2 เปโตร 3:15 - Prai Bible15 เจ็นนัน ก็ ครอ ระ แอ เฮง แอง เลาะ ติกๆ ดาย ครอ ระ แอ เคาใจ เค็ย ตี เอาซาง ใจ ดัว ซอดแซ็ง ซิห แอ นัน ก็ เพาะวา นำ ซีรอก ระ แอ จู ล็อง มี รวง กุญ ปน แอ็ม เจ็น ลุห นัน ดาย ทาเน เลือง ตี เอาซาง ใจ ดัว ซอดแซ็ง ซิห แอ นัน เปือน แอ ตัก เปาโล ตี แอ รัก ดก นัน นำ ก็ เคียน ไล แอ มอก เน เมือนนอย นำ ก็ มี ปันญา ตี เอาซาง อน ตัก นำ ฮัก Faic an caibideil |
2 เปโตร 3:15
27 Iomraidhean Croise
เจ็นนัน เอิญ ก็ เลือก เอิด โอโฮลีอับ ควัน อาฮีซามาก ตี เป็น ครำ กรอก ดาน นัน เอิญ ระ โอโฮลีอับ แองกาน เลิม เคิบ เบซาเลล นัน ซำรับ ปึง ซะลา ซอ ตี แองกาน เลิม เคิบ อัห นัน เอิญ ก็ อน ปันญา ดก ตัก อัห ระ อัห แองกาน ยาง เก็ง ซีเละ เพือ ระ อัห แอง ซะ นัน กุญ ซะ จู มบลึ ตี เอิญ ไล มัห แอง นัน ครำ ปึง เน แอง กุญ มด
อานาเนีย ก็ เริล โตะ เจิง อัห แลว อานาเนีย ก็ กุด ควังใน เจิง นำ ก็ ต็อก ซิห ที ตัก เซาโล นำ ก็ จ็อก คือเน “เซาโล เฮย เยซู งกีจ็อง คอง แอ ตี นำ ระ มัห เม็จ นัง ออ ตัก รวง งิ นาน นำ ไล เอิญ โตะ และ มัห นำ ไล เอิญ โตะ จวย มัห ระ มัห ดอม ซะ ตาด วัล ดาย นำ ก็ ระ มัห มี ซีมาล เอาซาง อุ เลิม เคิบ มัห” อานาเนีย อัง
แป ก็ เป็น มอก เจิง เอาซาง เอิญ ก็ เป็น มอก ซะลา แอง เจิง นัน เอิญ มี ความ ซามาด แอง เจิง เอาซาง ก็ เป็น ตัก เอาซาง อน ความ ซามาด นัน ตัก เอิญ ฮัก ทาเน เอิญ ก็ มอก พร็อห งกรัง ซิห เน็ล เลาะ แลว เจ็นนัน อัหซอ ก็ โตะ แอง ตอ วัล แต ครำ ตี แอง ตอ วัล นัน อัห ก็ ต็อง เจิม นัง ออ แอง เลาะๆ ต็อง แอง เลาะๆ
แต ปันญา ตี เล็ห เจ็น เอาซาง นัน ไอ มี เมือน ปันญา ตัก โลก เน เตาะ ปันญา เอาซาง นัน เลาะ ทีซุด ซำคัน ทีซุด ก็ เป็น ปันญา เลาะ คอง เอาซาง ฮัก นัน ไอ แมน ปันญา แอง ซะ ลุห เตาะ ปันญา เอาซาง นัน จวย ระ แอ อุ เลาะ อุ ซุก เคิบ นอย จวย ระ แอ แมด ซี จวย ระ แอ ปัง แญง นอย งาย จวย ระ แอ ตึ อัง นอย ใจ ดัว ซิห นอย ฮัก ปันญา เอาซาง นัน จวย ระ แอ แอง เลาะ แอง ซือ ซิห นอย ตลอด ไอ มี ปอง เอิด อีเอ เตาะ ไอ มี แอง มอก เซ็ม เปียะ กึ เตาะ กัน แอ มี ปันญา คอง เอาซาง เน แอ ก็ แอง เลาะ เป็น ปะโยด อน อัหซอ ดก
ซีมาล ปึง นัน ก็ เป็น ซีมาล ครำ ตัก อิง ตี ไอ มี ปัง แญง เอาซาง ตัก ซะไม โนอา นัน ซะไม โนอา กำลัง แอง เฮือ นัน เอาซาง ก็ ใจ ดัว เพา ระ อัห เอิด ใจ แมะ อัห ก็ ไอ มี ปัง เอาซาง เตาะ ซุดทาย ก็ ต็อง เปิล มด มี แต แปด ล็อง เตานะ ตี กุด เฮือ นัน เอาซาง ก็ ระ อัห แปด ล็อง นัน ปน แอ็ม เจ็น นอก ทวม จ็อง นัน
มี ปัน ปี คอง แอ ก็ ไอ มี อิง ซำรับ เอาซาง เตาะ แต แกด ล็อง อัห เค็ย เยซู งกีจ็อง จา โตะ นอ นังเลาะ แลว นำ เพา ไอ มี อิง เตาะ นำ กิว โตะ มอก นำ ซันญา นัน ดาย แต นำ ใจ ดัว ซอดแซ็ง ซิห แอ เพาะวา นำ ไอ มี ซีรอก ทำลาย ซีเอ ซัก มี ล็อง เตาะ นำ ซีรอก ระ แอ มี รวง เอิด ใจ แมะ ระ แอ พระ แอ็ม ตี ลุห มด จู ล็อง
Sanasan