2 โคริน 12:9 - Prai Bible9 เอิญ ครอ เคิบ เอาซาง แต จู ลบ ตี เอิญ ครอ วอน เอาซาง จวย ออ นัน เอาซาง ก็ ไอ มี งเคาะ จวย เอิญ เอาซาง ก็ ไล เอิญ ฮุนเน “ไอ งกิ ระ มัห งาล ตัน เตาะ ตี เอิญ แอง เลาะ เคิบ มัห ใจ ดัว ซิห มัห ตลอด นัน ก็ ปอ แลว ญาม มัห แมด นัน อัหซอ ก็ เม็จจึด ซัด เค็ย มัห มี แร็ง คอง เอิญ ฮัก ไอ แมน แร็ง คอง มัห เตาะ” เอาซาง ไล เอิญ จังนะ เจ็นนัน ญาม เอิญ แมด นัน เอิญ ก็ เลาะใจ ทีซุด เอิญ ก็ อวด เค็ย นัง ออ แมด นัน ตี เอิญ แมด นัน ก็ เพือ ระ เอิญ มี แร็ง คอง เยซู คริด จวย เอิญ ฮัก Faic an caibideil |
2 โคริน 12:9
38 Iomraidhean Croise
เลือง มี ซีวะ ลอง ใจ แอ นัน ไอ แมน เลือง แมะ เตาะ ครำ ทัว มด ก็ เกย มี ซะ ลอง ใจ อัห มอก แอ เน แลว แต จู ลบ กัน มี ซีวะ ลอง ใจ แอ เอาซาง ก็ จวย แอ กุญ ตลอด มอก นำ ไล อน แลว เอาซาง ก็ ไอ มี ระ ซีวะ ลอง ใจ แอ ดก เกิน ดาย นำ ก็ จวย ระ แอ มี รวง ปน กุญ ระ แอ มี แร็ง อด เอิด กุญ ก็ มอก นะ นอ
เอิญ ไอ มี ซมควน เป็น ตัวแทน คอง เยซู ดาย แต เอาซาง แอง เลาะ ซิห เอิญ ฮัก ตี นำ เลือก เอิด เอิญ เป็น ตัวแทน คอง ออ นัน ก็ เป็น เคิบ นำ แอง เลาะ ซิห เอิญ ฮัก ตี นำ เลือก เอิด เอิญ เน ก็ ไอ แมน ไอ มี ปะโยด ดาย เป็น ปะโยด ดก อน นำ เอิญ แองกาน อน นำ ดก กวา ตัวแทน เยซู ล็อง ซอ วัล แต ตี เอิญ กุญ แองกาน อน นำ เน ก็ ไอ แมน นัง เอิญ แอง ฮัก ดาย เป็น เอาซาง ฮัก แอง ระ เอิญ เป็น ปะโยด อน ตัก นำ
เจ็นนัน ญาม เอิญ แมด เอิญ ก็ ควะ ปอใจ อุ ญาม อัห โป ดูทูก เอิญ ญาม เอิญ ตุก ญาก ลำบาก ญาม อัห คมเฮง เอิญ ญาม มี ซะ ราย ซะ คาด เล็ห ตัก เอิญ ดก มบลึ นัน เอิญ ก็ อด เอิด ญอน เอิญ แอง ฮุน เยซู คริด ไล อน นัน เอิญ ก็ เลาะใจ มด ดาย เพาะวา ญาม เอิญ แมด นัน เอิญ ก็ เฮง มี แร็ง ดก เล็ห วัล
มี ครำ กวาง อัห ซิห ตัก โอด อัห ก็ ไอ มี จีก ไอ มี ตูล เตาะ มี ครำ และ ป็อก อัห มเบิล อัห อัห ก็ ปัด ปน แอ็ม กุญ อัห เป็น ครำ แมด ไอ มี แร็ง ไอ มี เดิด แต อัห เจือ เอาซาง เอาซาง ก็ ลด อน แร็ง ออ ตัก อัห อัห ก็ ลด มี แร็ง ซู ซะตรู กุญ อัห ก็ ซู ดุ ซีเละ ปึง ซะตรู ก็ กาน แอ็ม ซะตรู ก็ ปัด มี ติด มี ตี
Sanasan