ยอน 7:19 - Prai Bible19 แป ก็ ไอ แมน ครำ เลาะ ครำ ซือ ดาย โมเซด อน กด เอาซาง ตัก แป แลว แป ก็ ไอ มี ปัง ซัก มี ล็อง กด เอาซาง ไล อน แลว เค็ย ‘อำ มเบิล ครำ’ แต แป เน ซีรอก มเบิล เอิญ วัล แป ลุห อัง กด แลว ดาย แป ไอ มี กิว แอง ฮุน กด เอาซาง ไล” เยซู อัง Faic an caibideil |
ยอน 7:19
27 Iomraidhean Croise
ทาเน ครำ เยรูซาเล็ม แกด ล็อง อัห เม็จ เยซู ฮาน จ็อก ทัว มด คือนัน อัห ก็ งึด ซีเละ อัห กึด ไอ มี เมือนนอย เตาะ แกด ล็อง อัห จ็อก เคิบ นอย ฮุนเน “เอ เยซู ล็อง เน เต็ห ตี ปึง ซะ แกะ ซีรอก มเบิล แอ็ม นำ แต มานะ เน ปึง ซะ แกะ เม็จ นำ จ็อก อัห ก็ ไอ มี เทียง นำ บา อัห เจือ นำ เป็น เมซียา แลว ก้า” อัห อัง
ทาเน ซะเทเฟน ลบ ไล อัห ฮุนเน วัล “ตัก อิง นัน โมเซด ก็ อุ เลิม เคิบ ปึง เอา เม แอ ตัก ตี แลง นัน เทวาดา ตัก มแบละ นัง ออ ตัก ญวัง ซีนาย ก็ อุ เลิม เคิบ นำ เทวาดา นัน ก็ ฟาก แญง เลาะ อน ตัก โมเซด เป็น แญง เลาะ ตี ซับรวง แอ รีด โมเซด ก็ ไล แญง เลาะ แญง แลม นัน อน ตัก แอ ตอ วัล ระ แอ กุญ ปัง เตา มานะ เน
กัน แอ กุญ จู มบลึ ญอน เอาซาง ซันญา เคิบ อับราฮัม แลว นัน เป็น ตัก ซีวะ เอาซาง อน กด ตัก แอ วัล ก็ ฮุนเน ดาย เอาซาง อน กด ตัก แอ ระ แอ เคาใจ นัง ออ ลุห แต เอาซาง ไอ มี ระ กด นัน มี อำนาด จำ นเดย จำ กวา เตาะ เอาซาง ระ กด นัน มี อำนาด จำปอ โตะ เยซู คริด นัน ก็ ฮุนเน ดาย เยซู เป็น ควัน งา อับราฮัม ตี เอาซาง ซันญา อน นัน ทาเน กด ตี เอาซาง อน ตัก ซะไม โมเซด นัน เทวาดา ก็ อน ตัก โมเซด แลว โมเซด วัล อน ตัก พซาซน วัล โมเซด เป็น ตัวแทน เอาซาง นำ จ็อก เคิบ ครำ อิซราเอล แตน เอาซาง
Sanasan