2 ทิโมที 2:9 - Prai Bible9 ญอน เอิญ ไล คาว เลาะ คอง เยซู นัน อัห ก็ แอง ระ เอิญ โซะ ซีเละ อัห ก็ เอิด โซ ท็อก เอิญ ระ อน มอก เอิญ เป็น นักโทด ตี แอง ไอ มี เลาะ นัน อัห ท็อก นัง เอิญ กุญ นอ แต อัห ท็อก แญง เอาซาง ระ ไอ มี แปร เริล ก็ ไอ มี กุญ เตาะ Faic an caibideil |
2 ทิโมที 2:9
22 Iomraidhean Croise
แต มี แกด ล็อง อัห ไอ มี เลาะ เตาะ อัห มี เปียะ จิด เปียะ ใจ อัห ไล แญง เอาซาง ก็ แมน อุ แต อัห แค็ง นอย คอย นอย อุ นัน อัห ไอ มี กิว โละ ปะโยด อน ตัก เยซู เตาะ ตี อัห ไล เลือง เยซู คริด นัน ก็ เป็น ตัก อัห ซีรอก เป็น ซะ แกะ ฮัก ตี อัห กึด แอง มอก นัน ก็ อัห ซีรอก ระ เอิญ เฮง ลำบาก ใจ อุ ตัก ลุก เน วัล
เอิญ เลาะใจ เลือง แป มอก เน ก็ ซมควน แลว ดาย ก็ ญอน เอิญ รัก แป มด จู ล็อง จู นัง เอิญ รัก แป ก็ ญอน เอาซาง แอง เลาะ ซิห แอ เลิม แป ก็ ฮับไจ เอาซาง เลิม เคิบ เอิญ ตลอด เอิญ เริล ไล คาว เลาะ ตัก อัห เอิญ เริล เทียง อัห เลือง คาว เลาะ ระ อัห เคาใจ ระ อัห เจือ แป ก็ จวย เอิญ เติล ลุก ก็ ตึก แป ก็ จวย มด เอิญ เป็น จังนัก แป ก็ จวย เอิญ เลิมๆ เลาะ ซีเละ เอิญ ก็ เลาะใจ ปาโท็ห ดาย
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
เจ็นนัน ก็ อำ กราญ ไล เลือง เยซู ตัก เป็น งกีจ็อง คอง แอ นัน เตาะ อำ กราญ เป็น เปือน เอิญ ตี เติล ตัก ลุก เน เตาะ ตี เอิญ เติล ลุก เน ก็ ญอน เอิญ ฮับไจ เยซู คริด ฮัก ครอ อำ กราญ ซีวะ เตาะ แต ครอ ระ มัห อด ตุก อด ญาก เลิม เคิบ เอิญ เน เพือ ไล คาว เลาะ คาว แลม อน ตัก อัห ซัง เลาะ ครอ ระ มัห เปิง แร็ง เอาซาง นัน ฮัก
อัห พระ แอ็ม เอิญ มด ดาย แต ญาม เอิญ ก็อห ซาน นัน เอาซาง งกีจ็อง ก็ ญ็อง อุ เลิม เคิบ เอิญ นำ จวย ระ เอิญ มี แร็ง มี กำลัง ซีเละ นำ จวย เอิญ ก็ เพือ ระ เอิญ กุญ ไล คาว เลาะ คาว แลม นัน อน ตัก อัห ติกๆ ระ เอิญ กุญ ไล อน ตัก ครำ กรอก ซอ มด วัล กำนา นัน เอาซาง ก็ จวย เอิญ ซีเละ ดาย มเบิด ก็ มอก เอิญ ปน แอ็ม เจ็น งกาบ โปก นัน
ครอ ระ แป แอง เลาะๆ ฮัก ซัง เลาะ ญาม แป อุ เลิม เคิบ ครำ กรอก ซอ ตี ไอ มี เจือ นัน ก็ ครอ ระ แป แอง เลาะ ตลอด ดาย กัน แป แอง เลาะ ตลอด อัห ก็ ไอ มี จางรู พอง แป เลือง ซีวะ เตาะ อัห ก็ เม็จจึด เค็ย แป แอง เลาะ ซีเละ บัดนะ กัน เล็ห งิ โตะ เอาซาง ตัก โลก เน อัห ก็ ต็อง ลือ เอาซาง เค็ย นำ กิว เลาะ ซีเละ
Sanasan