1 ยอน 3:19 - Prai Bible19 กัน แอ กิว รัก นอย ซีเละ นัน แอ ก็ เม็จจึด เค็ย แอ กิว เคาใจ เลือง นังเลาะ แลว แอ ไอ มี ทืล อัง ซีวะ เตาะ ญาม แอ เม็จ มัด เอาซาง บัดนะ แอ ก็ แก็นใจ อุ Faic an caibideil |
1 ยอน 3:19
15 Iomraidhean Croise
ปีลาด ก็ ซ็วน เยซู คือเน วัล “มัห เป็น พะเจายูฮัว นังเลาะ แมน อัน” ปีลาด อัง เยซู ก็ ซวัล ปีลาด คือเน “มัห เค็ย เอิญ เป็น พะเจายูฮัว ก็ แคระ แลว แต ตี เอิญ โตะ ตัก โลก เน ตี เอิญ เกิด เป็น ครำ เน ก็ เอิญ โตะ เพือ ไล เลือง นังเลาะ อน ตัก ครำ ใน โลก เน ปัง จู ล็อง ตี ซีรอก เม็จจึด เลือง นังเลาะ นัน อัห ก็ ปัง แญง เอิญ” เยซู อัง
เอิญ เคาใจ จังเน แลว เอิญ ก็ ลด แก็นใจ เค็ย เอาซาง รัก แอ ตลอด ไอ มี ซีวะ จางรู เด็ง แอ ทอก แอ็ม เจ็น เอาซาง ระ นำ ไอ มี รัก แอ ไอ มี ซีเอ จางรู แอง ระ เอาซาง เซ็ห อัง แอ เตาะ เป็น เทวาดา ก็ ตึก ซะ ตัก วาง นทึห ตัก มี อำนาด ก็ ตึก เป็น ซีวะ ตัก มี อำนาด พานเดย พากวา ทัว โลก แพนซิก เน ก็ ตึก ไอ มี ซีวะ จางรู เด็ง แอ ทอก แอ็ม เจ็น เอาซาง เตาะ ปันฮา จู งิ เน เคิบ ปันฮา วาล มัด บัดนะ นโดน ก็ ตึก ไอ มี ซีวะ จางรู แอง ระ เอาซาง เซ็ห อัง แอ เตาะ แอ เปิล กัห แอ รีด กัห เอาซาง ก็ ควะ รัก แอ ตลอด ญอน เยซู คริด งกีจ็อง คอง แอ นัน
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
ครำ จูบ อับราฮัม อิซอัก ยาโคบ นัน อัห เปิล มด แลว นอ ญาม อัห เปิล นัน อัห ไอ มี ตัน กุญ ซะ ตี เอาซาง ซันญา อง อน ตัก อัห ตัน แต อัห เลาะใจ ตี เอาซาง กิว อน ตัก อัห งิ แทะ วัล มอก อัห เม็จ ควะ เยอะ ซะ นัน อัห เจือ เค็ย โลก เน ไอ แมน ตี อุ จำ นเดย จำ กวา อัห ไอ มี เจิง อุ เป็น ตี อัห ญอม ญาย เริล ญาย วัล แต อัห เม็จจึด แลว เค็ย บัดนะ เอาซาง อน เจิง เลาะ ตัก อัห อัห ก็ ปอใจ อุ
Sanasan