ยอน 6:5 - Prai Bible

⁵ ทาเน เยซู ก็ ดอม ปึง พซาซน ‍ นำ เม็จ พซาซน โตะ และ ออ ดก ล็อง ฮุนนัน ‍ นำ ก็ ลด ซ็วน ฟีลิบ คือเน “แอ และ ทน ซะ ป็อง พานเดย อน อัห ป็อง บ็อห” นำ อัง

ยอน 6:5 Iomraidhean Croise

อุ ตี แลง 11:13

เอิญ ไอ มี จางรู และ ปัด อน ตัก ครำ ดก มอก เน ดาย ‍ อัห เญ็ม ซีนืล โซะ ป็อง ปัด ซีเละ ‍ มัน อัห ซ็วน และ ซะ ป็อง ตัก เอิญ ‍

มัดทิว 15:33

ปึง ลูกนอง ก็ ไล เยซู คือเน “พาเน ไอ มี งวัล ครำ ดาย ‍ แอ และ ซะ ป็อง ตัก นเดย เลียง ครำ ดก มอก เน บ็อห” อัห อัง ‍

มาระโก 6:32

เยซู เคิบ ลูกนอง ก็ ต็อก เฮือ เริล และ ตี มโบละ

ลูกา 9:10

แลว ปึง ตัวแทน เยซู เริล มด จู งวัล มอก เยซู ไล อน แลว ‍ อัห ก็ วัล โตะ จ็อก เคิบ เยซู ‍ จู มบลึ ตี อัห เริล แอง เคิง งวัล อัห นัน ‍ อัห ก็ เลามุน อน ตัก เยซู ปัง มด ‍ เจ็นนัน เยซู ก็ มพอล ลูกนอง ออ เริล งวัล เบ็ดไซดา วัล ‍ อัห เริล เค็ดๆ จุม อัห ฮัก

ยอน 1:43

คือ งิ กรัก วัล ‍ เยซู อง เริล จังวัด กาลิลี ‍ นำ ก็ เริล ‍ เล็ห ตัก กาลิลี แลว ‍ นำ ก็ เริล และ ฟีลิบ ‍ นำ ก็ มพอล ฟีลิบ คือเน “มัห เริล เคิบ เอิญ กา” เยซู อัง ‍

ยอน 1:44

ฟีลิบ เน นำ เป็น ครำ งวัล เบ็ดไซดา ‍ ฟีลิบ เน นำ อุ มี งวัล เดียว เลิม เคิบ อันดรู เคิบ เปโตร นัน

ยอน 1:45

แลว เยซู มพอล ฟีลิบ เริล เคิบ ออ แลว ‍ ฟีลิบ ก็ เริล และ นาทานาเอล ‍ นำ ไล นาทานาเอล ฮุนเน ‍ “ล็อง นะ ตี โมเซด เคิบ ปึง ลาม เอาซาง เพีย เคียน ไล แอ เจ็น ตัก อิง นัน ‍ อิห เม็จ นำ แลว ‍ ซือ นำ ตัก เยซู ‍ นำ เป็น ควัน โยเซบ ครำ งวัล นาซาเร็ด นัน ‍ อิห เม็จ นำ แลว” ฟีลิบ อัง ‍

ยอน 1:46

นาทานาเอล ก็ ซ็วน ฟีลิบ คือเน “เอ ‍ ไอ มี ซีวะ เลาะ โตะ เจ็น งวัล นาซาเร็ด ก้า ‍ ไอ มี ซีวะ ซำคัน เล็ห เจ็น งวัล นัน ก้า” นาทานาเอล อัง ‍ ฟีลิบ ก็ ไอ มี เทียง นำ เตาะ ‍ ฟีลิบ ก็ ไล นำ เริล ดอม เยซู เคิบ มัด ออ ฮัก ‍ “มัห เริล ดอม นำ เคิบ มัด ออ ฮัก” ฟีลิบ อัง

ยอน 1:48

นาทานาเอล เม็จ เยซู ไล อัห ฮุนนัน ‍ นำ ก็ ญ็อก งึด อัง เยซู ‍ นำ ก็ ซ็วน เยซู คือเน ‍ “ฮีเอิห ‍ มัห เม็จจึด จังนัก เอิญ เป็น ครำ แบบ นัน” นาทานาเอล อัง ‍ เยซู ก็ ไล นาทานาเอล คือเน “ก็ เอิญ เม็จ มัห วาล ไอ ตัน ฟีลิบ เริล และ มัห เคิน วะ ‍ เคิน มัห ต็อม คุด อุ ตัก งูด เกา แพะ คุล นัน” เยซู อัง ‍

ยอน 4:35

แป ก็ เม็จ แลว นอ ‍ แป เค็ย ‘ซิห ซา ซี ซัวะ ก็ เกียว กุญ’ แป อัง นอ ‍ แต เอิญ ไล แป ร็อห ดอม แซ มานะ เน ดาย ‍ ดอม เลาะๆ ‍ มานะ เน ซา ก็ แคร็ห มด แลว ‍ เล็ห เวลา เกียว แลว