ยอน 4:34 - Prai Bible34 ทาเน เยซู ก็ ไล อัห คือเน “ซะ ป็อง คอง เอิญ ก็ ฮุนเน ดาย เอิญ แอง มอก เอาซาง ไล อน นัน เอิญ ก็ อิม แลว เอิญ โตะ ตัก โลก เน เอิญ โตะ แอง ตาม ใจ เอาซาง ฮัก เป็น เอาซาง นัน ฮัก ระ เอิญ โตะ ตัก โลก เน เอิญ ก็ ต็อง แอง มอก นำ กึด ระ อน ฮัก กัน เอิญ แองกาน ตาม แพนกาน เอาซาง แลว มด เอิญ ก็ อิม เน เป็น ซะ ป็อง คอง เอิญ Faic an caibideil |
ยอน 4:34
21 Iomraidhean Croise
“ญาม เอิญ ตัดซิน ครำ นัน เอิญ แอง ซีวะ ตาม ใจ ออ ไอ มี กุญ เตาะ เอิญ แอง ตาม เอา ไล เอิญ ฮัก นำ ไล เอิญ ตัดซิน จังนัก เอิญ ก็ ตัดซิน จังนัน เอิญ ไอ มี ตัดซิน ตาม ใจ ออ เอิญ ตัดซิน ตาม ใจ เอา ออ ตี ไล เอิญ โตะ ตัก โลก เน เอิญ ก็ ลด ตัดซิน แคระ ตลอด ญอน เอิญ ตาม ใจ เอา ออ ฮัก” เยซู อัง
ยอน เป็น พญาน เลาะ ตี นำ เค็ย เอิญ เป็น ควัน เอาซาง นัน แต เอา เอิญ จวย แป เจือ เอิญ มี ยาง วัล ก็ ฮุนเน ดาย เอา เอิญ จวย เอิญ แอง ซะ แปลก อน แป ดอม จู งิ เน แป เม็จ เอิญ แอง ซะ แปลก เน แป ก็ ลด เม็จจึด เค็ย เอาซาง ฮัก ตี ระ เอิญ โตะ และ แป เน ซะ แปลก ตี เอิญ แอง นัน เน็ด กวา แญง คอง ยอน วัล
ญาม แอ เล็ง อุ เน ก็ ครอ ระ แอ กึด เลือง เยซู ดาย เยซู เน นำ เป็น พูนำ เลาะ นำ เจือ เอาซาง วาล นำ ก็ ซับรวง แอ เจือ เลิม จำปอ เป็น เล็ห ครำ ซมบูน มอก นำ ฮัก นำ ญอม เปิล ตัก ลำ ซีโรด นัน นำ กึด เค็ย เซีย เกียด ตัก ลำ ซีโรด นัน ไอ มี เป็น เลือง ซำคัน ซีวะ เตาะ แต นำ กึด เลือง ตี นำ เลาะใจ อุ แทะ นัน วัล เจ็นนัน นำ ก็ คุด อุ ตัก เพียห เลาะ คอง เอาซาง ฮัก แอ ดอม ตัวยาง ตัก เยซู ก็ เลาะ
Sanasan