“เอิญ ก็ เป็น ครำ ยิว มอก แป เน ดาย ไอ แมน อัหซอ เตาะ เอิญ เกิด ตัก เมือง ทาซัด ตัก จังวัด ซีลีเซีย แต เอิญ โตะ อุ ตัก เมือง เยรูซาเล็ม เน แกะ นัง ตัก เน เอิญ ก็ นเจ็น นังซือ ตัก เน กด เครม ตี เอาจ็อง เมจ็อง แอ ทือ เจ็น ตัก อิง ตัก นา นัน เอิญ ก็ นเจ็น ตัก เมือง เนๆ เอิญ เม็จจึด กด เครม นัน มด จู มบลึ แลว อาจาน กามาลิเอล เป็น ครำ ไล อน ตัก เอิญ เอิญ ก็ ทือ เอาซาง เน็ด ซีเละ มอก แป จู งิ เน
2 ทิโมที 1:3 - Prai Bible3-5 ทิโมที เฮย เอิญ คอบคุน เอาซาง เลือง มัห ซีเละ ดาย เอิญ คอบคุน เอาซาง ตี เอิญ ฮับไจ นัน มอก เอาจ็อง เมจ็อง แอ ตัก อิง ฮับไจ นำ นัน เอิญ ก็ ฮับไจ นำ เลาะ เอิญ ไอ มี กึด เค็ย นัง ออ ลุห เคิบ นำ เตาะ เอิญ ครอ วอน เอาซาง เพือ มัห ตึง งิ ตึง แจ็ล เอิญ ครอ วอน เพือ มัห ตลอด เอิญ แร็ง งอม อัง มัห ซีรอก เม็จ มัด มัห ซีเละ กำนา ญาม เอิญ พระ มัห นัน มัห ก็ เญ็ม เซียใจ ซีเละ นอ เอิญ ก็ ควะ จำ เลือง นัน อุ กัน แอ กุญ เม็จ มัด นอย อุ เลิม เคิบ นอย วัล เอิญ ก็ เลาะใจ ซีเละ ดาย มัห เจือ เอาซาง เลาะ ซีเละ ดาย เลือง เน เอิญ ก็ เม็จ เลาะ นอ มัห แก็นใจ เจือ เยซู มอก เมจ็อง คอง มัห ตัก โลอิด เคิบ เม คอง มัห ตัก ยูนิด นัน เอิญ คอบคุน เอาซาง เลือง มัห ซีเละ ดาย Faic an caibideil |
2 ทิโมที 1:3
21 Iomraidhean Croise
แต เอิญ ญอม ฮับ มี เลือง เดียว เน ตัก มัด มัห เป็น เลือง ตี เอิญ ญอม ฮับ เค็ย เอิญ ทือ เอาซาง แบบ เยซู ตี อัห เค็ย ไอ มี แคระ นัน เอิญ ญอม ฮับ มี เลือง เดียว เน เลือง ซอ เอิญ ก็ เจือ มอก ครำ ตี โตะ พอง เอิญ เน เอิญ ทือ งกีจ็อง มอก เอาจ็อง เมจ็อง อิห ตัก อิง นัน นังซือ กด เอาซาง เคิบ นังซือ ลาม เอาซาง เครม ตี อัห เคียน ระ อน นัน เอิญ ก็ เจือ มด
เอิญ เน ก็ ทือ แบบ ครำ ยิว นัน แลว ปึง ครำ ยิว นัน อัห ก็ เม็จจึด เคิบ เอิญ เลาะ ซีเละ อัห เม็จจึด เอิญ เจ็น แย็ด เจ็น เกิด อัห ไล อน มัห ก็ กุญ กัน อัห ญอม ไล ดาย เอิญ ก็ ทือ แบบ อัห เจ็น แย็ด เจ็น เกิด จำปอ โตะ อุ ตัก เมือง เยรูซาเล็ม นัน เอิญ เน ก็ แอง มอก ฟาริซี ตี ทือ เอาซาง เน็ด ทีซุด นัน เอิญ ก็ ทือ มอก อัห นัน เลือง เน อัห ก็ เม็จจึด แลว ตัวแทน 23:6, ฟีลิบปี 3:5
ควน นไจ เฮย เอิญ เปาโล ดาย เอิญ แร็ง เซียใจ ซีเละ ตี กรอก อิซราเอล ไอ มี เจือ เยซู คริด นัน ครำ อิซราเอล นัน อัห เป็น กรอก คอง เอิญ ฮัก นอ เอิญ ก็ ซีรอก ระ อัห ปน แอ็ม เจ็น ลุห ซีเละ ดาย เอิญ แร็ง เซียใจ เลือง อัห ตลอด กัน เอิญ จวย ระ อัห เจือ เยซู กุญ เอิญ ก็ จวย เอิญ ญอม กุญ โทด แตน อัห ก็ กุญ มด เอิญ ระ เอาซาง ตัด แอ็ม เอิญ เจ็น เยซู คริด แตน อัห ก็ กุญ มด เอิญ ไอ มี จุ แป เตาะ เยซู ก็ เม็จ แลว เค็ย เอิญ กิว พอม กุญ โทด แตน อัห กุญ ซีมาล เอาซาง ตัก อุ ใน ใจ เอิญ นำ ก็ เม็จ เมือนนอย เค็ย เอิญ พอม ฮับ โทด แตน อัห แต ครอ ระ ครำ อิซราเอล กิว ปน แอ็ม เจ็น ลุห ก็ จู ครำ อิซราเอล นัน อัห เป็น ควน นไจ เอิญ ซีเละ อัห เป็น มี กรอก เดียว เลิม เคิบ เอิญ เน เอิญ ก็ รัก อัห ซีเละ
อิห ไล แป นังเลาะ นะ เตา ตี อิห เคาใจ เน อิห ก็ แอง เลาะ แอง ซือ ซิห ครำ จู ล็อง ซำรับ แป ตัก เมือง โคริน ก็ ซำ ฮาย อิห แก็นใจ ซีเละ เค็ย อิห แอง เลาะ เคิบ แป ตลอด อิห แก็นใจ ซีเละ เค็ย เอาซาง จวย อิห แอง เลาะ แอง ซือ เคิบ แป จู ลบ ดาย ตี อิห แอง เลาะ เคิบ แป เน ก็ ไอ แมน อิห เปิง ปันญา ซังคม โลก เน เตาะ แต อิห เปิง แร็ง เอาซาง ตี แอง เลาะ ใจ ดัว ซิห แอ นัน นำ อน แร็ง ตัก แอ ฮัก
Sanasan