Mateo 11:11 - El Nuevo Testamento

¹¹ Ko janꞌan nduaxin ndachrja̱n ixi kain sen jongíꞌe ko bakeꞌe ngataon nunte ntiꞌi, ni naa sen tjinteꞌa sen xranchi tjintee ndo Juan tikitée chujni. Ko naa sen ícha tjinteꞌa jii ti tetuanꞌan ndo Dio, sen meꞌe ícha tetuanꞌan sen ixi ndo Juan.

Mateo 11:11 Iomraidhean Croise

Mateo 11:10

Jiꞌi ndo xroxruanꞌan ndo Dio xranchi jichrónga xroon chijnie ndo ó saꞌó: Janꞌan xroxruanꞌan naa ngisen tsitaon ntiꞌa tsikao sen chijnina, ko sinchenataonxin sen chaꞌo.

Mateo 11:12

*’Nchakon kuaxi nichja ndo Juan Bautista chijnie ndo Dio, nchakon meꞌe ko ti jai, tsango tangi stetayéꞌe sen chijnie ndo Dio ko ti tetuanꞌan ndo, ko jeꞌo sen xronkaꞌi, sen meꞌe tsjacha tsayéꞌe juachaxien ndo Dio.

Mateo 3:1

Nchakon meꞌe ndo Juan Bautista kuiji ndo ti jii ijna̱ nchese nunte Judea, ntiꞌa nichja ndo chijnie ndo Dio

Mateo 3:11

Ko nduaxin tjakonta ixi juincheniꞌanta ti ndakoꞌa juincheꞌenta ko janꞌan inda bikitéexinta. Ko ícha tjumeꞌe tsi̱i̱ inaa ndo ícha tetuanꞌan, ko janꞌan tikinixinnaꞌi tsikiꞌan katée ndo, ko jeꞌe ndo tsikitéxinnta ndo Espíritue ndo Dio ko xroꞌi.

Mateo 5:19

Ko ngisen tsitikaonꞌa ko sincheꞌa ti ndachro ley kuetuanꞌan ndo Dio, maski naa ley nchíín tsitikaonꞌa sen, ko jaña sinchekuenꞌen sen chujni, kaxon nchion juasie ndo Dio tsayéꞌe sen ti jii ngajní tetuanꞌan ndo Dio. Ko siá ndako tsitikaon sen ley kuetuanꞌan ndo Dio ko jaña sinchekuenꞌen sen chujni, ijié juasie ndo Dio tsayéꞌe sen ntiꞌa ti jitetuanꞌan ndo Dio,

San Lucas 1:15

Ko chjanꞌan ijié tsakeꞌe xjan ngajinxin ndo Dio. Ko xroꞌan vino ko ninaa xran tsiꞌa xjan, ko tsango xrochónda xjan Espíritue ndo Dio ti xrajiyá xjan ngaya tse̱ꞌe̱ janée xjan.

San Lucas 7:28

Janꞌan rintatjonta ixi kain ni kui̱i̱ saꞌó chronga chijnie ndo Dio, xroꞌan ngisen kuachónda juachaxin xranchi juachaxin chónda ndo Juan Bautista. Ko maski, ngisen chóndaꞌi itsjé juachaxin ti tetuanꞌan ndo Dio, ícha ijié sen ixi ndo Juan.

San Lucas 9:48

*ko ndache ndo sen: ―Ngisen tsayéꞌe ichjan jiꞌi ixi titikaonna sen; sen meꞌe tayéꞌe sen janꞌan kaxon. Ko ngisen tsayéꞌena janꞌan, kaxon tsayéꞌe ngisen xruanꞌanna. Méxin, ngisen ícha tjinteꞌa ngakjenꞌennta, sen meꞌe ícha tjintee sen ti tetuanꞌan ndo Dio.

San Juan 1:15

Ndo Juan nichja ndo ixi ndo Cristo ko ndachro ndo: ―Jiꞌi ngisen ntatjunta nchakon ndachrja̱n, tjumeꞌe tsi̱i̱ inaa ngisen ícha tetuanꞌan, ixi ó saꞌó jii ndo ixi najanꞌan.

San Juan 1:27

Tuenxin najanꞌan jiti̱i̱ ndo ko ícha tetuanꞌan ndo ixi janꞌan. Ko tikinixinꞌa tsoxindangaꞌa tjuée katée ndo.

San Juan 10:41

Ko kueya na̱ ruéꞌe na̱ ndo ko ndachro na̱: ―Nduaxin ndo Juan maski juincheꞌa ndo itsjé ixra̱ ijié, nduaxin chronga ndo ixi xi jiꞌi.

San Juan 3:30

Jeꞌe ndo xrokonda ícha tsetuanꞌan ndo ko janꞌan ínaꞌi.

San Juan 5:35

Ndo Juan bakeꞌe ndo xranchi naa xroꞌi jiche ko tingasáña, ko jaꞌanta juaxruxin bakeꞌenta ixi xroꞌi meꞌe, maski tsjéꞌa nchakon.

San Juan 7:39

Jaña ndachro ndo Jesús ixi sen titikaon ndo tsayéꞌe sen Espíritue ndo Dio. Ixi xratiꞌa Espíritue ndo ko ndo Jesús xrasatjiꞌa ndo ngajní.

1 Corintios 15:9

*Ko janꞌan nóna ixi jeꞌa ícha tjinteena xranchi ikaxin sen tsikincheꞌe Ncháina ko tikinixinnaꞌi xrondachijina sen apóstol, ixi janꞌan kuaningakonꞌan ko tjaꞌon naaxrokóñaxón sen titikaon Ncháina.

1 Corintios 6:4

Méxin, siá xrojan ngeꞌe chao tsonchjiankuꞌunta sen kichuunta, ¿sonda tjaunnta inaa ngisen titikaonꞌa Ncháina sinchéña ijie̱ ngajinnta?

Efesios 2:3

Ko kain jai̱na saꞌó jaña kuancheꞌena, ko ti ndakoꞌa ncheꞌe juaxruxin cuerpoi̱na meꞌe kuancheꞌena. Ti ndakoꞌa ncheꞌena ko ti ndakoꞌa xraxaonna meꞌe bakitikaona, méxin jai̱na tikinixinna ijié juachjaon tsaana xranchi ni chúxinꞌa ndo Dio.

Efesios 3:8

Ko janꞌan tjinteꞌana xranchi ikaxin sen kuincheꞌe Ncháina ko juasie ndo Dio chjána ndo ixra̱ sintaꞌa ixi sintakuanꞌan ni jeꞌa judío chijni jian neꞌe ndo Jesucristo, ko chijni meꞌe ícha tjintee ixi ikaxin ngeꞌe.

2 Timoteo 1:10

Jai ó juako ndo Dio ixi tjuai̱na ndo ixi jii ngisen tajon juachaxin tsechónna, ndo Jesucristo. Jeꞌe ndo juinchetjáña ndo juachaxin kuachónda ti tsenꞌen chujni ixi xechón ndo íjngo. Ixi chijnie ndo konoi̱na xranchi tayéꞌena juachaxin tsechónna kain nchakon ko noi̱na ixi ti tsechónna juaꞌi tsitjáña.

Hebreos 11:40

ixi ndo Dio ó tsixraxaon ndo tsajon ndo naa ngeꞌe ícha jian ngajin jai̱na ti xrastechónna ko kain sen chuntia ndo ó seno, sen chinga juinchekaon na̱, ixi jaña ngujnguna tsayéꞌena naa juachaxin natjúá ko jaña tsontjúá aséei̱na.

1 Pedro 1:10

Nchakon ó saꞌó sen kuachronga chijnie ndo Dio juanchangi sen xranchi xrokuechón chujni kain nchakon ko chronga sen ixi ndo Dio xrokuajon ndo juachaxin meꞌe xrokuayeꞌenta ixi tjuaꞌanta ndo ko jian ndo.