1 ทิโมที 1:16 - Prai Bible16 เอิญ ไอ มี เลาะ ซีเละ แต เยซู ก็ ใจ ดัว ซิห เอิญ นำ เลือก เอิด เอิญ ก็ เพือ เป็น ตัวยาง อน ตัก ครำ ตี เจือ แทะ กัน เยซู คริด ซอดแซ็ง ใจ ดัว ซิห เอิญ มอก เน แลว ครำ ตี เจือ แทะ ก็ ลด รีด อุ จำ นเดย จำ กวา นัน เยซู ก็ ใจ ดัว ซิห อัห เมือนนอย Faic an caibideil |
1 ทิโมที 1:16
37 Iomraidhean Croise
เยซู ก็ ไล ซีโมน วัล “เอิญ ไล มัห นังเลาะ นะ อัหเม ล็อง เน นำ เคาใจ นัง ออ ลุห ดก ซีเละ แต เอาซาง ไอ มี ทือ ลุห นำ เตาะ นำ ก็ ลด รัก เอาซาง ดก ซีเละ แต กัน ซีเอ กึด เค็ย นัง ออ ลุห แย็ด เอาซาง ไอ มี ทือ ลุห นำ ก็ ตึก นำ ก็ ไอ มี ปอ รัก เอาซาง เตาะ นำ เยา เอาซาง ไอ มี ปอ จวย ออ ดก ปานเดย เตาะ” เยซู อัง
เอาซาง ระ แอ อุ ซะวัน เลิม เคิบ ออ ก็ เป็น ตัก นำ ใจ ดัว แอง เลาะ ซิห แอ ฮัก นำ ซีรอก แอง เลาะ เคิบ แอ ตลอด จำ นเดย จำ กวา นโดน ตี นำ แอง เลาะ ซิห แอ นัน ก็ เพือ ระ แอ เม็จจึด เค็ย นำ ฮัก แอง เลาะ ซิห แอ ดก เกิน ไอ มี ตึก ไอ มี เตา เตาะ ตี นำ แอง เลาะ ซิห แอ นัน ก็ ญอน แอ เป็น ครำ เยซู คริด นัน
กำนา เอิญ ก็ เซ็ห อัง เยซู ดุ เอิญ โป ดูทูก ดูแควน นำ ดุ เอิญ คมเฮง อัห แร็ง ซีเละ เอิญ แอง ลืน ซีเละ ดาย เอิญ เป็น ครำ ไอ มี เลาะ จังนัก ก็ ตึก เอาซาง ก็ ควะ ตึ อัง เอิญ นำ ใจ ดัว ซิห เอิญ ซีเละ นำ ควะ เอิด เอิญ เป็น ลูกนอง ออ วัล นำ ไอ มี เอิด เลือง เอิญ เพาะวา เอิญ ไอ มี ตัน เคาใจ เอิญ ไอ มี ตัน เจือ ญาม นัน นอ
ซีมาล ปึง นัน ก็ เป็น ซีมาล ครำ ตัก อิง ตี ไอ มี ปัง แญง เอาซาง ตัก ซะไม โนอา นัน ซะไม โนอา กำลัง แอง เฮือ นัน เอาซาง ก็ ใจ ดัว เพา ระ อัห เอิด ใจ แมะ อัห ก็ ไอ มี ปัง เอาซาง เตาะ ซุดทาย ก็ ต็อง เปิล มด มี แต แปด ล็อง เตานะ ตี กุด เฮือ นัน เอาซาง ก็ ระ อัห แปด ล็อง นัน ปน แอ็ม เจ็น นอก ทวม จ็อง นัน
เจ็นนัน ก็ ครอ ระ แอ เฮง แอง เลาะ ติกๆ ดาย ครอ ระ แอ เคาใจ เค็ย ตี เอาซาง ใจ ดัว ซอดแซ็ง ซิห แอ นัน ก็ เพาะวา นำ ซีรอก ระ แอ จู ล็อง มี รวง กุญ ปน แอ็ม เจ็น ลุห นัน ดาย ทาเน เลือง ตี เอาซาง ใจ ดัว ซอดแซ็ง ซิห แอ นัน เปือน แอ ตัก เปาโล ตี แอ รัก ดก นัน นำ ก็ เคียน ไล แอ มอก เน เมือนนอย นำ ก็ มี ปันญา ตี เอาซาง อน ตัก นำ ฮัก
มี ปัน ปี คอง แอ ก็ ไอ มี อิง ซำรับ เอาซาง เตาะ แต แกด ล็อง อัห เค็ย เยซู งกีจ็อง จา โตะ นอ นังเลาะ แลว นำ เพา ไอ มี อิง เตาะ นำ กิว โตะ มอก นำ ซันญา นัน ดาย แต นำ ใจ ดัว ซอดแซ็ง ซิห แอ เพาะวา นำ ไอ มี ซีรอก ทำลาย ซีเอ ซัก มี ล็อง เตาะ นำ ซีรอก ระ แอ มี รวง เอิด ใจ แมะ ระ แอ พระ แอ็ม ตี ลุห มด จู ล็อง
Sanasan