2 โคริน 5:13 - Prai Bible13 แกด ล็อง อัห เค็ย อิห บา นอ ก็ ตาม แต อัห เตาะ กัน อิห บา ก็ อิห บา เพือ เอาซาง ฮัก แต กัน อิห กึด เลาะ กึด แคระ ก็ อิห แอง เพือ ปะโยด อน ตัก แป ฮัก Faic an caibideil |
2 โคริน 5:13
15 Iomraidhean Croise
บา นอ เอิญ อวด นัง ออ ตัก แป มอก ครำ งาว นอ แต เป็น ตัก แป นัน ฮัก คนาบ เอิญ จ็อก มอก เน แป ซงไซ เอิญ มอก แป กึด เค็ย เอิญ ไอ แมน ตัวแทน เยซู นังเลาะ แลว แป อวด เอิญ ฮัก ซัง แคระ เอิญ ไอ มี ซำคัน ซีวะ ก็ แมน แต ปึง นัน ตี แป ทือ เป็น ตัวแทน เยซู นัน อัห ไอ มี จบ เป็น ซะ แกะ กวา เอิญ
มานะ เน เอิญ ก็ อด โซะ อุ เน นอ แต เอิญ ก็ เลาะใจ ตี เอิญ กุญ อด ตุก อด ญาก เพือ ปะโยด แป นัน กัน เยซู คริด ไล เอิญ ต็อง อด โซะ มอก นเดย เอิญ ก็ ญอม อด โซะ มอก นัน เอิญ ญอม อด โซะ มด จู มบลึ เอิญ ญอม อด โซะ มด ตึง นัง ตึง ใจ คอง เอิญ ฮัก เอิญ ญอม อด โซะ เพือ นัง คอง เยซู นัง เยซู นัน ก็ ซีแล็ม เค็ย ปึง คริซจัก นัน เอิญ ต็อง ญอม อด โซะ เพือ คริซจัก ดาย
อิห เม็จจึด แป เป็น ครำ เอาซาง ก็ เพาะวา แป เจือ แญง นังเลาะ คอง เอาซาง ญาม อิห โตะ ไล คาว เลาะ ตัก แป นัน ก็ ไอ แมน แญง จ็อก คอง อิห มาลือ ดาย เป็น ซีมาล เอาซาง ฮัก อน แร็ง ตัก อิห จวย อิห ไล แญง เอาซาง อน ตัก แป อิห ก็ แก็นใจ เจือ เค็ย แญง ตี อิห ไล แป นัน เป็น แญง เอาซาง นังเลาะ ญาม นัน แป ก็ เม็จจึด เคิบ อิห เลาะ ซีเละ นอ ตี อิห แอง เลาะ เคิบ แป นัน ก็ เพือ ปะโยด คอง แป ฮัก เลือง เน แป ก็ เคาใจ มด แลว นอ
Sanasan