San Lucas 7:41 - El Nuevo Testamento

⁴¹ Ko ndo Jesús ndachro ndo: ―Bakeꞌe yuu xi sínká tomi ngajin naa xi tjatuya tomi. Naa xi sínká naꞌó ciento tomi, ko naa xi sínká tuꞌo ciento tomi.

San Lucas 7:41 Iomraidhean Croise

Mateo 18:28

Ko sakjui xa ko hora meꞌe kuetan xa inaa xi nchekao xa ixra̱, ko xi meꞌe tsjéꞌa sínká xa ngajin xi koméꞌe ti kuasínká xa ngajin xi rey. Ko xi koméꞌe ti sínká, soji itsé xa tusin xi sinkeꞌe xa ko ndachro xa: “¡Tjénga̱nana ꞌna̱ ti tasinkana̱na!”

Mateo 6:12

Ko jaꞌanta ncheméꞌenta kain ti ndakoꞌa juintaꞌana xranchi janꞌanna ntamáꞌana ngaya aséena̱na ti ndakoꞌa juinchena̱na ikaxin chujni.

Marcos 6:37

Ko ndo Jesús juatingíexin ndo: ―Jaꞌanta tájonnta ngeꞌe sine na̱. Ko jeꞌe sen ndachro sen: ¿Á tjaunnta tseꞌnana yuu ciento denario nutja ixi tsajonna sine na̱?

San Lucas 11:4

Ko ncheméꞌenta kain ti ndakoꞌa ntaꞌana, xranchi janꞌanna tjáñana̱na ti ndakoꞌa juinchena̱na na̱. Tájonꞌanta juachaxin ngajin Xixronꞌanxrée ixi sincheꞌe xa tsitexinna ti ndakoꞌa.

San Lucas 12:48

Ko xi noeꞌa ixi ti ndakoꞌa jincheꞌe xa, xi meꞌe ícha tsikaonꞌa xa. Méxin, ngisen ícha kueya kuayéꞌe, sen meꞌe ícha kueya xrokonda tsajon sen. Ko sen ícha kueya noꞌe, sen meꞌe ícha kueya xroxrancheꞌe sen.

San Lucas 13:4

O̱, ¿á xraxaonnta kaxon ni itejní kuenꞌen, ni xratja torre Siloé? ¿Á ni meꞌe ícha ijie̱ kuachónda na̱ ixi ikaxin ni bakeꞌe tjajna Jerusalén?

San Lucas 7:40

Ko tjumeꞌe ndo Jesús ndache ndo xi fariseo: ―Simón, janꞌan xrontatjua naa ngeꞌe. Ko xi fariseo juateꞌe xa: ―Ndachijiana, Maestro.

San Lucas 7:47

Méxin, janꞌan ntatjua ixi ti kueya sínká nchra ó koméꞌe, ko méxin, ícha tjaunna nchra; ko ngisen sinkaꞌi ijie̱, kaxon jeꞌa ícha tjaunna na̱.

Romanos 3:23

Ixi kain chujni chónda na̱ ijie̱, ko juaꞌi tsikon na̱ juachaxin chónda ndo Dio méxin chondaꞌi na̱ juachaxin tsakeꞌe na̱ ti jii ndo Dio.

Romanos 5:20

Bakeꞌe ley kuetuanꞌan ndo Dio ko chujni ícha juincheꞌe na̱ ti ndakoꞌa ko kuama na̱ ijie̱. Ko maski jaña ícha ijie̱ kuama chujni, ndo Dio ícha bikonóeꞌe ndo na̱.