ตัวแทน 2:4 - Prai Bible4 จู ล็อง จู นัง ก็ มี ซีมาล เอาซาง อุ เลิม มด อัห ก็ ลด จ็อก แญง อัหซอ กุญ ซีมาล นัน ระ อัห จ็อก จังนัก อัห ก็ จ็อก จังนัน Faic an caibideil |
ตัวแทน 2:4
55 Iomraidhean Croise
โตะ มารี ตัก เจิง ปาม แลว นำ ก็ งกรอ เอลีซาเบด ญาม เอลีซาเบด เม็จ แญง มารี งกรอ ออ นัน ควัน แย็ด ตัก มพุล เอลีซาเบด ก็ แร็ง นดิ ซีเละ ซีมาล เอาซาง ก็ ซับรวง เอลีซาเบด จ็อก เคิบ มารี แร็งๆ ฮุนเน “มารี เฮย เอาซาง แอง เลาะ ไบ เลาะ เบอ เคิบ มัห จังนะ นำ แอง เลาะ ซิห มัห กวา อัหเม ซอ มด จู ล็อง เอาซาง ก็ แอง เลาะ เคิบ ควัน มัห วัล
อัห ปัง แญง เปโตร จ็อก ฮุนนะ แลว อัห ก็ เลาะใจ ซีเละ อัห ก็ เลือก เอิด เจ็ด ล็อง ฮุน เปโตร ไล อน นัน เจ็ด ล็อง นัน ก็ มี ซะเทเฟน ซะเทเฟน เน นำ แก็นใจ เจือ เอาซาง ซีเละ นำ ก็ มี ซีมาล เอาซาง อุ เลิม เจ็นนัน ก็ มี ฟีลิบ มี โปโครัด นิคาโน ทิโมน ปาเมนัด เคิบ นิโคเลา นิโคเลา เน นำ เป็น ครำ เมือง อันทิโอก นำ ไอ แมน ครำ ยิว ซัง แต วาล ไอ ตัน นำ เจือ เยซู นัน นำ เกย ทือ แบบ ยิว แลว
อานาเนีย ก็ เริล โตะ เจิง อัห แลว อานาเนีย ก็ กุด ควังใน เจิง นำ ก็ ต็อก ซิห ที ตัก เซาโล นำ ก็ จ็อก คือเน “เซาโล เฮย เยซู งกีจ็อง คอง แอ ตี นำ ระ มัห เม็จ นัง ออ ตัก รวง งิ นาน นำ ไล เอิญ โตะ และ มัห นำ ไล เอิญ โตะ จวย มัห ระ มัห ดอม ซะ ตาด วัล ดาย นำ ก็ ระ มัห มี ซีมาล เอาซาง อุ เลิม เคิบ มัห” อานาเนีย อัง
ซีมาล เอาซาง ก็ ระ แกด ล็อง แอง ซะ แปลก กุญ นำ ก็ ระ แกด ล็อง เก็ง ไล แญง เอาซาง อน อัห นำ ก็ ระ แกด ล็อง เม็จจึด ซะ ตี อัหซอ ไล นัน ซะ นเดย ตี ซีมาล เอาซาง ซับรวง อัห จ็อก นำ ก็ เม็จ ซะ นเดย ตี ปรอง ซับรวง อัห จ็อก นำ ก็ เม็จจึด ซีมาล เอาซาง จวย นำ เม็จจึด อัน นเดย เลาะ อัน นเดย ไอ มี เลาะ ซีมาล เอาซาง ก็ ระ แกด ล็อง จ็อก แญง อัหซอ กุญ เป็น แญง ตี อัห ไอ มี ตัน เกย นเจ็น นัน นำ ก็ ระ แกด ล็อง จวย แปล แญง อัหซอ นัน กุญ
เลาะ ทีซุด แอ ต็อง กิว รัก นอย ซัง เลาะ ไอ แมน มี ความ ซามาด ซะ เน ซะ นัน เตาะ กัน เอิญ มี ความ ซามาด จ็อก แญง อัหซอ กุญ ดก แญง แต เอิญ ไอ มี รัก อัหซอ ก็ ไอ มี ปะโยด ซีวะ กัน เอิญ จ็อก แญง เทวาดา กุญ ก็ ตึก แต เอิญ ไอ มี รัก อัหซอ นัน ก็ ไอ มี เป็น ปะโยด เอิญ จ็อก เก็ง นัน ก็ มอก เอิญ คัล กอง คัล เปล็ห มาลือ
เลือง รัก นอย นัน ซำคัน ทีซุด ซำคัน จำ นเดย จำ กวา ซำคัน กวา ซะ ซอ วัล ครำ ตี เป็น ลาม เอาซาง ก็ ต็อง มี งิ งาล แอ็ม ไอ มี คิ เตาะ แอ เม็จจึด ซะ ดก มานะ เน แต บัดนะ ซะ ตี แอ เม็จ นัน งาล แอ็ม ไอ มี คิ เตาะ แอ จ็อก แญง อัหซอ กุญ ดก มบลึ ก็ ต็อง มี งิ ตี ไอ มี จำเป็น จ็อก แญง อัหซอ นัน วัล แต เลือง รัก นอย นัน ควะ มี อุ ตลอด จำ นเดย จำ กวา ไอ มี งิ งาล เตาะ
กัน แป มี ความ ซามาด จ็อก แญง อัหซอ กุญ มด จู ล็อง ก็ เลาะ อุ แต กำกึด เอิญ เอิญ ซีรอก ระ แป ไล แญง เอาซาง อน ตัก คริซจัก ระ คริซจัก เคาใจ ซัง เลาะ ทีซุด กัน อัห เคาใจ เลาะ ก็ เป็น ปะโยด ดก เป็น ปะโยด อน ตัก คริซจัก ดก กวา ล็อง ตี จ็อก แญง อัหซอ กุญ แต กัน มี ครำ แปล อน คริซจัก ปัง ก็ เป็น ปะโยด เมือนนอย คริซจัก ก็ เฮง เคาใจ เลือง เอาซาง กุญ
ทาเน เอาซาง ก็ ระ ปึง ลาม นัน เคาใจ เค็ย เลือง ตี ลาม เคียน ระ อน นัน ไอ แมน อัห เคียน เพือ นัง ออ เคาใจ เอาซาง ระ อัห เคียน เพือ แอ ซะไม มานะ เน เคาใจ ฮัก มานะ เน เลือง ตี ปึง ลาม เคียน ระ อน นัน ก็ มี ครำ โตะ ไล อน ตัก แป แลว ก็ เป็น แร็ง ซีมาล เอาซาง จูล เจ็น วาง ทึห โตะ อุ เคิบ อัห ซีมาล เอาซาง นัน ก็ ระ อัห ไล คาว เลาะ เน อน ตัก แป ฮัก คาว เลาะ ตี ปึง นัน ไล ก็ เป็น เลือง ซำคัน ซีเละ คนาด ปึง เทวาดา ก็ วาง ซีรอก เม็จ ซีรอก เคาใจ เมือนนอย เอาซาง แอง เลาะ เคิบ แอ ซีเละ นำ ระ แอ ซะไม มานะ เน เคาใจ เลือง ปน แอ็ม เจ็น ลุห เน
Sanasan