ยอน 1:51 - Prai Bible51 เอิญ ไล มัห นังเลาะ นะ บัดนะ มัห ต็อง เม็จ ปะตู ซะวัน พลาง ซิห เอิญ ตี เอาซาง ระ เกิด เป็น ครำ เน บัดนะ มัห ต็อง เม็จ เอิญ เป็น มอก ม็อล มัห ต็อง เม็จ ปึง เทวาดา ก็อห เริล ก็อห วัล จูล เริล จูล วัล ตัก นัง คอง เอิญ นัน” เยซู ไล นาทานาเอล ฮุนนะ เกาตีนา 28:12 Faic an caibideil |
ยอน 1:51
55 Iomraidhean Croise
ญาม ยอน ควะ จุบ อัห อุ ตัก นอก นัน เยซู ก็ โตะ และ ยอน ตัก นอก นำ ไล ยอน แอง พิที จุบ นอก อน ตัก ออ แลว ยอน จุบ เยซู ตัก นอก แลว เยซู ก็ ลด ครอ วอน เคิบ เอาซาง ญาม นำ ครอ วอน เอาซาง อุ นัน วาง ก็ พลาง ซิห ทาเน ก็ พด โตะ ซีมาล เอาซาง จูล โตะ เจ็น วาง ทึห อุ เคิบ นำ ซีมาล นะ อี อังกัด เซ็ม งกรุก แลว ก็ มี แญง จ็อก โตะ เจ็น วาง ทึห คือเน วัล “มัห เป็น ควัน ตี เอา รัก ดก ทีซุด เอา ปอใจ อัง มัห ซีเละ ดาย ควัน” แญง นัน อัง
เอิญ ไล แป นังเลาะ นะ อีเอ ตี เจือ เอิญ เน อัห แอง มอก เอิญ ก็ กุญ เอิญ บัก เริล และ เอา ออ แลว ญาม เอิญ เริล อุ เคิบ เอา ออ แลว เอิญ ก็ ลด ระ ครำ ตี เจือ เอิญ นัน แองกาน แตน เอิญ วัล อัห แอง ดก มบลึ กุญ มอก เอิญ อัห ก็ แอง ดก กวา เอิญ วัล ตี อัห แอง ดก กุญ ก็ ญอน เอิญ เริล อุ เคิบ เอา ออ นัน
เลือง นังเลาะ คอง เอาซาง ตี นำ ระ แอ เม็จ ตี นำ ระ แอ เจือ เน ก็ เป็น เลือง เลาะ เลือง แลม เป็น เลือง ซำคัน ซีเละ เป็น เลือง แปลก ซีเละ แอ กึด เลือง เน แอ ก็ งึด ซีเละ ไอ มี อีเอ จางรู เทียง เตาะ เลือง เอาซาง ก็ มอก เน ดาย เอาซาง เป็น เล็ห ครำ ระ แอ เม็จ นัง ซีมาล เอาซาง ระ แอ เม็จจึด เค็ย นำ กิว เป็น เอาซาง นังเลาะ อัห ก็ ไล เลือง นำ อน ตัก ครำ จู กรอก ปึง เทวาดา ก็ เม็จ นำ ครำ ใน โลก ก็ เจือใจ นำ เอาซาง เอิด นำ ก็อห เริล ฮับ เกียด ตัก ซะวัน นทึห เลือง เอาซาง ก็ มอก เน นอ
ทาเน เลือง ครำ ตี แอง ไอ มี เลาะ เน เอโนก ก็ เพีย ไล แอ เลือง อัห นัน แลว เอโนก เน นำ เป็น ควัน งา อาดาม นับ เจ็น อาดาม เล็ห รุน เอโนก นัน ก็ เป็น เจ็ด จูบ ครำ เลือง ปึง ครำ ไอ มี เลาะ เน เอโนก ก็ เพีย ไล อน แลว คือเน “ปัง เอิด ดาย บัดนะ งกีจ็อง ก็ โตะ ตัดซิน ครำ จู ล็อง นำ โตะ เลิม เคิบ ปึง เทวาดา ตี แอง เลาะ แอง ซือ เคิบ นำ นัน อัห โตะ เป็น มืน เป็น แซน ล็อง นำ โตะ เพือ ตัดซิน อัห จู ล็อง นำ ก็ ลงโทด ครำ ตี แอง ไอ มี เลาะ เคิบ เอาซาง นัน ครำ ตี จ็อก เจอะ จ็อก เพอะ กัห ครำ ตี โป ดูทูก งกีจ็อง กัห นำ ต็อง ลงโทด อัห มด บัดนะ” เอโนก เพีย ไล ฮุนนัน
เจ็นนัน วัล เอิญ ก็ เม็จ ซะวัน พลาง อุ เอิญ ก็ เม็จ มา พัห มี นัง นะ ญ็อง อุ นัน มี ครำ มี ล็อง ต็อก มา พัห นะ อุ ซือ นำ ตัก “ครำ เลาะ ครำ ซือ ตี เจือ ใจ กุญ” นำ ตัดซิน อัห ญาม นเดย นำ ก็ ตัดซิน แคระ ตลอด นำ ไอ มี โกง อัห เตาะ นำ ต็อง ดอม เลาะๆ วาล กัน นำ เม็จ อัห กิว พิด ซีเละ ซัง นำ กอย เริล ฮบ อัห นำ ไอ มี จบ ฮบ ครำ เลาะ เตาะ
เจ็นนัน วัล เอิญ ก็ เม็จ ปะตู อุ ตัก ซะวัน ทึห ปะตู นัน อี พลาง อุ เอิญ ก็ เม็จ นเซิง นะ เป็น นเซิง ล็อง เครม ตี จ็อก มอก นเซิง แตร นัน ตี จ็อก ไล เคา เอิญ มี ลบ แลว นัน นำ ก็ ไล เอิญ คือเน “มัห ก็อห โตะ ทึห เน ดาย มัห โตะ ทึห เน เอิญ ระ มัห เม็จ ซะ ตี เกิด เล็ห วาล มัด บัดนะ นโดน” นำ อัง
Sanasan