2 ทิโมที 1:7 - Prai Bible7 เพาะวา เอาซาง อน ซีมาล ออ ตัก แอ แลว นำ ไอ มี อน ตัก แอ เพือ ระ แอ กราญ ระ แอ นเจิก เตาะ แต นำ อน ตัก แอ เพือ ระ แอ มี แร็ง ดก ระ แอ รัก อัห ระ แอ ควบคุม นัง ออ เลาะ Faic an caibideil |
2 ทิโมที 1:7
28 Iomraidhean Croise
แป ต็อง เริล ไล อัห มด ดาย แต มานะ เน แป ต็อง เพา อุ ตัก เมือง เยรูซาเล็ม เน วาล ต็อง เพา อุ ตัก เยรูซาเล็ม เน จำปอ เล็ห ซีมาล เอาซาง ตัก แป เอิญ ระ ซีมาล เอาซาง โตะ อุ เคิบ แป เน มอก เอา เอิญ ตัก วาง นทึห ซันญา ระ อน ตัก แป แลว โตะ ซีมาล เอาซาง แลว นำ ก็ อน แร็ง ตัก แป ฮัก แป ก็ ลด มี แร็ง เริล ไล คาว เลาะ เน อน ตัก อัห” เยซู ไล อัห ฮุนเน
ครำ ทัว พานัน อัห ก็ เลอะ โตะ ดอม มด อัห เลอะ โตะ เคิง ตี เยซู อุ นัน อัห ก็ เม็จ ล็อง ตี งาล ปรอง กุด นัน เลาะ เล็ห แลว นำ เป็น เล็ห ครำ เลาะ วัล นำ คุด อุ นดิ เจ็ง เยซู นำ ก็ จึห โกบ จึห วะ เลียบลอย นำ ก็ งาล แอ็ม พีบา มี ซะติ เลาะ เม็จ นึง เลาะ วัล ครำ งวัล นัน เม็จ นำ เลาะ เล็ห คือนัน อัห ก็ เลอะ นเจิก มด
เยซู ก็ ไล อัห วัล “เอิญ ระ แป อุ เลาะ อุ ซุก ดาย เอิญ อุ เลาะ อุ ซุก แลว เอิญ ก็ ลบ ระ แป อุ เลาะ อุ ซุก มอก เอิญ ฮัก เอิญ ระ แป อุ เลาะ อุ ซุก เน ก็ ไอ มี เมือน ซะ ตัก โลก เน ระ แป อุ เลาะ อุ ซุก เตาะ เจ็นเน กัน ปน เอิญ เริล ออ แลว แป ก็ อำ กึด ดก เตาะ อำ ตุกใจ เตาะ อำ นเจิก ซีวะ เตาะ ดาย
เอิญ รีด ฮุ เปิล ฮุ ก็ ไอ มี ปานัก ซัง เอิญ ไอ มี นเจิก เปิล เตาะ แต ครอ ระ เอิญ แองกาน อน เยซู ระ แลว แอ็ม ก็ จู ครอ ระ เอิญ เล็ง โตะ ตัก เซ็นไซ ก็ จู เยซู งกีจ็อง มอบ คาว เลาะ คาว แลม อน ตัก เอิญ แลว เป็น คาว เลาะ เลือง เอาซาง แอง เลาะ ซิห แอ นัน ครอ ระ เอิญ แองกาน อน ตัก เยซู คริด ระ แลว แอ็ม ก็ จู” เปาโล ไล ปึง อัหแกะ ตี ซับรวง คริซจัก คือนะ 2 ทิโมที 4:7
เปาโล ก็ ซวัล อิห ฮุนเน “แป แอง ซีวะ จังเน แป เญ็ม ฮุนเน ก็ แป แอง ระ เอิญ ตุกใจ นาย แอ็ม ใจ วัล แอ็ห เอิญ ไอ มี เปียน ใจ เตาะ เอิญ ต็อง เริล เมือง เยรูซาเล็ม ติก ดาย อัห แอง จังนัก ซิห เอิญ ตัก นัน ก็ ตาม แต เตาะ เอิญ พอม ระ อัห ท็อก เอิญ เอิญ พอม ระ อัห มเบิล แอ็ม เอิญ ดาย อัห เติล ลุก เอิญ ก็ ตาม แต เตาะ เอิญ พอม อด เอิด กุญ ก็ เพือ เยซู คริด งกีจ็อง นัน” เปาโล อัง
ญาม เอิญ ล็อน โตะ ตัก แป กำนา นัน เอิญ ก็ ไอ มี จ็อก ซิว จ็อก มวน ซีวะ เคิบ แป เตาะ เอิญ ไอ มี เปิง ปันญา ครำ จ็อก เคิบ แป ระ แป เจือ ออ เอิญ จ็อก ทำมาดา เคิบ แป นอ แร็ง คอง ซีมาล เอาซาง ฮัก จวย ระ แป เคาใจ เค็ย แญง ตี เอิญ จ็อก เคิบ แป นัน เป็น เลือง นังเลาะ เป็น ซีมาล เอาซาง ฮัก ไล เอิญ จ็อก นอ
Sanasan