1 เปโตร 1:13 - Prai Bible13 เจ็นนัน ก็ ครอ ระ แอ เจิม นัง ออ เลาะๆ ดาย ครอ ระ แอ เตียม จิด เตียม ใจ พอม แอง เลาะ ตลอด ครอ ระ แอ แก็นใจ ตี เยซู โตะ แอง เลาะ เคิบ แอ บัดนะ ญาม เยซู คริด โตะ ระ แอ เม็จ นัง ออ บัดนะ นำ ก็ แอง เลาะ ซิห แอ ฮัก Faic an caibideil |
1 เปโตร 1:13
35 Iomraidhean Croise
เยซู ก็ ไล ลูกนอง ออ ตอ วัล “แป ต็อง พอม อุ ตลอด เพาะวา แป ไอ มี เม็จจึด เค็ย เอิญ ลบ วัล โตะ ตัก โลก เน ญาม นเดย นอ แป ต็อง พอม เพา เอิญ โตะ มอก ลูกนอง ตี เพา โตะ เอาเลียง ออ อัห เพา นำ โตะ เจ็น งาน แตงงาน อัห ไอ มี อวย เตาะ อัห แตงตัว เลาะ โทจ ตะเกียง เพา อุ ตลอด โตะ เอาเลียง ญาม นเดย อัห ก็ พอม พลาง ปะตู อน นำ ตลอด
เจ็นเน แอ ต็อง ซู ติกๆ อำ ญอม แอ็ม ตัก เย็ห เตาะ แอ ต็อง เตียม นัง ออ เลาะๆ แอ ต็อง ก็อง แญง นังเลาะ คอง เอาซาง แก็นๆ ก็ มอก แอ เอิด ทาล เครด ท็อก ระ ตัก นัง ออ แก็นๆ แอ แก็นใจ เค็ย นัง ออ อุ เลาะ เคิบ เอาซาง แอ แอง เลาะ แอง ซือ มอก เอาซาง ไล อน นัน ก็ มอก แอ จึห โกบ เกาะ ป็องกัน งก็อห ออ
แต ซำรับ มัห เน มัห ต็อง ควบคุม นัง ออ เลาะๆ อัห แอง ซีวะ เคิบ มัห ก็ ตึก ต็อง กึด เลาะ กึด แคระ ตลอด ดาย ต็อง ซอดแซ็ง ญาม มัห ตุก ญาก นัน ครอ ระ มัห เอิด ใจ ซิห แองกาน อน เอาซาง เลาะๆ ฮัก ต็อง ไล คาว เลาะ คาว แลม อน ตัก อัห ติกๆ ครอ ระ มัห แองกาน จู มบลึ ตี เอาซาง ระ มัห ฮับพิดซอบ นัน ระ แลว แอ็ม ดาย
มานะ เน เอิญ ก็ เพา ฮับ รางวัน ตัก เอาซาง ฮัก รางวัน นัน ก็ เป็น มงกุด ตี เอาซาง อน ตัก ครำ จู ล็อง ตี แอง เลาะ แอง ซือ เคิบ นำ เยซู นำ เป็น งกี ตี ตัดซิน เลาะ ตัดซิน แคระ นอ บัดนะ ญาม นำ โตะ ตัก โลก เน วัล นำ ก็ อน รางวัน นัน ตัก เอิญ ลด นำ ไอ มี อน ตัก เอิญ มี ล็อง เดียว แต นำ อน ตัก แอ จู ล็อง ตี วาง เพา เยซู โตะ นัน
โมเซด ฮับพิดซอบ ครำ อิซราเอล เลาะ ซีเละ แต เยซู คริด เน นำ ฮับพิดซอบ ครำ เอาซาง มด จู ล็อง ทัว โลก แพนซิก เน นำ แกะ กวา โมเซด วัล นำ ไอ แมน ลูกนอง พาลือ นำ เป็น ควัน เอาซาง นำ เป็น งกี นำ ก็ ฮับพิดซอบ เลาะ ทาเน กัน แอ แก็นใจ เจือ เค็ย เอาซาง กิว แอง มอก นำ ไล อน กัน แอ อุนใจ กุญ เลาะ ตัก เอาซาง กัน แอ เลาะใจ ตี กุญ เลาะ ตัก นำ นัน แอ ก็ เป็น ครำ เอาซาง ซีเละ เยซู ก็ ฮับพิดซอบ แอ เลาะ
เลือง แอ ปน แอ็ม เจ็น ลุห ปน แอ็ม เจ็น โทด เน ก็ เป็น เลือง ซำคัน ซีเละ ดาย เอาซาง แอง เลาะ ซิห แอ นำ ตึ อัง แอ ซีเละ เลือง ตี เอาซาง แอง เลาะ ซิห แอ เน เอาซาง ก็ เพีย ไล อน ตัก ปึง ลาม ตัก อิง แลว ปึง ลาม นัน ก็ จด ระ อน ระ แอ กุญ เม็จ มานะ เน แต คนาด ปึง ลาม นัน อัห ก็ ไอ มี ปอ เคาใจ เลาะ ปึง ลาม นัน ก็ ลด ที ซ็วน ที นเจ็น เลือง ตี แอ ปน แอ็ม เจ็น ลุห นัน อัห ซีรอก เคาใจ ซีเละ
ทาเน จดมาย เจาะๆ เน เยอะ เคิบ ซีลาด เคียน อน ตัก แป ดาย ซีลาด เน นำ เป็น ควน นไจ ตี เจือ เยซู เลิม นอ เอิญ เคาใจ นำ แอง เลาะ แอง ซือ เคิบ เยซู ตลอด ตี เอิญ เคียน จดมาย เน เอิญ ซีรอก อน กำลัง ใจ ตัก แป ระ แป เคาใจ เค็ย เลือง ญาก ตี เล็ห ตัก แป นัน ก็ เป็น ตัก เอาซาง แอง เลาะ เคิบ แป ฮัก ครอ ระ แป แก็นใจ เค็ย เอาซาง แอง เลาะ เคิบ แป ดาย
Sanasan