San Lucas 7:29 - El Nuevo Testamento

²⁹ *Nchakon kuinꞌen na̱ jiꞌi, kain na̱ ko kain xi xengeꞌe iꞌna̱ tsikikite ndo Juan kuitikaon na̱ ixi ndo Dio tsango jian ndo.

San Lucas 7:29 Iomraidhean Croise

Mateo 5:46

Siá jaꞌanta jeꞌo tjueꞌenta ngisen tjuaꞌanta, ¿ngeꞌe tsjachanta ixi meꞌe? Ixi ni tjejo tomi neꞌe xi tetuanꞌan jaña ncheꞌe na̱ kaxon.

San Lucas 20:6

Ko siá xrondachrona ixi chujni xruanꞌan xa, kain ni ste ntiꞌi tsoñao na̱ ko tsaxinna na̱ ixro, ixi noꞌe na̱ ixi xi Juan naa ndo profeta.

San Lucas 3:12

*Ko konchjiñeꞌe kaxin ni xengeꞌe iꞌna̱ tomi tjanchia xi tetuanꞌan ko kaxon tjaun na̱ tsikitée na̱, méxin, juanchangiꞌe na̱ ndo Juan: ―Maestro, ¿ngeꞌe xrokonda sintaꞌana janꞌanna?

San Lucas 7:28

Janꞌan rintatjonta ixi kain ni kui̱i̱ saꞌó chronga chijnie ndo Dio, xroꞌan ngisen kuachónda juachaxin xranchi juachaxin chónda ndo Juan Bautista. Ko maski, ngisen chóndaꞌi itsjé juachaxin ti tetuanꞌan ndo Dio, ícha ijié sen ixi ndo Juan.

San Lucas 7:35

Ko ti tsango noꞌe ndo Dio meꞌe tjakoxin chjenꞌen ndo Dio.

Hechos 18:25

Jeꞌe ndo noꞌe ndo chaꞌo neꞌe Ncháina ko juaxruxin banichja ndo kondee ndo Jesús maski jeꞌo noꞌe ndo xranchi batikitée ndo Juan chujni.

Hechos 19:3

Tjumeꞌe juanchangi ndo Pablo: ―¿Ngisen juachaxien bikitéexinta? Ko jeꞌe sen juateꞌe sen: ―Xranchi kuachronga ndo Juan, jaña bikitéena.

Romanos 10:3

Ko jeꞌe na̱ titikaonꞌa na̱ xranchi ndo Dio chao sincheméꞌe ndo jíee na̱. Méxin, tjaun na̱ sincheꞌe na̱ inaa ngeꞌe ixi jaña ndo Dio tsayéꞌe ndo na̱ ko titikakonꞌa na̱ xranchi kuetuanꞌan ndo Dio sincheꞌe na̱ ixi sincheméꞌe ndo jíee na̱.

Apocalipsis 15:3

Ko itsje̱ sen soon kuantsje ndo Moisés, ngisen juincheꞌe xrée ndo Dio, ko sóen Xjantuchjon, ndachro: Tsango ijié ngeꞌe ncheꞌenta ko tsango jian kain ngeꞌe tsijinchéñanta. Jaꞌanta Nchána ndo Dio, ndo chónda kain juachaxin. Ndako ko nduaxin chao ncheꞌenta kain ngeꞌe. Jaꞌanta Rey tetuanꞌannta kain nchakon ngataꞌa nunte xasintajni.

Apocalipsis 16:5

Tjumeꞌe kui̱nꞌa̱n nichja ndo ángel tetuenꞌen inda ko ndachro ndo: ―Ndo Dio jian jaꞌanta. Ncháina tsango tjúá jaꞌanta, ndo Dio, ndo jichón saꞌó ko ndo jichón jai ko ndo jian nchéña ijie̱,