1 ทิโมที 1:9 - Prai Bible9 แอ ก็ เม็จ แลว เอาซาง ไอ มี อน กด ตัก ครำ ตี แอง เลาะ แต นำ อน กด ตัก ครำ ตี แอง ไอ มี เลาะ ฮัก เอาซาง อน กด ตัก ครำ ลืน ครำ ดาน ตี แอง ลุห แอง ราย ตี ไอ มี แอง ฮุน เอาซาง ไล อน ตี ดูทูก เอาซาง ตี ดูทูก ซะ เลาะ ตี เอาซาง แอง อน นัน เอาซาง อน กด ตัก ครำ ตี มเบิล ครำ ตี มเบิล เอา เม ออ Faic an caibideil |
1 ทิโมที 1:9
45 Iomraidhean Croise
เอาซาง เค็ย อับราฮัม เป็น ครำ เลาะ ครำ ซือ ญอน นำ เจือ นอ เอาซาง ก็ ลด ซันญา เคิบ นำ ญอน นำ เจือ ฮัก เอาซาง ไล อับราฮัม ตึง ควัน นจะ ควัน ลาน นำ คือเน “บัดนะ เอิญ ระ แป ปกคอง โลก เน ดาย” เอาซาง อัง ตี เอาซาง ไล อับราฮัม จังนะ ก็ ไอ แมน เป็น ตัก นำ แอง เลาะ แอง ซือ ตาม กด โมเซด เตาะ แต เป็น ตัก เอาซาง เค็ย นำ เป็น ครำ เลาะ ครำ ซือ ญอน นำ เจือ เอาซาง ฮัก
กัน จังนะ กด โมเซด มี ปะโยด ซีวะ ก็ ฮุนเน ดาย เอาซาง อน กด โมเซด ตัก แอ ระ แอ เฮง เคาใจ นัง ออ ลุห ตี ลุห นัน ก็ เป็น นาย คอง แอ แอ ก็ ต็อง เปิล มด ปน ไอ มี กุญ เตาะ แต เอาซาง ใจ ดัว ซิห แอ แอ เฮง แอง ลุห ดก เอาซาง ก็ เฮง แอง เลาะ ซิห แอ วัล ซะ ลุห นัน เกย เป็น นาย คอง แอ นอ แต มานะ เน ซะ เลาะ ตัก เอาซาง แอง อน แอ นัน เป็น นาย คอง แอ วัล ระ แอ อุ เลาะ เคิบ นำ ระ แอ รีด อุ ตลอด จำ นเดย จำ กวา ญอน เยซู คริด งกีจ็อง คอง แอ นัน
กัน แอ กุญ จู มบลึ ญอน เอาซาง ซันญา เคิบ อับราฮัม แลว นัน เป็น ตัก ซีวะ เอาซาง อน กด ตัก แอ วัล ก็ ฮุนเน ดาย เอาซาง อน กด ตัก แอ ระ แอ เคาใจ นัง ออ ลุห แต เอาซาง ไอ มี ระ กด นัน มี อำนาด จำ นเดย จำ กวา เตาะ เอาซาง ระ กด นัน มี อำนาด จำปอ โตะ เยซู คริด นัน ก็ ฮุนเน ดาย เยซู เป็น ควัน งา อับราฮัม ตี เอาซาง ซันญา อน นัน ทาเน กด ตี เอาซาง อน ตัก ซะไม โมเซด นัน เทวาดา ก็ อน ตัก โมเซด แลว โมเซด วัล อน ตัก พซาซน วัล โมเซด เป็น ตัวแทน เอาซาง นำ จ็อก เคิบ ครำ อิซราเอล แตน เอาซาง
ครำ ทัว มด อัห ก็ แอง ไอ มี เลาะ เตาะ อัห เอิด ใจ ออ มี ล็อง ฮัก อัห อืม โซะ กุญ แต เงิน อัห ทือ ญด นัง ออ อัห อวด นัง ออ อัห ไอ มี จ็อก เลาะ เตาะ อัห โป ดูทูก อัหซอ วัล อัห ไอ มี ญอม เจือ ปัง แญง เอา เม ออ อัห ไอ มี เม็จจึด คอบคุน อีเอ เตาะ อัห ไอ มี ทือ เค็ย มี ซีวะ ซักซิด ซัก มี มบลึ
ครอ ระ แอ แอง เลาะ ซิห อัห จู ล็อง ดาย เพาะวา เอาซาง แอง เลาะ ซิห แอ จู ล็อง ตัก อิง วาล ไอ ตัน แอ เจือ เยซู นัน แอ ก็ งาว เมือนนอย แอ ก็ ไอ มี เจือ ปัง แญง เอาซาง เตาะ แอ ก็ เลอ รวง ลด แอง ลุห ติกๆ แอ ก็ ซีลิด มอก อัห แอ เป็น คีคา ซะ เจอะ ซะ เพอะ ไอ มี เลาะ จู มบลึ แอ ก็ มอก อัห นะ แอ มี ดก มอก นเดย แอ ก็ ไอ มี เม็จจึด ปอ เตาะ แอ ซอบ คอย อัห เซ็ห อัง อัห แอ ก็ ลบ เซ็ห อัง นอย วัล แอ เน ไอ มี เลาะ ซัก มี ติด เตาะ
ซีมาล ปึง นัน ก็ เป็น ซีมาล ครำ ตัก อิง ตี ไอ มี ปัง แญง เอาซาง ตัก ซะไม โนอา นัน ซะไม โนอา กำลัง แอง เฮือ นัน เอาซาง ก็ ใจ ดัว เพา ระ อัห เอิด ใจ แมะ อัห ก็ ไอ มี ปัง เอาซาง เตาะ ซุดทาย ก็ ต็อง เปิล มด มี แต แปด ล็อง เตานะ ตี กุด เฮือ นัน เอาซาง ก็ ระ อัห แปด ล็อง นัน ปน แอ็ม เจ็น นอก ทวม จ็อง นัน
แต ซำรับ ครำ ตี เม็จ แญง เอิญ แลว แต อัห ควะ นเจิก ไอ มี ฮาน เจือ เอิญ อัห ก็ กุญ อุ ตี งกุก โอด ครำ ตี ไอ มี เจือ เคิบ ครำ ตี แอง ไอ มี เลาะ ครำ ตี มเบิล อัห ครำ ตี ปิล จู ครำ ตี เอิด อัหคล็อง เคิบ อัหคล็อง เอิด อัหเม เคิบ อัหเม ครำ ตี มี ครู มี คาทา ครำ ตี ไว ฮูบ ไว พะ ครำ คีอู คีลม ครำ ปึง เน อัห กุญ อุ ตัก งกุก โอด ตัก มี มาด มี โอด ลน อุ วืลๆ นัน อัห อุ ตัก งกุก โอด นัน ก็ เป็น อัห เปิล เปียะ ลบ ตึง เน” นำ อัง
Sanasan