ยอน 5:6 - Prai Bible

⁶ เยซู ก็ เม็จ นำ อวย เพา อุ นัน ‍ เยซู เม็จจึด แลว ‍ ล็อง นัน โซะ อิง ซีเละ ‍ เยซู ก็ ซ็วน นำ “มัห ซีรอก งาล โซะ อัน” เยซู อัง

ยอน 5:6 Iomraidhean Croise

ลูกา 18:41

เยซู ก็ ซ็วน นำ ฮุนเน “มัห ซีรอก ระ เอิญ จวย ออ จังนัก บ็อห” เยซู อัง ‍ “เอิญ ซีรอก ตาด มัด ‍ เอิญ ซีรอก ดอม ซะ กุญ” เอา ล็อง นะ อัง ‍

ยอน 21:17

เจ็นนัน เยซู ก็ ลบ ซ็วน เปโตร วัล ‍ เป็น แพะ ลบ ตึง เน ‍ “ซีโมน ควัน ยอน เฮย ‍ มัห รัก เอิญ ซีเละ อัน” เยซู อัง ‍ เปโตร ก็ เซียใจ ซีเละ ‍ ตี เยซู มบก ซ็วน นำ มอก นัน ตึง แพะ ลบ ‍ นำ ก็ ไล เยซู ฮุนเน “งกีจ็อง เฮย ‍ มัห เม็จจึด จู มบลึ แลว ‍ เอิญ รัก มัห ‍ มัห ก็ เม็จ มด แลว” เปโตร อัง ทาเน เยซู ก็ ไล เปโตร คือเน วัล “ครอ ระ มัห เลียง ดอม แกะ เอิญ เลาะๆ ดาย ‍

ยอน 5:5

ทาเน ก็ มี อัหคล็อง มี ล็อง นะ ‍ นำ โซะ เจ็น อิง ‍ นำ โซะ ซามซิบ แปด ปี แลว ‍ นำ ก็ เพา นอก นดิ มอก อัห นัน ‍

ยอน 5:7

ครำ โซะ นัน ก็ ซวัล เยซู คือเน “ซีรอก งาล กา ‍ แต เอิญ ไอ มี จบ ตัน อัง อัห เตาะ ‍ ญาม นอก นัน นดิ ก็ ไอ มี ซีเอ ญ็อก เอิญ ซิห ตัก นอก ‍ อัหซอ ก็ มพลิห แอ็ม ออ วาล ‍ เอิญ ก็ ไอ มี ตัน อัง อัห เตาะ ‍ เอิญ ก็ ไอ มี งาล โซะ เตาะ” นำ อัง ‍

ฮีบรู 4:13

เอาซาง เม็จ ซะ ทัว มด จู ตี จู ทาน ดาย ‍ แอ งเกริม ซีวะ ระ เอาซาง ไอ มี เม็จ ก็ ไอ มี กุญ เตาะ ‍ ซะ จู มบลึ ตี นำ แอง แลว ‍ นำ ก็ ดอม เม็จ มด ‍ แอ แอง ซีวะ ‍ แอ กึด ซีวะ ‍ เอาซาง ก็ เม็จ มด ‍ แอ ก็ ต็อง ไล นัง ออ ตัก นำ มด จู ล็อง ดาย

ฮีบรู 4:15

เยซู เป็น มอ เอาซาง จ็อง คอง แอ เน นอ ‍ นำ เคาใจ แอ เลาะ ‍ นำ ตึ อัง แอ ‍ แอ แมด ตัก นเดย ‍ นำ ก็ เม็จจึด ใจ แอ มด ทาเน กัน มี ซะ ลอง ใจ แอ ก็ ครอ ระ แอ กึด เลือง เยซู ดาย ‍ เพาะวา เกย มี ซะ ลอง ใจ นำ มด จู มบลึ มอก แอ เน แลว ‍ แต นำ ไอ มี แอง ลุห ‍