Mateo 11:5 - El Nuevo Testamento

⁵ Tekiꞌénta ndo ixi sen tikonꞌa, ó tikon sen, sen ntarengo ó ichrji sen ko sen kuachónda ichin lepra ó koxruenꞌen sen, sen ntakuxro, tinꞌen sen; kaxon sen tsikenꞌen xechón sen ko sen nóa stetinꞌen sen chijnie ndo Dio.

Mateo 11:5 Iomraidhean Croise

Mateo 10:8

Sinchexruenꞌennta chujni niꞌe ko ni chónda ichin lepra ko nchengatjennta ni tsikenꞌen, tantsjenta espíritue Xixronꞌanxrée ko ti juachaxin kuitoꞌannta kaxon nchiki̱tonꞌennta chujni.

Mateo 11:4

Ko jaꞌin juatingíexin ndo Jesús: ―Itjinta ko ndachenta ndo Juan ngeꞌe bikonta ko ngeꞌe kuinꞌennta.

Mateo 12:13

Tjumeꞌe ndache ndo xi niꞌe: ―Tinxe tjáa. Ko jeꞌe xa kuinxe itja xa ko itja xi meꞌe tuinxin koxruenꞌen.

Mateo 21:14

Ko ngaxinꞌin niꞌngo konchjiñeꞌe ni ntakutsin, ni ntarengo ngajin ndo Jesús ko jeꞌe ndo juinchexruenꞌen ndo na̱.

Mateo 5:3

―Juaxruxin tsakeꞌe sen xraxaon ixi nduaxin xrokondeꞌe sen ndo Dio ixi sen meꞌe tsayéꞌe sen juachaxin tsintee sen ti tetuanꞌan ndo Dio.

Mateo 9:30

Ko tuinxin ó chao bikon na̱. Ko ndo Jesús kuetuanꞌan ndo: ―Xroꞌan ngisen tekiꞌénta jiꞌin.

Marcos 7:37

Ko meꞌe tsango xronka kain na̱ ko ndachro na̱: ―Tsango jian kain ngeꞌe ncheꞌe ndo. Ni tienꞌa, tinꞌen na̱ ko ni nichjaꞌi, nichja na̱.

Marcos 9:25

Ko tjumeꞌe bikon ndo Jesús ixi kueya na̱ konchjiñeꞌe na̱. Ko kuyakutee ndo espíritue Xixronꞌanxrée chónda chán meꞌe, ko ndachro ndo: ―Jaꞌa espíritue ti tintueꞌa nichja na̱ ko ti tintueꞌa tinꞌen na̱. Jai janꞌan ntatjua tachrjexian chajan jiꞌi ko tintuꞌé chán ko íkjanꞌia.

San Lucas 4:18

Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua,

San Juan 10:25

Ko juatingíexin ndo Jesús: ―Ó ntatjunta ko titikaonꞌanta. Kain ixra̱ ntaꞌa, juachaxien Ndotána ntaꞌaxin ixra̱; ko jiꞌi tjakoxin ngisen janꞌan.

San Juan 10:38

Ko siá nduaxin ntaꞌa ixra̱ ncheꞌe Ndotána, maski titikaonꞌantana janꞌan, titikaonnta ixra̱ ntaꞌa ixi ña̱ tsitikaonxinnta ixi Ndotána ko janꞌan naakuana ko jeꞌe ndo jii ndo ngajin ko janꞌan ritjén ngajin ndo.

San Juan 2:23

Nchakon ndo Jesús bakeꞌe ndo tjajna Jerusalén kia Pascua, itsjé na̱ kuitikaon na̱ ndo nchakon bikon na̱ ngeꞌe jian juincheꞌe ndo.

San Juan 3:2

Xi jiꞌi kui̱i̱ xa ngajin ndo Jesús naa tiie ko ndachro xa: ―Maestro, nónana ixi ndo Dio xruanꞌan ndo ixi sinchekuanna̱na, ixi xroꞌan ngisen xrojuincheꞌe ngeꞌe jian ncheꞌe jaꞌa siá ndo Dio xrobakeꞌa ndo ngajian.

San Juan 5:36

’Ko janꞌan chónda naa ngeꞌe ícha tjintee tjakoxin ixi najanꞌan, ixi ngeꞌe tsindachro ndo Juan. Ixra̱ ntaꞌa janꞌan, ixra̱ naxreꞌo tituanna Ndotána sintaꞌa, ña̱ tjakoxin ixi nduaxin Ndotána tsixruanꞌanna ndo.

San Juan 9:7

Ko kuetuenꞌen ndo xa: ―Itjia tuye tjiá inda ndatinꞌin Siloé ko tontia inda ikuan. (Ko Siloé xrondachro ngigueꞌe na̱, tsixruaꞌan.) Ko sakjui xi tikonꞌa, konti xa inda ikon xa, ko hora ikjan xa ó chao tikon xa.

Hechos 2:22

’Jaꞌanta ni israelita, tinꞌennta ngeꞌe xrondachrja̱n. Ndo Jesús, ndo tjajna Nazaret, ndo Dio tsixruaꞌan ndo ndo ngajinnta ko jeꞌe ndo juincheꞌe ndo itsjé ixra̱ ijié bikonta, meꞌe juakoxin ndo ixi ndo Dio tsikajon ndo juachaxin ngajin ndo. Meꞌe jian noꞌanta.

Santiago 2:5

Jaꞌanta kichuuna tsango tjuaꞌanta, tinꞌennta jiꞌi: Ndo Dio tsikincheꞌe ndo sen nóa jii ngataꞌa nunte ntiꞌi ixi jeꞌe sen ícha tjintee sen ixi chuntia sen ndo Dio, ko sen meꞌe jai tsayéꞌe sen juachaxien ndo ko tsi̱i̱ nchakon tsayéꞌe sen juachaxin tixinꞌin sen ti tetuanꞌan jeꞌe ndo ixi jaña tsindachro ndo tsayéꞌe kain sen tjueꞌe ndo.