2 โคริน 7:8 - Prai Bible8 กำนา ตี เอิญ เคียน จดมาย อน ตัก แป นัน เอิญ ก็ แอง ระ แป เซียใจ ซีเละ นอ ญาม เอิญ เม็จ แป เซียใจ นัน เอิญ ก็ เซียใจ เลิม แต ไอ แมน เอิญ เซียใจ ตี เอิญ เคียน จดมาย อน ตัก แป นัน ดาย เอิญ เม็จ แลว แป เซียใจ มี ญาม เดียว นัน ฮัก Faic an caibideil |
2 โคริน 7:8
15 Iomraidhean Croise
เจ็นนัน เยซู ก็ ลบ ซ็วน เปโตร วัล เป็น แพะ ลบ ตึง เน “ซีโมน ควัน ยอน เฮย มัห รัก เอิญ ซีเละ อัน” เยซู อัง เปโตร ก็ เซียใจ ซีเละ ตี เยซู มบก ซ็วน นำ มอก นัน ตึง แพะ ลบ นำ ก็ ไล เยซู ฮุนเน “งกีจ็อง เฮย มัห เม็จจึด จู มบลึ แลว เอิญ รัก มัห มัห ก็ เม็จ มด แลว” เปโตร อัง ทาเน เยซู ก็ ไล เปโตร คือเน วัล “ครอ ระ มัห เลียง ดอม แกะ เอิญ เลาะๆ ดาย
กำนา ญาม แป ฮับ จดมาย ตี เอิญ เคียน ไล แป นัน แป ก็ เซียใจ แบบ แพนกาน เอาซาง นอ จดมาย นัน ก็ แอง ระ แป เฮง เอิด ใจ ซิห เอาซาง ดก กวา เครม วัล แป ซีรอก แอง เลาะ ระ นัง ออ ไอ มี ตี ติ ไอ มี ตี คอล เตาะ แป อ็อด อัง ครำ ตี แอง ลุห แป นเจิก กุญ โทด แป ก็ พอม ลงโทด ล็อง นัน ตี แอง ลุห นอ เจ็นนัน แป ก็ วาง ซีรอก เม็จ มัด เอิญ วัล แป ทืล อัง เอิญ ซีเละ อิห เม็จจึด แลว เค็ย เลือง แป ลงโทด ล็อง นัน แป ก็ แอง แคระ มด แลว แป ไอ มี ตี ติ ไอ มี ตี คอล เตาะ
อิห เลาะใจ ตี นำ โตะ และ อิห ตัก นัน ทาเน ก็ ไอ แมน อิห เลาะใจ ญอน อิห เม็จ มัด ทีตัด มาลือ แต อิห เลาะใจ ตี อิห เม็จ คาว แป ตัก ทีตัด วัล นำ เค็ย แป เน อน กำลัง ใจ ตัก นำ ซีเละ นำ ก็ เลามุน เค็ย แป ซีรอก เม็จ มัด เอิญ ซีเละ นำ เค็ย แป ตัก เมือง โคริน เซียใจ ตี แป แอง ลุห กำนา นัน มานะ เน แป เค็ย เอิญ ไล เลาะ ไล แคระ แลว นำ เค็ย แป ทืล อัง เอิญ วัล มานะ เน เอิญ เม็จ คาว แป ฮุนนัน เอิญ ก็ เฮง เลาะใจ ซีเละ ดาย
Sanasan