ตัวแทน 4:3 - Prai Bible

³ ทาเน อัห ก็ เญ็บ เปโตร เคิบ ยอน เติล ระ ตัก ลุก จำ ปัห ซะ ‍ เพาะวา บัก แจ็ล แอ็ม แลว ‍

ตัวแทน 4:3 Iomraidhean Croise

มัดทิว 4:12

ทาเน เยซู ก็ เม็จ คาว เค็ย ‍ อัห เญ็บ ยอน เติล ตัก ลุก ‍ นำ เม็จ คาว แลว ‍ นำ ก็ ทอก เจ็น จังวัด ยูเดีย ลด เริล จังวัด กาลิลี ‍

ลูกา 22:52

ปึง อัห ตี โตะ เญ็บ เยซู นัน ‍ ก็ มี ปึง มอ เอาซาง แกะ เคิบ ปึง ทฮาน ตี รักซา วิฮาน เอาซาง ‍ เคิบ ปึง ฮัวนา ครำ ยิว ‍ ปึง เนๆ อัห โตะ เญ็บ เยซู ‍ เยซู ก็ ไล อัห ฮุนเน “แป วาง ก็อง ดาบ ก็อง งคัล โตะ เญ็บ เอิญ อังวะ ‍ แป ก็อง งคัล ก็อง ดาบ โตะ เญ็บ เอิญ มอก เอิญ เป็น โจน ‍

ลูกา 22:54

เจ็นนัน อัห ก็ เญ็บ เอิด เยซู เริล ‍ อัห ก็ ซับ นำ ตัก เจิง มอ เอาซาง จ็อง ‍ เปโตร ก็ เคริบ นำ เริล เยอะ ซะ แดๆ ‍

ยอน 18:12

ทาเน อัห ก็ เญ็บ เยซู ‍ มี ทฮาน เมือง โรม แด ‍ เคิบ ปึง นายรอย นายพัน คอง ทฮาน นัน ‍ แลว ก็ มี ตำรวด เพา วิฮาน แด ‍ อัห เญ็บ เยซู เป็น ปึง ‍ อัห ลด ท็อก ที ท็อก ลา นำ ‍

ตัวแทน 5:18

อัห ก็ ลด เญ็บ ตัวแทน เยซู เติล ระ ตัก ลุก ‍

ตัวแทน 6:12

เจ็นนัน อัห ก็ กวา โละ จุ ซุย ปึง พซาซน ‍ ปึง ซะ แกะ ‍ ปึง อาจาน ‍ ระ อัห ญุง นอย มด ‍ อัห ลด เญ็บ ซะเทเฟน ซับ ตัก ปึง ซะพา ‍

ตัวแทน 8:3

แต เซาโล นัน กวา โละ ทำลาย คริซจัก ‍ นำ ก็ กวา โละ กุด เจิง ครำ ตี ทือ เยซู ‍ นำ กวา โละ เญ็บ อัห เติล ตัก ลุก ‍ อัหคล็อง อัหเม นำ ก็ เญ็บ เติล ลุก มด ‍ ตัวแทน 22:4-5, 26:9-11

ตัวแทน 9:2

นำ ก็ ซ็วน นังซือ ไบ อนุยาด ตัก อัห ‍ ระ นัง ออ มี ซิด เญ็บ ครำ ทือ เยซู ‍ นำ อง เอิด ไบ อนุยาด นัน ซับ ตัก ฮ็อง พซุม ครำ ยิว ตัก เมือง ดามากัด ‍ กัน นำ เม็จ ครำ ตี เจือ เยซู ‍ นำ ก็ อง เญ็บ อัห มด ‍ อัหคล็อง ก็ ตึก อัหเม ก็ ตึก ‍ นำ อง เญ็บ ซับ อัห ตัก เมือง เยรูซาเล็ม มด ‍