2 ทิโมที 2:20 - Prai Bible20 ครำ แอ เน มเบิด ก็ มอก คอง ไจ ตัก เจิง จ็อง ลัง นัน ควังใน เจิง นัน ก็ มี คอง ไจ ดก มบลึ นอ คอง ไจ แกด มบลึ แอ เอิด เงิน เอิด ทอง แอง แกด มบลึ แอ เอิด ลำ เอิด ซิก นดิวๆ แอง ซำรับ คอง ไจ ตี แอ เอิด เงิน เอิด ทอง แอง นัน แอ ก็ ไจ ซำรับ งาน พิเซด นอ อัน ตี แอ เอิด ลำ เอิด ซิก นดิว แอง นัน แอ ก็ ไจ ซำรับ งาน ทำมาดา แอ เอิด ไจ ไอ มี เมือนนอย นอ Faic an caibideil |
เอาซาง แอง แอ เป็น ครำ นอ แอ ลบ วัล โป นำ ก็ ไอ มี กุญ เตาะ จับ อัห โป คือเน “เอาซาง แอง เอิญ มอก เน มอก นัน ก็ ไอ มี เลาะ ดาย” อัห อัง แอ โป จังนัน ก็ ไอ มี จบ แคระ ดาย ครอ ยก ตัวยาง ตัก ซะลา แอง ย็อล ซิก นอ ซะลา นัน เอิด ซิก แอง ซีวะ ก็ กุญ มด นำ มี ซิก มี ง็อล เดียว นำ มี ซิด เอิด ซิก มี คัล แอง ย็อล เลาะลัห พิเซด ก็ กุญ นำ วัล เอิด ซิก มี คัล ลด แอง ย็อล ทำมาดา ก็ กุญ มด ก็ เป็น ซิด คอง นำ นอ นำ เป็น งกี นำ ตัดซิน แอง ซีวะ ก็ กุญ ย็อล ก็ ไอ มี ซิด โป ซะลา เค็ย “ซีวะ มัห แอง เอิญ มอก เน”
แป ก็ เมือนนอย แป ก็ รีด อุ จำ นเดย จำ กวา แป ก็ มอก เกียง ตี เอาซาง เอิด แอง เป็น วิฮาน นัน เอาซาง ระ แป เป็น ตี อุ คอง ซีมาล นำ ฮัก แป ก็ มอก มอ เอาซาง ตัก แองกาน อน เอาซาง ตัก วิฮาน นัน ซะ ตี แป ทวาย ญอน ซีมาล เอาซาง ซับรวง นัน เอาซาง ก็ ปอใจ อัง ซีเละ นำ ปอใจ ก็ ญอน เยซู คริด นัน ฮัก