Mateo 16:16 - El Nuevo Testamento

¹⁶ *Ko ndo Simón Pedro juatingíexin ndo ko ndachro ndo: ―Jaꞌanta ndo Cristo, Chjenꞌen ndo Dio, ndo jichón.

Mateo 16:16 Iomraidhean Croise

Mateo 1:16

Ko ndo Jacob ndotée ndo José ko ndo José ndoxiꞌe jan María ko jeꞌe jan María janée ndo Jesús, ndo Jesús, ndo nchekinꞌin sen Cristo.

Mateo 14:33

Ko sen stexinꞌin nta̱barco bakeꞌexin ntatuchiꞌin sen ngajin ndo Jesús ko ndachro sen: ―¡Nduaxin Chjenꞌen ndo Dio jaꞌanta!

Mateo 16:15

Tjumeꞌe juanchangi ndo Jesús: ―¿Ko jaꞌanta ngeꞌe chronta, ngisen janꞌan?

Mateo 26:63

Ko ndo Jesús nichjaꞌi ndo. Ko ndachro xitaana ícha tetuanꞌan: ―Janꞌan tituanꞌan ixi nombrée ndo Dio, ndo jichón, ixi xrondachijiana, ¿á jaꞌa ndo Cristo, Chjenꞌen ndo Dio?

Mateo 27:54

Ko xi centurión ko xi soldado jindaa ndo Jesús, bikon xa ixi kontengí nunte ko kain ngeꞌe konꞌen, tsango xronka xa, ko ndachro xa: ―Xi jiꞌi nduaxin Chjenꞌen ndo Dio.

Mateo 4:3

Ko Xixronꞌanxrée konchjiñeꞌe xa ti jii ndo Jesús ixi tjaun xa tsakaon xa ndo, méxin ndachro xa: ―Siá nduaxin jaꞌa Chjenꞌen ndo Dio, ndache ixro meꞌe xrokjan xro nutja.

Marcos 14:61

Ko ndo Jesús tenko ndo, xroꞌan ngeꞌe juateꞌe ndo. Ko xitaana tetuanꞌan ndachro xa íjngo: ―¿Á jaꞌa ndo Cristo, Chjenꞌen ndo Dio tsango tjúá?

San Lucas 2:11

Tjajnée ndo David jai jongíexin naa chjan, xjan meꞌe sincheméꞌe xjan kain ijie̱ chónda chujni, ko jeꞌe xjan Ncháina Cristo.

San Juan 1:49

Méxin, ndachro ndo Natanael: ―Maestro, jaꞌa Chjenꞌen ndo Dio, ndo Rey tetuanꞌan tjajna Israel.

San Juan 11:27

Jeꞌe nchra ndachro nchra: ―Jaán, Ncháina, janꞌan titikaꞌon ixi jaꞌa ndo Cristo, Chjenꞌen ndo Dio, ndo xrokui̱i̱ nunte xasintajni.

San Juan 20:31

Ko ngeꞌe jitaxin xroon jiꞌi, tsikixintaxin ixi tsitikaonnta ixi ndo Jesús meꞌe ndo Cristo, Chjenꞌen ndo Dio, ixi siá tsitikaonnta ndo, xrochondanta juachaxin tsaricho̱nnta kain nchakon.

San Juan 6:57

Ndotána tsixruanꞌanna ndo janꞌan, ndo meꞌe jichón ndo, ko janꞌan richónxin ixi jeꞌe ndo. Ko sen sine ntauꞌna, sen meꞌe tsechónxin sen ixi janꞌan.

San Juan 6:68

*Ko juateꞌe ndo Simón Pedro: ―Ncháina, ¿ti no itsjina? Chijni nichja jaꞌanta tajon juachaxin tsechónna kain nchakon

San Juan 6:69

ko titikaꞌonna ko nónana ixi nduaxin jaꞌanta ndo Cristo, Chjenꞌen ndo Dio jichón.

Hechos 14:15

―¿Sonda ncheꞌenta jiꞌi? Janꞌanna chujnina xranchi jaꞌanta. Janꞌanna juiꞌina ixi sintakuanꞌannta chijnie ndo Dio ko tintuꞌenta kain ngeꞌe xroꞌan tjintee ko ikjannta tsitikaonnta ndo Dio, ndo jichón. Jeꞌe ndo juinchéña ndo ngajní ko nunte xasintajni ko ndachaon ko kain ngeꞌe jii ngataon nche.

Hechos 8:36

Ko stetatsinga sen ti no jii inda, meꞌe ndachro xi eunuco: ―Ntiꞌi jii inda. ¿Á juaꞌi tsikitéexinna ntiꞌi?

Hechos 8:37

Ko ndachro ndo Felipe: ―Siá nduaxin titikáoan ngaya asáan, chao tsikitée. Ko jeꞌe xa juateꞌe xa: ―Titikaꞌon ixi ndo Jesucristo, Chjenꞌen ndo Dio.

Hechos 9:20

Ko tjumeꞌe juangíxin ndo Saulo juako ndo ngaxinꞌin niꞌngo Israel ixi ndo Jesús, Chjenꞌen ndo Dio.

Romanos 1:4

Ko juachaxin ijié chónda Espíritue ndo Dio juinchexechón ndo Jesucristo ti kuenꞌen ndo meꞌe juako ixi nduaxin ndo Jesucristo, Chjenꞌen ndo Dio.

2 Corintios 1:19

*Ixi ndo Silvano ko ndo Timoteo ko janꞌan juakoꞌananta chijnie ndo Cristo Jesús, chjenꞌen ndo Dio, nchakon bakeꞌena ntiꞌa; ko jeꞌe ndo Cristo ncheyaꞌi ndo; ixi ti ndachro ndo meꞌe ncheꞌe ndo.

2 Corintios 3:3

Meꞌe tsikonxinni ixi jaꞌanta xrokjuinta xranchi naa xroon chrjikiꞌanna tsikjin Ncháina Jesucristo tsonoexin chujni ixi ixra̱ jian ntaꞌana. Ko jeꞌa ixi ndanaꞌó tsikjinxin ndo xroon meꞌe. Naꞌi. Jeꞌe ndo kuajon ndo Espíritue ndo ti jichón kuayeꞌenta. Ko jeꞌa ngataꞌa naa xro tsikjin ndo. Naꞌi. Jeꞌe ndo tsikjin ndo ngaya aséen chujni.

2 Corintios 6:16

*Jai̱na ningue ndo Dio, ndo jichón, ko siá ndo Dio jii ngajinna, juaꞌi tsitikaonna ngajin naa ídolo, jai̱na tikinixinna ningue ndo Dio ko jeꞌe ndo tsindachro ndo: Janꞌan tsakeꞌé ko tsajikiꞌan sen, ko janꞌan ndo Dio neꞌe sen ko jeꞌe sen tsikinixinꞌen sen tjajnána.

1 Tesalonicenses 1:9

ixi jai jeꞌe na̱ chronga na̱ xranchi juasona tjajnánta, ko kainnta kuajonnta juachaxin kuinteena ntiꞌa ko tjumeꞌe kuintuꞌenta kain ídolo ixi kuaxinta kuitikaonnta ndo Dio, ndo nduaxin jichón.

1 Timoteo 3:15

ixi siá tsonchrjenna, jaꞌa tsonoꞌa xranchi sincheꞌe ixra̱ ngajin sen kichuuna, sen tikinixinꞌen ndoꞌa ndo Dio, ndo jichón. Sen niꞌngo xrokonda jian tsitikaon sen chijni nduaxin.

1 Timoteo 4:10

Méxin jai̱na ncheꞌena xrée ndo Dio maski chinga nchei̱na chujni ixi titikaꞌonna ko stechonꞌenna tsi̱i̱ ndo Dio, ndo jichón, ixi jeꞌe ndo nduaxin tsingijna ndo chujni ko jai̱na ícha ixi jai̱na titikaꞌonna ndo.

Hebreos 10:31

Tsango tangi tsonꞌenni siá tsitikaonꞌani ndo Dio, ndo jichón.

Hebreos 12:22

Ko jeꞌa xranchi konchjiñeꞌe sen israelita, jaꞌanta nduaxin konchjiñeꞌenta ngajin ijna̱ Sión, tjajnée ndo Dio, ndo jichón kain nchakon, tjajna meꞌe tjajna Jerusalén jii ngajní, ko ntiꞌa ste itsjé sen ángel, stetajon sen juasaya ngajin ndo Dio,

Hebreos 3:12

Kichuuna, tsjeꞌenta jian, ixi ninaa jaꞌanta xrochondaꞌinta naa asáanta ñaꞌi, ko tsachrjendáanta ko tsitikaonꞌanta ngeꞌe tetuanꞌan ndo Dio, ndo jichón.

Hebreos 9:14

Siá meꞌe chónda juachaxin, jnié ndo Cristo ícha chónda juachaxin, ixi juachaxien Espíritue ndo Dio jichón kain nchakon, ndo Cristo kuenꞌen ndo ixi chujni, ko kuenꞌen ndo ixi jaña ndo Dio xrokuayéꞌe ndo ndo Cristo xranchi naa ngeꞌe tayéꞌe ndo, ko jeꞌe ndo Cristo xroꞌan ijie̱ chónda ndo. Méxin, jnié ndo ícha sinchetjúá aséei̱na ko kain ti ndakoꞌa juintuꞌuna, meꞌe jai chao sincheꞌena ixra̱ ngajin ndo Dio, ndo jichón.

1 Juan 4:15

Ngisen titikaon ixi ndo Jesús Chjenꞌen ndo Dio, sen meꞌe jii sen ngajin ndo Dio ko jeꞌe ndo jii ndo ngajin sen.

1 Juan 5:20

Kaxon noi̱na ixi Chjenꞌen ndo Dio kui̱i̱ xjan ngataꞌa nunte xasintajni ko juinchekuai̱na xjan xranchi tsichuxinna ndo Dio, ndo nduaxin ko steniina ngajin ngisen nduaxin, meꞌe jeꞌe ndo Jesucristo, chjenꞌen ndo Dio. Jiꞌi Ndo Dio, ndo nduaxin, ko chjai̱na ndo juachaxin tsechónna kain nchakon.

1 Juan 5:5

Ngisen titikaon ixi ndo Jesús meꞌe chjenꞌen ndo Dio, sen meꞌe tsjacheꞌe sen xrée xiñaꞌi jii ngataꞌa nunte.

Apocalipsis 7:2

Ko kaxon bikon inaa ndo ángel kui̱xi̱n chjuya ko chónda ndo sellue ndo Dio, ndo jichón kain nchakon. Ko ndo ángel meꞌe séen kuyako ndo ngajin ti noó ángel kuayéꞌe juachaxin sincheniꞌe nunte xasintajni ko ndachaon,