ลูกนอง ยอน เม็จ เยซู ไล ออ จังนะ แลว อัห ก็ วัล ออ ญาม ลูกนอง ยอน วัล ออ นัน เยซู ก็ ไล พซาซน เลือง ยอน ตี จุบ อัห ตัก นอก นัน เยซู ไล พซาซน คือเน “ญาม แป เริล ปัง แญง ยอน ตัก ตี แลง นัน แป เริล และ นำ อังวะ แป เริล และ ยอน ญอน นำ เป็น ครำ แมด มอก นทูล ตี งกริม นทูด นโดน นทูด นแด็ห แมน อัน ยอน ไอ มี แมด มอก นทูล นัน ก้า
เอเฟซัด 4:14 - Prai Bible14 กัน แอ กิว แกะ มอก เยซู แลว แอ ก็ เป็น ครำ เคาใจ เลาะ ไอ มี จบ เจือ อัห งาย มอก ควัน แย็ด จับ มี ครำ โตะ ซอน ไอ มี เลาะ แอ ก็ ไอ มี จบ ปัง แญง อัห งาย เตาะ จับ มี ครำ คีอู ครำ จ็อก เก็ง โตะ ซุย แอ ปัง แญง ไอ มี แคระ แอ ก็ ไอ มี จบ เจือ อัห งาย ซัง Faic an caibideil |
เอเฟซัด 4:14
44 Iomraidhean Croise
ปันญา ตี ครำ ใน โลก เน เค็ย ลวัก นัน เอาซาง ก็ เค็ย ไอ มี จบ ลวัก ซัก มี ติด เอาซาง เค็ย อัห งาว วัล มอก แญง เอาซาง ไล อน แลว เค็ย “ครำ ตี กึด เค็ย นัง ออ ลวัก นัน เอาซาง ก็ มบุล ระ อัห เคาใจ นัง ออ ไอ มี กิว ลวัก ซัก มี ติด อัห กึด เค็ย นัง ออ ลวัก นัน มอก อัห แอง เวิด แคระ ซิห นัง ออ ฮัก” นังซือ เอาซาง ไล จังนะ โยบ 5:13
ซะ ไอ มี เลาะ ตี แอ กราญ อัง นัน ซะ ตี อัห ลอด แอง นัน อิห ก็ พระ แอ็ม มด แลว อิห ไอ มี จุ ไอ มี โกง อีเอ เตาะ อิห ไล แญง นังเลาะ คอง เอาซาง ซือ นเดย ซือ นัน ฮัก อิห ไอ มี เปียน แญง เอาซาง เตาะ อิห แอง มอก แญง เอาซาง ไล อน ฮัก อิห แอง ซีวะ อิห ก็ แอง เพือ ระ ครำ จู ล็อง เคาใจ เค็ย อิห แอง เลาะ แอง แคระ มอก เอาซาง ฮัก
ครำ ตี เป็น อัหแกะ ตี ซับรวง คริซจัก ต็อง เป็น ครำ ตี เจือ เอาซาง อิง แดๆ ไอ แมน ครำ เจือ แมะๆ ดาย กัน จับ แอ เอิด ครำ ตี เจือ แมะ เป็น อัหแกะ ตี ซับรวง คริซจัก นำ ก็ ทือ ญด ออ อวด นัง ออ ฮุ กัน นำ อวด นัง ออ มอก ปรอง ซาตาน ตัก อิง นัน เอาซาง ก็ ต็อง ลงโทด นำ มอก ลงโทด ปรอง ซาตาน นัน เจ็นนัน ก็ อำ แอ เอิด ครำ ตี เจือ แมะ เตาะ
แต ครอ ระ แป กิว เจือ เค็ย นำ อน ปันญา นัน ตัก แป ดาย อำ ซงไซ ซีวะ เตาะ ครำ ตี ซงไซ นัน อัห ไอ มี กุญ ซีวะ ตัก เอาซาง ครำ ตี ซงไซ นัน อัห ก็ มอก ครำ เปียะ จิด เปียะ ใจ มี ใจ นัน อัห เจือ มี ใจ นัน อัห ไอ มี เจือ อัห ก็ มอก นอก ตี งกริม มพัห นโดน มพัห นแด็ห นัน ครำ แบบ นัน ก็ อำ กึด เค็ย กุญ ซีวะ ตัก เอาซาง เตาะ ครำ แบบ นัน ไอ มี กิว แก็นใจ นัง ออ แอง ซีวะ ซัง เลาะ
ก็ มอก เฮือ นอ เฮือ จ็อง ลำ งกริม จ็อง ก็ ปึห อี เริล แต ตัก ลอล เฮือ นัน อัห ก็ แอง แพ็น บังคับ เฮือ แย็ด ซิห ตัก ลอล เฮือ ลัห เซ็บ กัน ครำ คับ เฮือ นัน บิด แพ็น บังคับ เฮือ นัน เริล นโดน เริล นแด็ห เฮือ นัน ก็ เริล ไล นัน อี เริล โตน เริล แต็ห ก็ ญอน แพ็น แย็ด นัน บังคับ เย็ห เริล
ปึง ซะตรู คอง เยซู เน อัห เกย อุ เลิม เคิบ แอ เน นอ แต อัห ทอก แอ็ม เจ็น ปึง แอ แลว อัห ไอ มี กิว เป็น ปึง แอ เตาะ กัน อัห กิว เป็น ครำ ปึง แอ นังเลาะ นัน อัห ก็ ควะ อุ เคิบ แอ เตา มานะ เน แต อัห ทอก แอ็ม เจ็น ปึง แอ แลว แอ ก็ ลด เม็จจึด ซัด เค็ย อัห ไอ มี เกย เจือ เยซู เตาะ อัห ไอ มี เกย เป็น ครำ ปึง แอ เตาะ
ญาม แป ป็อง จะ ลุห นโทล อัง เยซู ตี นำ รัก แอ ดก นัน อัห เป็น ครำ เจอะ ครำ เพอะ อัห ก็ ซุน ป็อง เลิม เคิบ แป ไอ มี อัห เม็จจึด กราญ เตาะ ปึง อัห นัน ก็ อันตะราย ซีเละ ดาย มเบิด อัห ก็ มอก ครำ ตี เลียง แกะ ไอ มี เลาะ นัน อัห ซนใจ นัง ออ ฮัก อัห ก็ มอก บด ตี ไอ มี เล็ห เมียะ ตี งกริม ปึห แอ็ม บด นัน เริล แอ็ม ตี ซอ เมียะ ก็ ไอ มี กิว เล็ห เตาะ อัห ก็ มอก เกาลำ ตัก ไอ มี เล็ห แพละ นัน เล็ห โนจ แพละ ก็ ไอ มี แพละ เตาะ ซุดทาย อัห ก็ งคืด แอ็ม เกาลำ นัน ครำ ตี แอง ไอ มี เลาะ นัน บัดนะ อัห ต็อง เป็น มอก นัน อัห ต็อง เปิล ซีเละ ไอ มี รีด เตาะ
อัห ฮบ เคิบ นำ แต จู ล็อง ตัก อุ เพียห ซัด ราย นัน อัห ก็ กาน อัง ล็อง ตี ต็อก มา พัห นัน มด แลว อัห กาน อัง ล็อง ตี ต็อก มา พัห นัน แลว เจ็นนัน ล็อง ตี ต็อก มา พัห นัน ก็ เญ็บ ซัด ราย เคิบ ลาม คีอู นัน กวาง แอ็ม นัง รีด ปาม ตัก งกุก โอด ตี มี มาด มี โอด กรึห อุ นัน ลาม คีจุ นัน เกย แอง ซะ แปลก จุ พซาซน ดก ล็อง ระ อัห เจือ ซัด ราย นัน แต นำ จุ จุม ครำ ตี ทือ ฮูบ ซัด ราย นำ จุ จุม ครำ ตี มาย นัง ออ เป็น ครำ คอง ซัด ราย นัน แต ซุดทาย นำ ต็อง คลิห อุ ตัก งกุก โอด ฮัก
Sanasan