ตัวแทน 3:1 - Prai Bible

¹ มี มี งิ นัน บาย ซาม โมง แลว ‍ เป็น เวลา อัห ม็อด ครอ วอน เอาซาง ตัก วิฮาน นัน ‍ ทาเน เปโตร เคิบ ยอน ก็ เริล ‍ โตะ เด็นเตะ วิฮาน ‍ ปาม ก็ บัก และ กุด ตัก วิฮาน เอาซาง นัน ‍

ตัวแทน 3:1 Iomraidhean Croise

มัดทิว 17:1

ฮก งิ เจ็นนัน วัล ‍ เยซู ก็ ก็อห ญวัง ทึห ‍ นำ เอิด เปโตร ‍ นำ เอิด ยากอบ เคิบ ยอน ตัก เป็น ควน เคิบ นไจ นัน เริล เลิม ‍ อัห อุ ตัก ญวัง นัน จุม อัห ซี ล็อง ฮัก ‍

มัดทิว 26:37

นำ ก็ เริล ‍ แต นำ เอิด เปโตร ยอน ยากอบ เริล เลิม ‍ ยอน เคิบ ยากอบ เน ‍ ปาม เป็น ควัน เซเบดี ‍ เล็ห ตัก นัน แลว นำ ก็ แร็ง กึด ดก ซีเละ ‍ นำ แร็ง ตุกใจ เซียใจ ซีเละ ‍

มัดทิว 27:45

ทาเน ก็ เตียง พอดี ‍ ม็อญ ซะ ญึด ทัว แพนซิก มด ‍ ม็อญ ญึด อุ แพะ ซัวโมง ‍

ลูกา 1:10

ญาม นำ เคิม ยา ซียุม อุ ควังใน วิฮาน นัน ‍ ก็ มี อัหซอ ดก ล็อง เพา นำ อุ บัดซะ ‍ อัห ครอ วอน เอาซาง อุ เป็น ปึง ‍

ลูกา 18:10

“มี อัหคล็อง เปียะ ล็อง นะ ‍ ปาม เริล ครอ วอน เอาซาง ตัก เด็นเตะ วิฮาน เอาซาง นัน ‍ มี ล็อง นัน เป็น ครำ ฟาริซี ‍ นำ ทือ เอาซาง เน็ด ซีเละ ‍ มี ล็อง นัน วัล เป็น ครำ เก็บ พาซี”

ลูกา 22:8

เล็ห งิ นัน แลว ‍ เยซู ก็ ไล เปโตร เคิบ ยอน เพีย เริล แอง ซะ ป็อง ซำรับ อัห ป็อง ซะลอง งิ ตี เอาซาง เว็น เจิง อัห นัน

ลูกา 24:53

เจ็นนัน อัห ก็ มัน เริล ตัก วิฮาน เอาซาง ‍ อัห ลือ เอาซาง ตัก วิฮาน นัน

ยอน 21:7

ทาเน ลูกนอง ล็อง ตี เยซู รัก นัน ‍ นำ ก็ ไล เปโตร คือเน “งกีจ็อง นัน ดาย” นำ อัง ‍ ญาม เปโตร เม็จ ล็อง นัน ไล ออ จังนะ แลว ‍ นำ ก็ จึห โกบ นซุบ ตี นำ โปลก พระ อน นัน ‍ ลด กะโดด มพลิห นอก ลอย เริล และ เยซู

ตัวแทน 10:3

มี ลบ นัน ‍ ปะมาน บาย ซาม โมง เน ‍ โคเนลีอัด ก็ เม็จ เทวาดา คอง เอาซาง โตะ ไล ออ ‍ นำ กิว เม็จ นัง เทวาดา นัน ซีเละ ‍ เทวาดา ล็อง นัน ก็ โตะ งกรอ นำ “โคเนลีอัด เฮย” เทวาดา อัง ‍

ตัวแทน 10:30

โคเนลีอัด ก็ ซวัล เปโตร จังเน “งิ นาน มอก นะ ซะ ‍ มี ครำ มี ล็อง โตะ และ เอิญ ‍ เอิญ ก็ กำลัง ครอ วอน เอาซาง อุ ‍ ทาเน ก็ ปะมาน ซาม โมง เน ‍ เอิญ ก็ ปัก เม็จ ล็อง นะ ญ็อง อุ เคิบ มัด ออ ‍ นำ จึห โกบ พัห ซัล ‍ เซ็ล รับๆ ‍

ตัวแทน 2:46

อัห ก็ กุญ ใจ นอย เริล รอม นอย อุ ตัก วิฮาน เอาซาง จูงิๆ ‍ อัห ก็ ป็อง จะ เลิม ตัก เจิง ออ ‍ อัห เลาะใจ เลาะคอ ซีเละ ‍

ตัวแทน 3:3

ทาเน นำ ก็ เม็จ เปโตร เคิบ ยอน บัก และ กุด ควังใน วิฮาน นัน ‍ นำ ก็ ครอ ทาน ตัก ปาม ‍

ตัวแทน 3:4

เปโตร เคิบ ยอน ก็ ที ดอม นำ ‍ ปาม ก็ จ็อก เคิบ นำ ฮุนเน “ดอม เยอะ กา” ปาม อัง ‍

ตัวแทน 4:13

ทาเน ปึง ซะพา เม็จ เปโตร จ็อก จังนัน ‍ อัห ก็ เคาใจ เปโตร เคิบ ยอน ฮาน ซีเละ ‍ อัห เม็จจึด ปาม เป็น ครำ ทำมาดา ไอ มี กุญ นเจ็น นังซือ ดก ‍ อัห ก็ งึด อัง ปาม ‍ อัห เม็จจึด เค็ย ‍ กำนา ปาม ก็ กุญ อุ เลิม เคิบ เยซู ‍

ตัวแทน 5:25

ทาเน ก็ มี ครำ มี ล็อง วัล โตะ ไล อัห ฮุนเน “ครำ ตี แป เติล ระ ตัก ลุก นัน ‍ มานะ เน อัห อุ ตัก เด็นเตะ วิฮาน แลว ดาย ‍ อัห กำลัง ซอน พซาซน อุ” นำ อัง

ตัวแทน 8:14

ทาเน ปึง ตัวแทน เยซู ตัก อุ เมือง เยรูซาเล็ม ‍ อัห เม็จ คาว ครำ ซะมาเรีย กุญ ปัง แญง เอาซาง แลว ‍ อัห ก็ ไล เปโตร เคิบ ยอน เริล ดอม อัห ‍ ปาม ก็ เริล ‍

กาลาเทีย 2:9

ทาเน ตัก คริซจัก เยรูซาเล็ม นัน ‍ ก็ มี ยากอบ เปโตร เคิบ ยอน ‍ ตี อัห เค็ย เป็น ซะ แกะ ตี ซับรวง คริซจัก อัห นัน ‍ แต ปึง ซะ แกะ นัน ‍ อัห เคาใจ แลว เค็ย ‍ เอาซาง อน งาน พิเซด เน ตัก เอิญ ฮัก ‍ อัห เคาใจ คือนัน แลว ‍ อัห ก็ ตกลง เคิบ เอิญ ซีเละ เค็ย ‍ อัห ต็อง เริล ไล คาว เลาะ คาว แลม อน ตัก ครำ ยิว ‍ เอิญ เคิบ บานาบัด ต็อง เริล ไล ครำ กรอก ซอ ฮัก ‍