เจ็นนัน เยซู ก็ ลด ไล ครำ ตี อุ เลิม เคิบ ออ นัน คือเน “เอา เอิญ นำ มอบ ซิด อำนาด จู มบลึ ตัก เอิญ แลว แต ครำ ไอ มี กิว เคาใจ ไอ มี ซีเอ กิว เม็จจึด เอิญ ตี เป็น ควัน นำ มี แต เอา เอิญ มี ล็อง เดียว นัน เม็จจึด เอิญ ครำ ซอ ไอ มี กิว เม็จจึด เอิญ เตาะ เอา เอิญ ก็ เมือนนอย ไอ มี ซีเอ กิว เม็จจึด เอา เอิญ มี แต เอิญ เคิบ ปึง นัน ตี เอิญ ซีรอก ระ เม็จจึด เคิบ เอา เอิญ ฮัก ปึง นัน อัห เม็จจึด เคิบ เอา เอิญ ครำ ซอ ไอ มี เม็จจึด เอา เอิญ เตาะ” เยซู อัง
ยอน 1:34 - Prai Bible34 ซีมาล เอาซาง กิว จูล โตะ อุ ตัก ล็อง เน ซีเละ เอิญ ก็ เม็จ เคิบ มัด เคิบ มุห ออ แลว เอิญ ก็ ลด ไล แป เค็ย ล็อง เนๆ นำ เป็น ควัน เอาซาง นังเลาะ” ยอน ไล อัห จังนะ Faic an caibideil |
ยอน 1:34
42 Iomraidhean Croise
เอิญ จ็อก ซือ เคิบ แป ก็ เพาะวา เยซู คริด ควัน เอาซาง นัน นำ จ็อก ซือ เคิบ แอ ตลอด กัน นำ เค็ย “เออะ” ก็ เออะ ซีเละ กัน นำ เค็ย “ไอ” ก็ ไอ ซีเละ เอิญ เคิบ ซีวานัด เคิบ ทิโมที อิห ก็ จ็อก ซือ เคิบ แป มด ดาย อิห จ็อก ซือ มอก เยซู ฮัก เพาะวา เยซู นำ จ็อก ซีวะ ก็ นำ จ็อก เลือง นังเลาะ มด
ทาเน แอ ก็ เม็จ แลว เค็ย ควัน เอาซาง โตะ ตัก แอ แลว นำ ก็ จวย ระ แอ เคาใจ เคิบ เอาซาง เลาะ นำ จวย ระ แอ เม็จจึด เคิบ เอาซาง ตี เป็น งกีจ็อง นังเลาะ นัน เจ็นนัน แอ ก็ กุญ อุ เลิม เคิบ เอาซาง ตัก เป็น งกี แตๆ คอง แอ นัน แอ อุ เลิม เคิบ เอาซาง กุญ ก็ ญอน ควัน นำ ตัก เยซู คริด นัน เป็น ควัน เอาซาง เน ฮัก ตี เป็น งกี แตๆ คอง แอ ตี ระ แอ รีด อุ จำ นเดย จำ กวา นัน
นำ ไล เอิญ คือเน วัล “จดมาย เน มัห ต็อง เคียน อน ตัก ลาม ตี ฮับพิดซอบ คริซจัก ทิยาทิรา ดาย ระ นำ นท็อล ไล อน ตัก คริซจัก ตอ วัล มัห เคียน ไล อัห คือเน ดาย จดมาย เน เล็ห เจ็น เอิญ เอิญ เป็น ล็อง นัน ตัก เป็น ควัน เอาซาง เอิญ มี แก็นมัด โซ มอก โอด ตี ลน วืลๆ นัน เอิญ มี เจ็ง มอก ตอง ตี ซะลา คัด ระ เมียล นัน เป็น เอิญ เนๆ ไล แป นะ
Sanasan