ยอน 3:32 - Prai Bible32 นำ เม็จ ซะ ตัก ทึห มด นำ ก็ เลามุน ซะ ตัก ทึห นัน อน ตัก แอ ปัง แต เซีย ดาย ตี ไอ มี ปอ ซีเอ เจือ ปัง นำ Faic an caibideil |
เอิญ ไอ มี เค็ย ลูกนอง ตัก แป วัล เตาะ เอิญ เค็ย แป เป็น เปือน เอิญ ฮัก ปึง ลูกนอง เน อัห ไอ มี เม็จจึด เค็ย เอาเลียง ออ แอง ซีวะ นังเลาะ แต เอิญ เค็ย แป เป็น เปือน เอิญ ฮัก ก็ เพาะวา เอิญ ไล จู มบลึ อน ตัก แป มด เอา ไล ซีวะ ตัก เอิญ เอิญ ก็ ไล อน ตัก แป มด แป ก็ ลด แก็นใจ เค็ย แป กิว เป็น เปือน เอิญ ซีเละ
ปีลาด ก็ ซ็วน เยซู คือเน วัล “มัห เป็น พะเจายูฮัว นังเลาะ แมน อัน” ปีลาด อัง เยซู ก็ ซวัล ปีลาด คือเน “มัห เค็ย เอิญ เป็น พะเจายูฮัว ก็ แคระ แลว แต ตี เอิญ โตะ ตัก โลก เน ตี เอิญ เกิด เป็น ครำ เน ก็ เอิญ โตะ เพือ ไล เลือง นังเลาะ อน ตัก ครำ ใน โลก เน ปัง จู ล็อง ตี ซีรอก เม็จจึด เลือง นังเลาะ นัน อัห ก็ ปัง แญง เอิญ” เยซู อัง
เอิญ ก็ มี ดก เลือง ตี เอิญ โป แป กุญ มี ดก เลือง ตี เอิญ ตัดซิน ระ แป เปิล ก็ กุญ แต มานะ เน เอิญ ไอ มี งเคาะ โป แป ดก เอิญ ไอ มี งเคาะ ตัดซิน แป ล็อง นัน ตี ไล เอิญ โตะ และ แป เน นำ จ็อก เลาะ จ็อก ซือ ตลอด นำ ไอ มี ไล เอิญ ตัดซิน ลงโทด แป ตัน เอิญ ก็ ไอ มี งเคาะ ตัดซิน แป เตาะ แต เอิญ โตะ ไล ซะ ตี ล็อง นัน ไล อน ตัก เอิญ ฮัก” เยซู อัง