2 โคริน 5:1 - Prai Bible1 ตี แอ ไอ มี ซนใจ ซะ ตี แอ เม็จ เคิบ มัด นัน ก็ เพาะวา แอ เม็จจึด แลว เค็ย นัง แอ ตี อุ ตัก โลก เน ต็อง เซีย แอ็ม บัดนะ มเบิด ก็ มอก แอ อุ ตัก ตุบ ตุบ นัน ก็ ต็อง กรา แอ็ม ติกๆ แต บัดนะ เอาซาง ก็ ระ แอ มี นัง แมะ ตัก ซะวัน นทึห วัล ก็ มอก นำ อน เจิง เลาะ ตัก แอ นัน ไอ มี กรา แอ็ม เตาะ นัง แมะ นัน ไอ แมน ครำ แอ เน แอง เตาะ เป็น นัง แมะ ตี เอาซาง แอง ออ ฮัก นัง แมะ นัน กุม อิง ตลอด จำ นเดย จำ กวา นโดน Faic an caibideil |
2 โคริน 5:1
25 Iomraidhean Croise
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
เอาซาง ระ เยซู โตะ เป็น มอ เอาซาง จ็อง ตี แกะ ทีซุด แลว นำ เป็น มอ จ็อง คอง แอ ฮัก นำ ก็ กุด พาเต็น ตัก วาง นทึห ลด ทวาย เมียม ออ ระ แอ กุญ ปน แอ็ม เจ็น ลุห จำ นเดย จำ กวา นัน พาเต็น นัน ก็ เป็น ตี เลาะ ทีซุด คอง เอาซาง ฮัก ไอ แมน คอง โลก เน เตาะ ไอ แมน ครำ แอง เตาะ นำ ก็ ไอ มี เอิด เมียม แปะ เมียม งัว ลัง เตาะ นำ ทวาย เมียม ออ ฮัก นำ ทวาย เมียม ออ มี ลบ เดียว นัน ก็ ปอ แอ ก็ กุญ ปน แอ็ม เจ็น ลุห จำ นเดย จำ กวา นโดน
ควน นไจ เฮย มานะ เน แอ เป็น ควัน เอาซาง แลว ซีเละ นอ แต เลือง นัง แอ เป็น จังนัก บัดนะ แอ ก็ ไอ มี ตัน เม็จจึด แต แอ เคาใจ เค็ย ญาม เยซู คริด ลบ วัล โตะ บัดนะ แอ ก็ มี นัง มอก นำ แอ ก็ มี เกียด มอก นำ ฮัก แต แอ มี เกียด จังนัก นัน แอ มี นัง จังนัก นัน ญาม แอ เม็จ มัด เยซู โตะ บัดนะ ซัง แอ เม็จจึด ซัด
Sanasan