Mateo 26:41 - El Nuevo Testamento

⁴¹ Nichjeꞌenta ndo Dio ko tarichrinꞌanta ixi jaña sinchengachrueꞌa Xixronꞌanxrée asáanta ixi espírituanta tjée ndo Dio ko ntauꞌanta tjaunꞌa.

Mateo 26:41 Iomraidhean Croise

Mateo 24:42

’Jian tsjeꞌenta ixi noaꞌinta ngiora tsiꞌi Ncháina.

Mateo 25:13

Ko ndo Jesús ndachro ndo: ―Tarichrinꞌanta ko jian tsjeꞌenta ixi noaꞌinta ngixeꞌe nchakon ko ngiora tsi̱i̱ Chjenꞌen ndo Dio, xjan jongíꞌe xranchi chujni.

Mateo 26:38

Ko ndache ndo sen: ―Tsango jitoniꞌe aséenna xranchi ti xrokueꞌenna. Jaꞌanta ntiꞌi tituanꞌanta ko tarichrinꞌanta.

Mateo 6:13

Tintueꞌanta ixi ti ndakoꞌa sintaꞌana, ko tájonꞌanta juachaxin ixi xrojan ngeꞌe sinchena̱na Xixronꞌanxrée ixi jaꞌanta tituanꞌannta kain ngeꞌe ko chondanta ijié juachaxin kain nchakon. Jaña tsonꞌen.

Marcos 14:38

Jai xingamaꞌanta ko nichjeꞌenta ndo Dio ixi tsajonꞌa ndo juachaxin ixi Xixronꞌanxrée sintayaꞌanta xa. Espírituanta tjée ndo Dio ko ntauꞌanta sojiꞌa.

San Lucas 11:4

Ko ncheméꞌenta kain ti ndakoꞌa ntaꞌana, xranchi janꞌanna tjáñana̱na ti ndakoꞌa juinchena̱na na̱. Tájonꞌanta juachaxin ngajin Xixronꞌanxrée ixi sincheꞌe xa tsitexinna ti ndakoꞌa.

San Lucas 21:36

Méxin tsejuaꞌi asáanta, ko jian tantjeꞌe ikonnta, ko kain nchakon nichjeꞌenta ndo Dio ixi jaña chao tsatsinganta juachjaon tsi̱i̱, ko jaña chao tsonchjiñeꞌenta ngajin chjenꞌen ndo Dio, xjan jongíꞌe xranchi chujni.

San Lucas 22:40

Ko hora kuiji sen ntiꞌa, ndachro ndo: ―Jaꞌanta nichjeꞌenta ndo Dio ixi tsingijnanta ndo ixi xroꞌan ijie̱ tsamanta.

San Lucas 22:46

Méxin ndachro ndo: ―¿Sonda stechrinnta? Xingamaꞌanta, ko nichjeꞌenta ndo Dio ixi tsingijnanta ndo sincheꞌanta ngeꞌe ndakoꞌa.

San Lucas 8:13

Tse̱e̱ kuitsinga ti jii ixro meꞌe xrondachro ngisen kuinꞌen chijnie ndo Dio ko bakeꞌe na̱ juaxruxin, ko séꞌa kuitikaon na̱ ixi kui̱i̱ juachjaon ko ngaxiton na̱.

Romanos 8:3

ixi ndo Dio juincheꞌe ndo ngeꞌe juaꞌi juincheꞌe ley kuayéꞌe ndo Moisés ixi juaꞌi tintuꞌeni ti ndakoꞌa. Ndo Dio xruanꞌan ndo Chjenꞌen ndo ko ikjan xjan xranchi ngixeꞌi chujni chónda ijie̱. Kui̱i̱ ndo kuenxin ndo ixi jíee kain chujni nunte xasintajni, ko kuantsjengíꞌe ndo ijie̱ xrokuitjáñaxinna.

1 Corintios 10:13

Jaꞌanta ti xrojan ngeꞌe tsango tangi konꞌannta, xraxaonnta ixi kain chujni jaña tonꞌen na̱ kaxon. Ko jaꞌanta chuntianta ndo Dio ixi jeꞌe ndo tsintuaꞌinta ndo ixi jaꞌanta tsatsinganta naa juachjaon tsango tangi ti tsokuaxianꞌinta. Méxin, nchakon tsi̱i̱ xrojan ngeꞌe tangi ngajinnta, ndo Dio tsingijnanta ndo ko jaña tsjachanta.

1 Corintios 16:13

Jian xraxaonnta ko nchesoji asáanta. Tintueꞌanta ti chuntianta Ncháina Jesús, xronkaꞌinta ko tsanga tinteenta.

1 Corintios 9:27

Janꞌan tintuaꞌi ixi cuerpona tsituanꞌan ngajin janꞌan, ko tetuanꞌan aséenna ixi jian tsitikaꞌon ixi tjaunꞌa sintaꞌa ti ndakoꞌa ko ixi janꞌan ó juako chijnie ndo Dio ngajin ikaxin na̱ ko nchakon ndo Dio tsajon ndo ti ndachro ndo ngajin chujni, tjaunꞌa ixi janꞌan tsayáꞌi.

Gálatas 5:24

Ixi ngisen ó tikinixinꞌen Ncháina Cristo, í juaꞌi sincheꞌe sen ngeꞌe ndachro cuerpoe sen ko kain ngeꞌe ti ndakoꞌa xraxaon sen.

Efesios 6:18

Ko tjáñaꞌinta nichjeꞌenta ndo Dio, kain nchakon tinóatáanta ngajin ndo ko tjancheꞌenta Espíritue ndo ixi tsingijnanta. Ko tonchrjeꞌanta nichjeꞌenta ndo Dio ko tjanchianta ixi tsingijna ndo kain sen titikaon ndo.

1 Pedro 4:7

Ó tuinxin tsjexin nunte xasintajni, méxin, jian tinteenta ko nduaxin nichjeꞌenta ndo Dio.

1 Pedro 5:8

Jian xraxaonnta ko kain nchakon tsjeꞌenta jian ixi Xixronꞌanxrée, xi ningakonꞌannta, ichrji xa xranchi naa kujenda tsango jieꞌe ko tsango soji tuyako ba ko jitjee ba ngeꞌe chujni sine ba jaña ncheꞌe xi meꞌe.

2 Pedro 2:9

Ndo Dio jaña tjakoi̱na ndo tsingijna ndo sen titikaon ndo ixi nchijíi aséen sen, maski kueya ngeꞌe tangi tsatsinga sen. Ko ni ñaꞌi, tangi tsintekonꞌen na̱ nchakon sinchéña ndo Dio ijie̱ ngajin na̱.

Apocalipsis 16:15

*Méxin ndo Dio ndachro ndo: “Janꞌan ó tuinxin tsjiꞌi xranchi naa xicheꞌe. Juaxruxin tsintee sen tejuaꞌi ko steyá mantée sen ko jeꞌa turuchu ste sen, ixi jaña tsosueꞌa sen ixi turuchu ste sen.”

Apocalipsis 3:10

Ixi nduaxin kuitikaonnta ngeꞌe kuetuanꞌannta, janꞌan tayakonꞌannta nchakon tsi̱i̱ juachjaon ngataꞌa kain chujni ste nunte xasintajni ixi jaña tsikon ndotána Dio á nduaxin tsikitikaon na̱ chijnie ndo.