San Lucas 8:10 - El Nuevo Testamento

¹⁰ Ko jeꞌe ndo Jesús ndachro ndo: ―Jaꞌanta kuayeꞌenta juachaxin tsienxinnta ti noaꞌinta, ti tetuanꞌan ndo Dio. Ko chujni kaxin, naꞌi. Méxin, janꞌan nichjaxin naa chijni, ixi maski tsikon na̱ ko tsinꞌen na̱, tsienxinꞌa na̱.

San Lucas 8:10 Iomraidhean Croise

Mateo 11:25

Hora meꞌe ndo Jesús nichja ndo ngajin Ndotée ndo ko jaꞌin ndachro ndo: ―Ndotána, tjáꞌanta juasiana, Nchée ngajní ko nunte xasintajni, ixi jaꞌanta kueméꞌenta chujni tsango noꞌe ko ni tsango tsikangi xroon, ko juinchekueꞌennta kain jiꞌi ngajin sen nchejiéꞌa aséen.

Mateo 16:17

Ko ndo Jesús ndachro ndo: ―Juaxruxin takeꞌé jaꞌa Simón, chjenꞌen ndo Jonás, ixi xroꞌan chujni juintanoꞌa jiꞌin. Jeꞌe Ndotána jii ngajní juintanoꞌa.

Marcos 4:11

Ko jeꞌe ndo Jesús ndachro ndo: ―Ndotána tjaun ndo tsienxinnta ti noaꞌinta ti tetuanꞌan jeꞌe ndo. Ko ni kaxin tsekiexinni na̱ xranchi tekini naa chijni,

Marcos 4:12

ixi maski tikon na̱ ko tinꞌen na̱ ko jaña tsienxinꞌa na̱ ixi tsindoxinꞌa na̱ ti ndakoꞌa ncheꞌe na̱, xrokjanꞌi na̱ ngajin ndo Dio ko jaña jeꞌe ndo tsantsjeꞌa ndo ijie̱ chónda na̱.

San Juan 12:40

Ndo Dio kuajon ndo juachaxin ixi tsikonꞌa na̱ ko juinchecha ndo aséen na̱, ixi tsikonxinꞌa na̱ ikon na̱, ko tsienxinꞌa na̱ ixi aséen na̱, ko xrokjanꞌi na̱ ngaji̱n ixi sintaxruanꞌan na̱.

Romanos 16:25

Jai tajonna juasaya ngajin ndo Dio ixi jeꞌe ndo ícha sinchesoji ndo asáanta xranchi nichja chijnie ndo Dio, chijni meꞌe janꞌan ó juintakuanꞌannta, ko meꞌe chijnie ndo Jesucristo. Ko jiꞌi nduaxin, ndo Dio juinchenoi̱na ndo ngeꞌe xrakonoeꞌa chujni ti xra xrangíxixión nunte xasintajni.

1 Corintios 12:11

Ko xrajeꞌo Espíritue ndo Dio tajon kain jiꞌin ko jeꞌe ndo tajon ndo juachaxin ti xra̱ sincheꞌe ngujngu chujnie ndo xranchi jeꞌe ndo tjaun ndo.

Colosenses 2:2

Tjaꞌon ixi tsakeꞌe juaxruxin ngaya aséen sen, ko xrajeꞌo xroxraxaon sen ko xrotjueꞌe kichuu sen. Jaña tsienxin sen jian ko jaña tsonoꞌe sen ngeꞌe ninaa ngisen kuanoaꞌa ti xraxaon Ndotáina Dio, meꞌe ti kui̱i̱ Ncháina, ndo Jesucristo.

1 Timoteo 3:16

Ko ti chijni nduaxin kuayeꞌena meꞌe chijni ícha tjintee ko chujni kuachúxinꞌa na̱ chijni jiꞌi ko nduaxin ngeꞌe titikaꞌonna: Ndo Jesucristo jongíꞌe ndo ntiꞌi nunte xasintajni xranchi naa chujni; Ko Espíritue ndo Dio juakoxin ixi ndo Jesucristo jian ndo. Ko sen ángel bikon sen ndo ko kaxon nchijíi nunte xasintajni kuinꞌen na̱ ngeꞌe kuanichja ndo ko kueya chujni jii ngataꞌa nunte stetitikaon na̱ ndo. Ko tjumeꞌe ndo Dio kuayéꞌe ndo ndo Jesucristo ti jii ngajní.