เกาตีนา 26:3 - Prai Bible3 มัห ต็อง อุ ตัก เน มอก ครำ เล็ห เจ็น ตี ซอ เอิญ ก็ อุ เลิม เคิบ มัห เอิญ ก็ แอง เลาะ เคิบ มัห ฮัก เอิญ ไล มัห นังเลาะ นะ ตี ซิก เน เอิญ อน ตัก มัห มด บัดนะ เอิญ ก็ อน ตัก ควัน นจะ ควัน ลาน มัห มด บัดนะ วัล ดาย เอิญ อน ตัก แป มอก เอิญ ซาบาน เคิบ เอา มัห ตัก อับราฮัม นัน” Faic an caibideil |
เกาตีนา 26:3
42 Iomraidhean Croise
งกีจ็อง ก็ ซวัล นำ คือเน “เอิญ อุ เลิม เคิบ มัห ดาย เอิญ ก็ แอง ซะ แปลก อน มัห ดอม ระ มัห เม็จจึด เค็ย เป็น เอิญ ฮัก ตี ระ มัห ซับรวง อัห ทอก เจ็น อียิบ นัน บัดนะ ญาม มัห จวย อัห ทอก เจ็น ปะเทด อียิบ แลว แป ก็ โตะ ไว เอิญ ตัก ญวัง เน แป โตะ ไว เอิญ ตัก ญวัง เน แลว มัห ก็ เม็จจึด เค็ย เป็น เอิญ ฮัก ตี ไล มัห ซับรวง อัห นัน” งกีจ็อง อัง
นำ เจือ เอาซาง ซีเละ ญาม นำ เล็ห ตัก ตี ซิก นัน แลว นำ ก็ พัก อุ ตัก ตุบ ตี เป็น พาเต็น ตลอด อับราฮัม ไอ มี แอง เจิง เพาะวา นำ ไอ มี ตัน กุญ ตี ซิก นัน เป็น คอง ออ ตัน แต นำ เจือ เค็ย เอาซาง กิว อน ตัก นำ อับราฮัม เน นำ เจือ เค็ย ต็อง มี มี งิ วัล ตี เอาซาง ซับ นำ เริล เมือง แมะ เมือง นัน เอาซาง กึด แบบ ออ ฮัก เอาซาง แอง ออ ฮัก เมือง นัน อุ ตลอด จำ นเดย จำ กวา อับราฮัม แก็นใจ กุญ อุ เมือง เลาะ นัน บัดนะ นำ ก็ ลด ปอใจ พัก อุ ตัก ตุบ พาเต็น มอก ครำ ไอ มี เจิง นำ เจือ เอาซาง ซีเละ อิซอัก เคิบ ยาโคบ ก็ เมือนนอย เอาซาง ซันญา อน เมือง แมะ ตัก ปาม ปาม ก็ เจือ เอาซาง ซีเละ ปาม ก็ ปอใจ อุ ตัก พาเต็น เมือนนอย เกาตีนา 12:1-5
ทาเน เอาซาง ซันญา เคิบ แอ แลว นำ ก็ ลบ ซาบาน เคิบ แอ วัล นำ ซีรอก ระ แอ เฮง แก็นใจ เค็ย นำ ไอ มี เปียน ใจ วัล ตี นำ ซันญา ก็ เปียน ไอ มี กุญ อุ แลว ตี นำ ซาบาน ก็ เปียน ไอ มี กุญ เมือนนอย เปียะ แญง นัน นำ จุ ไอ มี กุญ นำ ไล เปียะ ลบ นัน ก็ เพือ ระ แอ ตี เปิง นำ ตี ซีรอก ปอดไพ อุ เคิบ นำ กุญ แก็นใจ เจือ เค็ย เอาซาง กิว อน จู มบลึ ตี นำ ซันญา อน ตัก แอ นัน
Sanasan