ยอน 4:27 - Prai Bible

²⁷ ท็อบ เยซู ไล นำ เค็ย ออ เป็น เมซียา นัน ‍ ปึง ลูกนอง นำ ก็ วัล เจ็น ทน ซะ ป็อง พอดี ‍ อัห เม็จ เยซู จ็อก อุ เคิบ อัหเม ล็อง นัน ‍ อัห ก็ งึด อัง นำ ‍ แต อัห ไอ มี ฮาน ซ็วน นำ ‍ อัหเม ล็อง นัน ต็องกาน ซีวะ ‍ อัห ก็ ไอ มี ฮาน ซ็วน ‍ ตี เยซู จ็อก อุ เคิบ อัหเม ล็อง นัน ‍ อัห ก็ ไอ มี ฮาน ซ็วน เมือนนอย

ยอน 4:27 Iomraidhean Croise

มัดทิว 8:10

เยซู เม็จ นายรอย จ็อก มอก นัน ‍ นำ ก็ งึด ซีเละ ‍ เยซู ก็ ไล ปึง นัน ตี เริล เคิบ เยซู นัน ฮุนเน “บา นอ ‍ เอิญ เริล ทัว ปะเทด อิซราเอล แอ เน ‍ เอิญ ไอ มี เกย เม็จ อีเอ แก็นใจ เจือ มอก ล็อง เน ‍ นำ ไอ แมน ครำ อิซราเอล แอ เน ดุห ‍

ลูกา 7:39

ซีโมน ตี มพอล เยซู ป็อง จะ นัน ‍ เม็จ อัหเม ล็อง นัน แอง คือนัน ‍ นำ ก็ กึด ใน ใจ ออ ฮุนเน “บัห นอ ‍ กัน เอา ล็อง เน กิว เป็น ลาม เอาซาง ซีเละ ‍ นำ ก็ ต็อง เม็จจึด เค็ย ‍ อัหเม ล็อง เน เป็น ครำ ไอ มี เลาะ ‍ นำ ก็ ไอ มี ระ อัหเม ล็อง เน ก็อง นัง ออ เตาะ” นำ กึด คือนะ

ยอน 4:28

ทาเน โตะ ปึง ลูกนอง เยซู แลว ‍ อัหเม นัน ก็ พระ ระ ปม ออก ตัก นัน ‍ นำ ก็ วัล ออ ‍ นำ เริล ไล อัห ตัก งวัล ซีคา นัน มด ‍ นำ ไล อัห ฮุนเน ‍