ตัวแทน 8:1 - Prai Bible1 ทาเน เซาโล เม็จ อัห มเบิล ซะเทเฟน นัน นำ ก็ เลาะใจ ติกๆ ญาม นัน แร็ง ดุ อัห คมเฮง คริซจัก ตัก เมือง เยรูซาเล็ม ซีเละ ครำ ตี ทือ เยซู ก็ เลอะ ปัด เจ็น เมือง มด อัห ปัด เริล ทัว จังวัด ยูเดีย ทัว จังวัด ซะมาเรีย แต ปึง ตัวแทน เยซู ไอ มี จบ ปัด เตาะ Faic an caibideil |
ตัวแทน 8:1
35 Iomraidhean Croise
เจ็นเน นโดน เอิญ ก็ ระ ลาม ออ โตะ และ แป วัล เอิญ ก็ ไล ปึง อาจาน ปึง ครู โตะ และ แป วัล เอิญ ระ ปึง อัห เน โตะ ไล แญง เอาซาง ตัก แป บัดนะ แต แป ไอ มี จบ ปัง อัห เตาะ แป มเบิล แอ็ม อัห แด มพำ อัห ตัก งกรัง ซีโรด แด คัล อัห เคิง ฮ็อง พซุม แด แป คมเฮง อัห แป มบรึห แอ็ม อัห ปัด แอ็ม เจ็น เมือง นัน แป จวาด อัห พด เล็ห เมือง เน วัล ดอม บัดนะ ดาย บัดนะ แป ก็ แอง มอก เอิญ เค็ย เน ซีเละ
แป ตี เป็น ลูกนอง เอิญ ก็ อำ กึด เค็ย อัหซอ มัก แป ดาย ครำ ทัว โลก ไอ มี มัก แป เตาะ จำ เอิด ดาย กำนา เอิญ ไล แป แลว เค็ย ลูกนอง ไอ มี แกะ กวา เอาเลียง ออ นอ ต็อง เป็น เอาเลียง แกะ กวา ลูกนอง ฮัก กัน อัห คมเฮง เอิญ ตัก เป็น เอาเลียง แป แลว อัห ก็ ต็อง คมเฮง แป ตัก เป็น ลูกนอง เอิญ วัล กัน อัห ปัง แญง เอิญ แลว อัห ก็ ปัง แญง แป วัล
ทาเน ปึง ครำ เจือ เยซู ตัก เมือง อันทิโอก นัน ก็ มี ลาม เอาซาง แด มี ครำ ไล เลือง เอาซาง แด ครำ ตี ไล แญง เอาซาง นัน ก็ มี บานาบัด เคิบ ซิเมโอน อัห แทก นำ ตัก ซิเมโอน ญำ เจ็นนัน ก็ มี ลูซีอัด ครำ เมือง ไซรีน แลว ก็ มี เซาโล เจ็นนัน ก็ มี มานาเอน วัล มานาเอน เน นำ เป็น เปือน เคิบ พะเจายูฮัว เฮโรด ปาม เป็น เปือน นอย เจ็น แย็ด
แลว กามาลิเอล ไล อัห ฮุนนะ แลว อัห ก็ ญอม ปัง แญง นำ อัห ก็ พระ แอ็ม ปึง ตัวแทน เยซู นัน แต วาล อัห พระ ปึง อัห นัน อัห ก็ เริล ไล ปึง ตัวแทน โตะ และ ออ ตัก ฮ็อง พซุม มี ลบ วัล อัห ก็ มบัด อัห ก็ คัล ปึง ตัวแทน เยซู นัน อัห ก็ มบราง ปึง ตัวแทน เยซู นัน ไอ มี ระ อัห จ็อก เลือง เยซู วัล เตาะ เจ็นนัน อัห ก็ พระ ปึง ตัวแทน นัน เริล ออ ฮัก
ทาเน ซะเทเฟน ลบ ไล อัห ฮุนเน วัล “ตัก อิง นัน โมเซด ก็ อุ เลิม เคิบ ปึง เอา เม แอ ตัก ตี แลง นัน เทวาดา ตัก มแบละ นัง ออ ตัก ญวัง ซีนาย ก็ อุ เลิม เคิบ นำ เทวาดา นัน ก็ ฟาก แญง เลาะ อน ตัก โมเซด เป็น แญง เลาะ ตี ซับรวง แอ รีด โมเซด ก็ ไล แญง เลาะ แญง แลม นัน อน ตัก แอ ตอ วัล ระ แอ กุญ ปัง เตา มานะ เน
Sanasan