Mateo 16:8 - El Nuevo Testamento

⁸ Ko ndo Jesús konoꞌe ndo ngeꞌe stendachro sen, méxin ndachro ndo: ―¿Sonda ndachronta ixi chondaꞌinta nutja? Jaꞌanta chuntiaꞌininta, méxin nichjanta jaña.

Mateo 16:8 Iomraidhean Croise

Mateo 14:31

Ko ndo Jesús tuinxin koka itja ndo ko itsé ndo ndo Pedro ko ndachro ndo: ―Pedro, ¿sonda tsango nchion chuntiana ko sonda xronka?

Mateo 16:7

Ko sen teyuu chrikao ndo Jesús ndache kichuu sen: ―Jaꞌin ichro ndo ixi tjáñai̱na nutja.

Mateo 6:30

Ko siá ndo Dio jaña nchekitsáa ndo ika, ka jai jichón, ko ndúya xroche ka ngaya itja̱, ¿xranchi sinchekitsáꞌinta ndo Dio jaꞌanta ti chuntiaꞌinta ndo?

Mateo 8:26

Ko jeꞌe ndo ndachro ndo: ―¿Sonda stexronkanta, jaꞌanta? ¿Á chuntiaꞌinta ndo Dio? Tjumeꞌe bingatjen ndo ko kuyakutee ndo chrinto ko ndachaon ko tuinxin ndabakeꞌe nda.

Marcos 16:14

Tjumeꞌe konoxin ndo ngajin sen tenaá kuajikao ndo ti stene sen. Ko nichjeꞌe ndo sen sonda tsikitikaonꞌa sen ngeꞌe chronga sen tsikikon ndo ixi jeꞌe ndo ó tsixechón ndo.

San Juan 16:30

jai tienxinna ixi noꞌa kain ngeꞌe ko xrokondaꞌi ixi xrojan ngisen tsjanchangiꞌana. Méxin, titikaꞌonna ixi jaꞌa juixian ti jii ndo Dio.

Hebreos 4:13

Xroꞌan ngeꞌe ti juinchéña ndo Dio tsjacha tsemá ngajin ndo, ixi jeꞌe ndo chúxin ndo kain ngeꞌe, ko kain ngeꞌe ti ndakoꞌa ncheꞌe na̱ maski xroxrabaatja, jeꞌe ndo chao tikon ndo, ko ngajin ndo xrokonda xrondachrona kain ngeꞌe sinkana.

Apocalipsis 2:23

Ko chjenꞌen nchri meꞌe sintaniꞌa xjan ko tsenꞌen xjan. Ko kain sen niꞌngo tsonoꞌe sen ixi janꞌan chuxin ngeꞌe xraxaon aséen sen. Ko sintajenga sen ꞌna̱ kondee ngujngu ti ndakoꞌa juincheꞌe sen.