San Lucas 9:11 - El Nuevo Testamento

¹¹ Ko hora konoꞌe na̱ no jii ndo ko jeꞌe na̱ ruéꞌe na̱ ndo, ko ndo Jesús kuajon ndo juachaxin kuituꞌe na̱ ntiꞌa. Ko chronga ndo kondee juachaxin tetuanꞌan ndo Dio ko juinchexruenꞌen ndo kain ni niꞌe.

San Lucas 9:11 Iomraidhean Croise

Mateo 12:15

Ndo Jesús konoꞌe ndo ixi ngeꞌe stexraxaon xi fariseo, meꞌe sakjuixin ndo ntiꞌa ko kueya chujni ruéꞌe ndo ko juinchexruenꞌen ndo kain chujni niꞌe,

Mateo 14:14

Ko hora kuachrjexin ndo Jesús nta̱barco, bikon ndo ixi tsango itsjé chujni jii ntiꞌa, bikonóeꞌe ndo na̱ ko juinchexruenꞌen ndo kain ni niꞌe tsikikaꞌo na̱.

Mateo 21:31

Tjumeꞌe juanchangi ndo Jesús: ―¿Ngixeꞌe ti yuu chajan kuitikaon chán ngeꞌe kuetuanꞌan ndotée chán? Ko jeꞌe sen ndachro sen: ―Chán saꞌó kuituenꞌen. Ko ndo Jesús ndache ndo sen: ―Ko nduaxin xrontatjunta ixi chujni tjanchia tomi xroxrajon ngajin xi tetuanꞌan ko nchri chónda kueya xi, ni meꞌe ícha saꞌó tsixinꞌin na̱ ti tetuanꞌan ndo Dio ko tjumeꞌe jaꞌanta.

Mateo 21:43

’Méxin xrontatjunta juachaxien ndo Dio tsachrjaꞌa jaꞌanta ko tsayéꞌe ikaxin chujni juachaxin meꞌe ko jeꞌe ni meꞌe jian tsitikaon na̱ ixi tsajon na̱ ngeꞌe tikinixinꞌen Ndo Dio.

San Lucas 1:53

Ko kuajon ndo kain ngeꞌe jian kuayéꞌe ni chóndaꞌi ko xroꞌan ngeꞌe kuajon ndo ngajin ngisen kueya chónda.

San Lucas 5:31

Ko juatingíexin ndo Jesús ko ndachro ndo: ―Ngisen níeꞌa xrokondeꞌa xinchexruan; ni niꞌe ícha xrokondeꞌe na̱ xa.

San Lucas 8:1

Ko tjumeꞌe, ndo Jesús kuaji ndo itsjé tjajna ijié ko itsjé tjajna nchíín kuachronga ndo ixi kui̱i̱ juachaxien ndo Dio. Ko chrikao ndo sen teyuu kuincheꞌe ndo.

San Lucas 8:10

Ko jeꞌe ndo Jesús ndachro ndo: ―Jaꞌanta kuayeꞌenta juachaxin tsienxinnta ti noaꞌinta, ti tetuanꞌan ndo Dio. Ko chujni kaxin, naꞌi. Méxin, janꞌan nichjaxin naa chijni, ixi maski tsikon na̱ ko tsinꞌen na̱, tsienxinꞌa na̱.

San Lucas 9:10

Ko tjumeꞌe ikjan sen xruanꞌan ndo Jesús ko bekiꞌe sen ndo kain ti juincheꞌe sen. Ko tjumeꞌe ndo Jesús sabikao ndo sen ti xroꞌan ngisen ste, tjenka tjajna Betsaida.

San Lucas 9:12

Ko ó kóndo, konchjiñeꞌe sen teyuu chrikao ndo, ko ndachro sen: ―Ndachenta kain na̱ ixi satsji na̱ kaxin tjajna tjenka ntiꞌi, tseꞌna na̱ ti sine na̱ ko tsjokéꞌe na̱ ixi ntiꞌi xroꞌan ngeꞌe jii.

San Lucas 9:2

Ko kuetuanꞌan ndo satsji sen sinchekuenꞌen sen na̱ kondee juachaxin tetuanꞌan ndo Dio ko sinchexrjuenꞌen sen ni niꞌe.

San Juan 4:34

Ko ndachro ndo Jesús: ―Ti iné janꞌan meꞌe ixra̱ sintaꞌa ti tsiketuanꞌan ngisen xruanꞌanna, ko xrokonda sintajexin ixra̱.

San Juan 6:37

Ko kain chujni chjána Ndotána tsonchjiñeꞌe na̱ ngajin. Ko kain ni tonchjiñeꞌe ngajin, janꞌan tsengíꞌa na̱ satsji na̱.

Hechos 28:31

Ko juinchekuenꞌen ndo na̱ ixi ti tetuanꞌan ndo Dio ko juako ndo ngeꞌe juincheꞌe Ncháina Jesucristo ko xroꞌan ngisen bakoñao.

Romanos 10:14

¿Ko xranchi xronichjeꞌe na̱ ndo Dio siá xrachuxinꞌa na̱ ndo? ¿Ko xranchi tsichuxin na̱ ndo siá xratienꞌa na̱ ngisen jeꞌe ndo? ¿Ko xranchi xrokuinꞌen na̱ siá xroꞌan ngisen tsjakoꞌe na̱ ngisen jeꞌe ndo?

Romanos 10:17

Jaña xrokonda tsinꞌen na̱ chijnie ndo Dio, meꞌe tsaxi xrochuntia na̱ ndo, ko chijni ti tinꞌen na̱ meꞌe chijnie ndo Cristo.

Romanos 15:3

Ixi ndo Cristo juincheꞌa ndo jeꞌo ti juincheꞌe ndo juaxruxin. Naꞌi. Jeꞌe ndo kuitikaon ndo ngeꞌe ndachro xroon chijnie ndo Dio: “Tangi juinchenina ti nichjangíꞌe na̱ ndo Dio.”

2 Timoteo 4:2

ko ntatsaꞌañaoan tsjakoa chijnie ndo Dio ixi nchijíi asáan, maski á tsinꞌen na̱ o̱ naꞌi. Nichjeꞌé na̱ jian ixi tsitikaon na̱ ko nchexraxaoan na̱ jian. Chonꞌén indao tsienxin na̱ ko jian tjakoa chijni.

Hebreos 4:16

Méxin, chao tsonchjiñeꞌena ti tetuanꞌan ndo Dio ixi jeꞌe ndo tsango tjuai̱na ndo, ko tsikonóaꞌina ndo ko tsingijnana ndo nchakon xrokondai̱na xrojan ngeꞌe.