิว 26:14

เจ็นนัน ก็ มี ลูกนอง เยซู มี ล็อง ตัก ปึง ซิบซอง ล็อง นัน ‍ ซือ นำ ตัก ยูดาด อิซคารีโอด ‍ นำ ก็ เริล และ ปึง มอ เอาซาง แกะ ‍

ลูกา 22:5

อัห เม็จจึด เค็ย ยูดาด ซีรอก มอบ เยซู อน ตัก ออ ‍ อัห ก็ เลาะใจ ซีเละ ‍ อัห ก็ ตกลง นอย อง อน เงิน ตัก นำ ‍ “กัน มัห มอบ เยซู อน ตัก อิห ‍ อิห ก็ อน เงิน ตัก มัห ดาย” อัห อัง ‍

ลูกา 22:52

ปึง อัห ตี โตะ เญ็บ เยซู นัน ‍ ก็ มี ปึง มอ เอาซาง แกะ เคิบ ปึง ทฮาน ตี รักซา วิฮาน เอาซาง ‍ เคิบ ปึง ฮัวนา ครำ ยิว ‍ ปึง เนๆ อัห โตะ เญ็บ เยซู ‍ เยซู ก็ ไล อัห ฮุนเน “แป วาง ก็อง ดาบ ก็อง งคัล โตะ เญ็บ เอิญ อังวะ ‍ แป ก็อง งคัล ก็อง ดาบ โตะ เญ็บ เอิญ มอก เอิญ เป็น โจน ‍

ตัวแทน 4:1

ญาม เปโตร เคิบ ยอน ควะ จ็อก อุ เคิบ ปึง อัห นัน ‍ ก็ โตะ ปึง มอ เอาซาง เลิม เคิบ ปึง ทฮาน ตัก รักซา วิฮาน นัน ‍ ปึง ซะดูซี ก็ โตะ เลิม ‍ อัห โตะ และ ปาม ‍

ตัวแทน 5:24

ทาเน ปึง ฮัวนา ทฮาน ตัก รักซา วิฮาน เคิบ มอ เอาซาง แกะ เม็จ ลูกนอง ไล ออ ฮุนนะ ‍ อัห ก็ ญ็อก งึด ‍ อัห กึด เลือง ปึง ตัวแทน เยซู เน ‍ อัห เป็น จังนัก บัดนะ วัล บ็อห

ตัวแทน 5:26

เจ็นนัน ฮัวนา ทฮาน ตัก รักซา วิฮาน เคิบ ปึง ทฮาน คอง นำ ‍ อัห ก็ เริล มพอล ปึง ตัวแทน เยซู โตะ ตัก ตี พซุม วัล ‍ อัห จ็อก เลาะๆ ซิห ปึง ตัวแทน เยซู นัน ‍ เพาะวา อัห นเจิก อัง ปึง พซาซน เอิด เกียง กวาง ออ ‍ อัห ก็ ลด ไอ มี ฮาน แอง ซีวะ ซิห ปึง ตัวแทน เยซู นัน เตาะ ‍