ยากอบ 1:6 - Prai Bible6-8 แต ครอ ระ แป กิว เจือ เค็ย นำ อน ปันญา นัน ตัก แป ดาย อำ ซงไซ ซีวะ เตาะ ครำ ตี ซงไซ นัน อัห ไอ มี กุญ ซีวะ ตัก เอาซาง ครำ ตี ซงไซ นัน อัห ก็ มอก ครำ เปียะ จิด เปียะ ใจ มี ใจ นัน อัห เจือ มี ใจ นัน อัห ไอ มี เจือ อัห ก็ มอก นอก ตี งกริม มพัห นโดน มพัห นแด็ห นัน ครำ แบบ นัน ก็ อำ กึด เค็ย กุญ ซีวะ ตัก เอาซาง เตาะ ครำ แบบ นัน ไอ มี กิว แก็นใจ นัง ออ แอง ซีวะ ซัง เลาะ Faic an caibideil |
ยากอบ 1:6
14 Iomraidhean Croise
ทาเน กัน แอ ไอ มี เจือ เอาซาง แอ แอง ระ เอาซาง ปอใจ เคิบ แอ ก็ ไอ มี จบ กุญ เตาะ ซีเอๆ ก็ ตึก ต็อง เจือ เมือนนอย มด กัน แอ ซีรอก แอง ระ เอาซาง ปอใจ เคิบ ออ แอ ต็อง เจือ เค็ย เอาซาง กิว มี นังเลาะ ต็อง เจือ เค็ย เอาซาง กิว อน รางวัน ตัก ครำ จู ล็อง ตี เอิด ใจ ซิห เม็จจึด เคิบ นำ เลาะๆ นัน
ทาเน ครำ ตี ไล แญง เอาซาง ไอ มี แคระ นัน อัห ก็ มอก ต็อห นอก ตี ทัง งโคล นัน ไอ มี ปะโยด ซีวะ เตาะ อัห ก็ มอก บด ตี งกริม นทูด แอ็ม นัน ไอ มี กิว เป็น ปะโยด ซัก มี ติด ปึง นัน เอาซาง เตียม งกุก จุ อน ตัก อัห แลว งกุก ตี เอาซาง เตียม อน ตัก อัห นัน ม็อญ ซะ ญึด บัดนะ เอาซาง ก็ เติล อัห ตัก ตี ม็อญ ซะ ญึด นัน
Sanasan