ยอน 3:8 - Prai Bible

⁸ ซีมาล ตี เอิญ เค็ย เน ก็ มอก งกริม ‍ งกริม อี นทูด นโดน นทูด นแด็ห ‍ แอ ก็ เม็จ งโกด ลือๆ ‍ ไอ มี เม็จ นัง เตาะ ‍ งกริม นัน เล็ห เจ็น นเดย ฮุ ‍ อี เริล พานเดย ฮุ ‍ แอ ก็ ไอ มี เม็จ นัง เตาะ นอ ‍ ครำ ตี เกิด ตัก ซีมาล เอาซาง ก็ ฮุนนัน ดาย ‍ แอ ไอ มี เม็จ นัง ซีมาล นัน เตาะ” เยซู อัง

ยอน 3:8 Iomraidhean Croise

ยอน 1:13

ซีเอ ตี เจือ นำ นัน ‍ ก็ กุญ เกิด แมะ เป็น ครำ แมะ ‍ ตี อัห เกิด แมะ นัน ‍ ก็ ไอ แมน อัห เกิด ตัก มพุล เอา มพุล เม ตี เป็น ครำ พาลือ นัน ‍ อัห เกิด ตัก เอาซาง ฮัก

ยอน 3:7

ตี เอิญ ไล มัห เค็ย ‍ ต็อง เกิด แมะ มี ลบ วัล ‍ ก็ อำ มัห งึด เตาะ ดาย

ยอน 3:9

นิโคเดมัด ก็ ซ็วน เยซู คือเน วัล “แอ เกิด ตัก ซีมาล เอาซาง กุญ จังนัก บ็อห” นำ อัง ‍

ตัวแทน 2:2

เจ็นนัน ก็ พด โตะ นเซิง นะ เจ็น วาง ตัก ทึห ‍ แร็ง งโกด มอก งกริม จ็อง ‍ ญ็อก งโกด ซะ ตัก เจิง ตี อัห คุด อุ นัน ‍

ตัวแทน 4:31

แลว อัห ครอ เคิบ เอาซาง แลว ‍ เคิง ตี อัห รอม นอย อุ นัน ก็ เลอะ นโจ็ห มด ‍ เจ็นนะ อัห ก็ เลอะ มี ซีมาล เอาซาง อุ เลิม เคิบ ออ มด จู ล็อง จู นัง ‍ อัห ก็ ฮาน ไล แญง เอาซาง อน อัหซอ ปัง วัล

1 โคริน 12:11

ความ ซามาด จู มบลึ เน ‍ ก็ เป็น ซีมาล เอาซาง มี ล็อง เดียว นัน ฮัก อน ตัก แอ ‍ นำ อน ตัก แอ จู ล็อง มบลึ นเดย มบลึ นัน ฮัก ‍ แลว แต นำ กึด อน ฮัก

1 โคริน 2:11

ครอ ยก ตัวยาง ตัก ครำ แอ เน ‍ แอ ก็ มี ซีมาล ออ นอ ‍ ซีมาล แอ นัน ก็ เม็จจึด แอ กึด ซีวะ อุ ใน ใจ ออ ‍ อัหซอ ไอ มี เม็จจึด เตาะ ‍ กำกึด เอาซาง ก็ มอก นัน ‍ ไอ มี ซีเอ เม็จจึด เค็ย เอาซาง กึด ซีวะ อุ ใน ใจ ออ ฮัก ‍ มี แต ซีมาล เอาซาง ฮัก ซัง เม็จ ‍

1 ยอน 2:29

แอ ไอ มี นเจิก ก็ เพาะวา แป ก็ เม็จ แลว นอ ‍ เยซู คริด ตัดซิน เลาะ ตัดซิน แคระ ตลอด ‍ เจ็นนัน แป ก็ เคาใจ เลาะ แลว เค็ย ‍ จู ล็อง ตี แอง เลาะ แอง ซือ นัน ‍ อัห ก็ กิว เป็น ควัน เอาซาง ซีเละ