ฮีบรู 8:3 - Prai Bible3 เอาซาง ตัง ระ มอ เอาซาง จ็อง มด จู ล็อง นำ ระ อัห มเบิล ซะ ทวาย อน ตัก เอาซาง อัห ก็ เอิด ซะ ตี พซาซน ทวาย ลือๆ นัน อน ตัก เอาซาง วัล เจ็นนัน มอ เอาซาง จ็อง คอง แอ มานะ เน นำ ก็ ต็อง มี ซะ ทวาย อน เอาซาง เมือนนอย Faic an caibideil |
ฮีบรู 8:3
14 Iomraidhean Croise
โป แญง มเบิด ก็ มอก เอิญ เปิล ตัก ลำ ซีโรด เลิม เคิบ เยซู แลว มานะ เน เอิญ รีด อุ ก็ ไอ แมน แร็ง คอง เอิญ เตาะ เป็น แร็ง คอง เยซู คริด อุ ใน นัง เอิญ ฮัก ทาเน จู มบลึ ตี เอิญ แอง ตัก โลก แพนซิก เน เอิญ ก็ แอง ญอน เอิญ เจือ เยซู ควัน เอาซาง นัน นำ รัก เอิญ นำ เปิล แตน เอิญ ระ เอิญ ปน แอ็ม เจ็น ลุห แลว นัง คอง เอิญ เน ก็ เป็น นัง คอง เยซู ฮัก
ตี นำ ซีรอก จวย ครำ แอ เน นำ ก็ จำเป็น ต็อง เป็น ครำ มอก แอ ตี เป็น ควน นไจ นำ นำ ต็อง มี นัง มอก แอ มด จู มบลึ ซัง นำ กุญ เป็น มอ เอาซาง จ็อง คอง แอ นำ เป็น มอ เอาซาง เลาะ ตี ตึ อัง แอ ซีเละ ตี ฮับไจ เอาซาง ตาม นาตี ออ เลาะ นำ แอง เลาะ จู มบลึ นัน ก็ เพือ นำ กุญ ทวาย ซะ อน เอาซาง ลด แก แอ็ม ตี ลุห แอ กุญ
ทาเน มอ เอาซาง จ็อง จู ล็อง อัห ก็ เป็น ครำ พาลือ มอก แอ เน แต เอาซาง เลือก เอิด อัห ระ เป็น ตัวแทน ครำ แอ เน จับ อีเอ ซีรอก ทวาย ซะ อน ตัก เอาซาง พาลือ กัห จับ พซาซน ซีรอก ทวาย ซะ ทม ลุห ออ กัห ปึง มอ เอาซาง เน ก็ แอง แตน พซาซน อัห มี นาตี เอิด ซะ เจ็น พซาซน นัน ทวาย อน ตัก เอาซาง เคิม อน ตัก เอาซาง
เยซู เน นำ ไอ มี เมือน มอ เอาซาง จ็อง ล็อง ซอ เตาะ มอ เอาซาง ล็อง ซอ อัห ต็อง ทวาย ซะ ทม ตี ลุห ออ จูงิๆ อัห แอง ซำรับ นัง ออ วาล เจ็นนัน อัห ก็ แอง ซำรับ อัหซอ วัล แต เยซู เน นำ ทวาย นัง ออ มี ลบ เดียว ก็ ปอ นำ ทวาย มี ลบ เดียว ก็ กุม อัง ตี ลุห แอ มด จู ล็อง จู นัง กุม จำ นเดย จำ กวา
แต เมียม เยซู คริด ก็ เน็ด กวา เมียม ซัด นัน วัล มี ริด มี แร็ง แก แอ็ม ตี ลุห แอ กุญ ซีมาล เอาซาง ตี รีด อุ ตลอด นัน นำ ซับรวง เยซู ทวาย นัง ออ เป็น ซะ ทวาย ตี เลาะ ตี ไอ มี ตี ติ ตี คอล นำ ทวาย นัง ออ มอก นัน แลว ก็ เพือ ระ แอ ปน แอ็ม เจ็น ซะ เครม ตี แอ แอง ตี ไอ มี คิ นัน เพือ ระ แอ กุญ ฮับไจ เอาซาง ตี รีด อุ ตลอด นัน เมียม เยซู เป็น ปะโยด อน ตัก แอ กวา เมียม ซัด ซีเละ
Sanasan