ตัวแทน 18:3 - Prai Bible3 ทาเน เปาโล ก็ เป็น ซะลา จิง พาเต็น มอก ปาม นัน นำ ก็ ลด พัก แองกาน อุ เลิม เคิบ ปาม Faic an caibideil |
ตัวแทน 18:3
13 Iomraidhean Croise
ซำรับ เอิญ เน เอิญ มี ซิด ป็อง ญอน แป แต เอิญ ไอ มี ซีรอก ป็อง ญอน แป เตาะ ตี เอิญ เคียน ไล แป คือเน ก็ ไอ แมน เอิญ ซีรอก ระ แป จวย ออ ดาย ครำ ตี ปัง แญง เอาซาง ตัก เอิญ นัน เอิญ ไอ มี ซีรอก ระ อัห เลียง เอิญ ตี เอิญ ไล แญง เอาซาง ตัก แป ลือๆ ตลอด นัน เอิญ ก็ เลาะใจ ซีเละ เอิญ อวด นัง ออ กุญ กัน เอิญ เอิด ซีวะ ตัก แป เอิญ ก็ ไอ มี เลาะใจ เอิญ อวด นัง ออ ไอ มี กุญ เอิญ เปิล แอ็ม ก็ เลาะ กวา นัน วัล
กำนา ญาม เอิญ อุ เคิบ แป นัน กัน เอิญ คาด ซีวะ เอิญ ก็ ไอ มี จบ ครอ ตัก แป เตาะ เป็น ควน นไจ ตี เล็ห เจ็น จังวัด มาซีโดเนีย งคม เน ฮัก ซับ อน ตัก เอิญ เอิญ ต็องกาน ซีวะ อัห ก็ ซับ อน ตัก เอิญ มด เอิญ ไอ มี รบกวน แป เตาะ กำนา เอิญ ไอ มี ระ แป ต็อง ลำบาก เลียง เอิญ นอ เจ็นเน นโดน เอิญ ก็ ไอ งกิ ระ แป ลำบาก ต็อง เลียง ออ เตาะ
แป กึด จังนัก แป กึด เค็ย เอิญ แอง เลาะ เคิบ คริซจัก ซอ ดก กวา แป อัน ก็ ไอ แมน เตาะ มี มี มบลึ เดียว ตี เอิญ แอง เลาะ เคิบ อัห ดก กวา แป นัน ก็ ฮุนเน ดาย เอิญ ระ อัห เอิด ซีตัง จวย เอิญ แต เอิญ ไอ มี กุญ ระ แป จวย เอิญ เตาะ เอิญ ซีมา แป เตาะ ดาย เอิญ ครอ ซีมา แป ตี เอิญ แอง เคิบ แป ไอ มี นเดิง นอย นัน
Sanasan