San Lucas 9:44 - El Nuevo Testamento

⁴⁴ ―Tinꞌennta jian ti xrontatjunta, ko tjáñaꞌinta. Chujni xrotséna na̱ janꞌan, chjenꞌen ndo Dio, xjan jongíꞌe xranchi chujni, tsikaanna na̱ ti jii xi ñaꞌi.

San Lucas 9:44 Iomraidhean Croise

Mateo 16:21

Nchakon meꞌe kuaxi ndo Jesús ndache ndo sen teyuu chrikao ndo ixi xrokonda satsji ndo tjajna Jerusalén ko ntiꞌa xi tetuanꞌan niꞌngo ko xitaana ko xi tjako ley neꞌe ndo Dio tsango sincheniꞌe xa ndo ko naatsóñaxón xa ndo, ko nchakon nínxin xroxechón ndo.

Mateo 26:2

―Jaꞌanta noꞌanta ixi titjáña yuu nchakon tsaxi kia pascua ko Chjenꞌen ndo Dio, xjan jongíꞌe xranchi chujni, tsajon na̱ xjan ixi tsenito na̱ xjan nta̱cru.

Marcos 8:31

Ko juangíxin ndo Jesús ndache ndo sen ixi jeꞌe ndo chjenꞌen ndo Dio, xjan jongíꞌe xranchi chujni, xrokonda tsango tangi tsonꞌen ndo ko kain xi tetuanꞌan niꞌngo ko kain xitaana tetuanꞌan ko kain ni tjako ley tsoñaoꞌe na̱ ndo. Ko ni meꞌe naatsóñaxón na̱ ndo ko nchakon nínxin xroxechón ndo.

Marcos 9:31

ixi tjaun ndo sinchekuenꞌen ndo sen chrikao ndo. Ko ndache ndo sen: ―Janꞌan chjenꞌen ndo Dio, xjan jongíꞌe xranchi chujni, xrotséna na̱ ko tsikaanna na̱ ngajin ni tituanꞌan ko naatsóñaxónna na̱. Ko nchakon nínxin xroxechónna.

San Lucas 1:66

Ko kain ni kuinꞌen ngeꞌe konꞌen, xraxaon na̱ ko ndachro na̱: ―¿Ngeꞌe ixra̱ sincheꞌe ichjan ña̱? Ko nduaxin ndo Dio tsango jii ndo ngajin xjan.

San Lucas 18:31

Ndo Jesús kuiyeꞌe ndo sen teyuu chrikao ndo ko ndachro ndo: ―Jai satsjina tjajna Jerusalén. Ko ntiꞌa tsoenxin kain ti tsikjin sen profeta ó saꞌó xranchi sinchekaona, chjenꞌen ndo Dio, xjan jongíꞌe xranchi chujni.

San Lucas 2:19

Ko jeꞌe jan María jixraxaon jan ngaya aséen jan kain ngeꞌe konꞌen.

San Lucas 2:51

Ko tjumeꞌe sabikao sen xjan Jesús tjajnée sen, tjajna Nazaret, ko xjan Jesús bakitikaon xjan sen. Ko jan María, janée xjan, ngaya aséen jan xraxaon jan kain ngeꞌe konꞌen.

San Lucas 24:44

Ko tjumeꞌe ndachro ndo: ―Nchakon bakeꞌe ngajinnta ntatjunta kain ngeꞌe xrojuinchena̱ na̱ xranchi tsikjin ndo Moisés ko tsikjin sen profeta ko ti jitaxin xroon Salmo.

San Lucas 9:22

Ko tjumeꞌe ndo Jesús ndache ndo sen: ―Janꞌan, chjenꞌen ndo Dio, xjan jongíꞌe xranchi chujni, xrokonda tsango tangi sinchena na̱, ko kain xi tetuanꞌan niꞌngo, ko kain xitaana tetuanꞌan ko kain xi tjako ley, tsoñaona na̱. Ko naatsóñaxónna na̱, ko nchakon nínxin xroxechónna íjngo.

San Juan 16:31

Ndo Jesús juateꞌe ndo: ―¿Jai ché kuitikaonnta?

San Juan 16:4

Ko ntatjunta kain jiꞌi ixi nchakon jaña tsonꞌen, xroxraxaonnta ixi ó ntatjunta saꞌó jaña tsonꞌen. ’Ti xrangíxixión ntatjuꞌinta jiꞌi ixi bakeꞌe ngajinnta.

San Juan 19:11

Ko juateꞌe ndo Jesús: ―Xroꞌan juachaxin chónda jaꞌa siá jeꞌa Ndotána Dio xrotjáa ndo juachaxin. Ko chujni bikaana ntiꞌi ícha ijie̱ chónda na̱ ixi jaꞌa.

Hechos 2:23

*Maski jaña bikonta, jaꞌanta ndakuaꞌi juinchekuunta ndo xranchi tsixraxaon ndo Dio ó saꞌó. Ko jaꞌanta kuajonnta ndo ngajin ni ñaꞌi, ko kuenitonta ndo nta̱cru.

Hebreos 2:1

Méxin, xrokonda tsienxinna ícha jian chijni kuayeꞌena ixi jaña tsintueꞌana chaꞌo jian.