2 โคริน 8:1 - Prai Bible1 ควน นไจ เฮย เลือง แอ จวย คริซจัก ยูเดีย นัน มานะ เน เอิญ ซีรอก ระ แป เคาใจ เค็ย เอาซาง ใจ ดัว แอง เลาะ ซิห คริซจัก ยูเดีย นำ จวย คริซจัก ดก ตี ตัก จังวัด มาซีโดเนีย งคม เน ระ อัห จวย ปัน อน ซะ ตัก คริซจัก ยูเดีย วัล Faic an caibideil |
2 โคริน 8:1
15 Iomraidhean Croise
เอิญ ไอ มี ซมควน เป็น ตัวแทน คอง เยซู ดาย แต เอาซาง แอง เลาะ ซิห เอิญ ฮัก ตี นำ เลือก เอิด เอิญ เป็น ตัวแทน คอง ออ นัน ก็ เป็น เคิบ นำ แอง เลาะ ซิห เอิญ ฮัก ตี นำ เลือก เอิด เอิญ เน ก็ ไอ แมน ไอ มี ปะโยด ดาย เป็น ปะโยด ดก อน นำ เอิญ แองกาน อน นำ ดก กวา ตัวแทน เยซู ล็อง ซอ วัล แต ตี เอิญ กุญ แองกาน อน นำ เน ก็ ไอ แมน นัง เอิญ แอง ฮัก ดาย เป็น เอาซาง ฮัก แอง ระ เอิญ เป็น ปะโยด อน ตัก นำ
กำนา ญาม เอิญ อุ เคิบ แป นัน กัน เอิญ คาด ซีวะ เอิญ ก็ ไอ มี จบ ครอ ตัก แป เตาะ เป็น ควน นไจ ตี เล็ห เจ็น จังวัด มาซีโดเนีย งคม เน ฮัก ซับ อน ตัก เอิญ เอิญ ต็องกาน ซีวะ อัห ก็ ซับ อน ตัก เอิญ มด เอิญ ไอ มี รบกวน แป เตาะ กำนา เอิญ ไอ มี ระ แป ต็อง ลำบาก เลียง เอิญ นอ เจ็นเน นโดน เอิญ ก็ ไอ งกิ ระ แป ลำบาก ต็อง เลียง ออ เตาะ
เพาะวา เอิญ เม็จจึด แลว เค็ย แป ตัก เมือง โคริน พอม จวย อัห อุ แลว เอิญ อวด แป ตัก ครำ มาซีโดเนีย งคม เน แลว เอิญ ไล อัห จังเน “ครำ เยซู ตัก จังวัด อาคายา นัน อัห ก็ พอม จวย ครำ ยูเดีย นเซอะ เจ็น วาง เซ็น แลว” เอิญ อัง เค็ย อัห ตี แป เอิด ใจ ซิห ซีรอก จวย ครำ ยูเดีย เซอะ นัน ก็ แอง ระ ครำ มาซีโดเนีย งคม เน เฮง มี ใจ ซีรอก จวย ครำ ยูเดีย เลิม วัล
แปลก ไบ นอ นำ แอง เลาะ เคิบ เอิญ มอก เน เพาะวา เอิญ เป็น ครำ แย็ด ทีซุด ใน ปึง ครำ เอาซาง ไอ มี ซมควน นำ ระ เอิญ จวย งาน ออ เตาะ แต นำ ก็ ซำ ระ เอิญ ไล คาว เลาะ คาว แลม เน อน ตัก ครำ กรอก ซอ ปัง วัล เป็น คาว เลาะ เลือง เยซู คริด แอง เลาะ เคิบ แอ นัน เป็น คาว เลาะ ทีซุด ตี แอ ไอ มี จางรู กึด เตาะ
Sanasan