San Lucas 6:6 - El Nuevo Testamento

⁶ Inaa sábado nchakon tjokéꞌe ni judío, kuixinꞌin ndo Jesús ningue ndo Dio ko kuaxi ndo juinchekuenꞌen ndo na̱ chijnie ndo Dio. Ko ntiꞌa jii naa xi juaꞌi nchetengi itja xa ti jian.

San Lucas 6:6 Iomraidhean Croise

Mateo 4:23

*Ndo Jesús kuaji ndo nchijíi nunte Galilea ko banchekuenꞌen ndo chujni ngaxinꞌin ningue ni israelita ngujngu tjajna ti bakiji ndo ko kuanchekuenꞌen ndo na̱ chijni natjúá ti tetuanꞌan ndo Dio ko kuanchexruenꞌen ndo kain ichin ko kain ti tiín na̱.

San Lucas 13:10

Naa nchakon tjokéꞌe ni judío, ndo Jesús juinchekuenꞌen ndo na̱ chijnie ndo Dio ngaxinꞌin naa nchandoꞌe ndo Dio.

San Lucas 14:3

Ko ndo Jesús juanchangiꞌe ndo xi tjako chijnie ndo Dio ko xi fariseo: ―¿Á jii juachaxin sinchexruenꞌenni naa ni niꞌe nchakon tjokéꞌeni?

San Lucas 4:16

Ko tjumeꞌe ndo Jesús sakjui ndo tjajna Nazaret, ti no bangíxin ndo. Ko nchakon sábado tjokéꞌe na̱, kuixinꞌin ndo ningue ni israelita ixi jaña kuancheꞌe ndo. Ko bingatjen ndo Jesús ixi sinchekuanxin ndo ti jitaxin xroon chijnie ndo Dio.

San Lucas 4:31

Ko tjumeꞌe ndo Jesús sakjui ndo tjajna Capernaum, naa tjajna tikinixinꞌen tjajna Galilea ko kain sábado nchakon tjokéꞌe na̱ nchekuenꞌen ndo ni ste ntiꞌa.

San Lucas 6:1

Naa nchakon sábado tjokéꞌe ni judío, ndo Jesús ko sen teyuu chrikao ndo kuatsinga sen tjenka kaxin ijngi tsikenga na̱ trigo, ko sen teyuu chrikao ndo konchrinjin sen kaxin ti̱n trigo, ko konteꞌnga sen trigo ixi itja sen ko juine sen.

San Lucas 6:5

Ko kaxon ndachro ndo Jesús: ―Chjenꞌen ndo Dio, xjan jongíꞌe xranchi chujni, chónda ndo juachaxin tsetuenꞌen ndo xranchi tsonꞌen nchakon tjokéꞌeni.

San Juan 5:3

Ntiꞌa stetsinga kueya ni niꞌe, ni tikonꞌa, ni juaꞌi itji ko ni juaꞌi nchetengi tutée. Stechónꞌen na̱ tsontengi inda

San Juan 9:16

Ko kaxin ni fariseo ndachro na̱: ―Xi juincheꞌe jiꞌi, jeꞌa chujnie ndo Dio xa ixi chóndaꞌi xa juasaya nchakon tjokéꞌeni. Ko ikaxin na̱ ndachro na̱: ―¿Xranchi ncheꞌe xa ixra̱ ijié siá chónda xa ijie̱? Ko jaña jeꞌa xrajeꞌo xraxaon na̱.