ตัวแทน 22:3 - Prai Bible3 “เอิญ ก็ เป็น ครำ ยิว มอก แป เน ดาย ไอ แมน อัหซอ เตาะ เอิญ เกิด ตัก เมือง ทาซัด ตัก จังวัด ซีลีเซีย แต เอิญ โตะ อุ ตัก เมือง เยรูซาเล็ม เน แกะ นัง ตัก เน เอิญ ก็ นเจ็น นังซือ ตัก เน กด เครม ตี เอาจ็อง เมจ็อง แอ ทือ เจ็น ตัก อิง ตัก นา นัน เอิญ ก็ นเจ็น ตัก เมือง เนๆ เอิญ เม็จจึด กด เครม นัน มด จู มบลึ แลว อาจาน กามาลิเอล เป็น ครำ ไล อน ตัก เอิญ เอิญ ก็ ทือ เอาซาง เน็ด ซีเละ มอก แป จู งิ เน Faic an caibideil |
ตัวแทน 22:3
27 Iomraidhean Croise
ครำ ทัว พานัน อัห ก็ เลอะ โตะ ดอม มด อัห เลอะ โตะ เคิง ตี เยซู อุ นัน อัห ก็ เม็จ ล็อง ตี งาล ปรอง กุด นัน เลาะ เล็ห แลว นำ เป็น เล็ห ครำ เลาะ วัล นำ คุด อุ นดิ เจ็ง เยซู นำ ก็ จึห โกบ จึห วะ เลียบลอย นำ ก็ งาล แอ็ม พีบา มี ซะติ เลาะ เม็จ นึง เลาะ วัล ครำ งวัล นัน เม็จ นำ เลาะ เล็ห คือนัน อัห ก็ เลอะ นเจิก มด
อัห ก็ เคียน จดมาย ฟาก อน ตัก ปาม ระ ปาม ซับ อน ตัก คริซจัก อันทิโอก ตัก จดมาย นัน อัห เคียน คือเน อิห ปึง ตัวแทน เยซู เคิบ ปึง อัหแกะ ตี ซับรวง คริซจัก ตัก เน อิห ซะวัดดี แป อิห ก็ เป็น ควน นไจ แป ซีเละ อิห เคียน อน ตัก แป ตี เป็น ครำ กรอก ซอ ตัก อุ เมือง อันทิโอก แพ็ว จังวัด ซีเรีย เคิบ จังวัด ซีลีเซีย มด ดาย
ทาเน เปาโล ก็ เม็จจึด ครำ ตัก ฮ็อง พซุม นัน มี เปียะ ปึง ปึง ฟาริซี ก็ มี ปึง ซะดูซี ก็ มี มด นำ ก็ ลด ไล อัห แร็งๆ คือเน “ควน นไจ เฮย ดอม กา เอิญ เน ก็ เป็น ครำ ฟาริซี ดาย เอา เอิญ ก็ เป็น ฟาริซี เมือนนอย ตี อัห ตัดซิน เอิญ เน ก็ เป็น ตัก เอิญ แก็นใจ เจือ เค็ย ครำ แอ เปิล แลว แอ ก็ ลบ รีด เล็ห วัล” เปาโล อัง ตัวแทน 26:5, ฟีลิบปี 3:5
ครำ อิซราเอล ไอ มี ปอ เจือ เอาซาง นอ แต ครอ ระ แป เคาใจ เลาะๆ ดาย เอาซาง ไอ มี พระ แอ็ม ครำ คอง ออ เตาะ เอิญ เน ก็ เป็น ครำ อิซราเอล ดุห เอาซาง ก็ ไอ มี พระ แอ็ม เอิญ เอิญ ก็ เกิด ตัก กรอก อับราฮัม เอิญ ก็ ซำ เป็น ครำ กรอก เบนยามิน เอาซาง ไอ มี พระ แอ็ม เอิญ ดุห กัน นำ ไอ มี พระ แอ็ม เอิญ แอ ก็ เคาใจ เค็ย เอาซาง ไอ มี พระ แอ็ม ครำ อิซราเอล มด จู ล็อง เตาะ
Sanasan